ஆசிட் வீச்சில் உயிர் பிழைத்த பெண் ஒருவர் 12 ஆண்டுகளுக்கு பிறகு என்ஜினியரைக் காதல் திருமணம் செய்து கொண்டுள்ளார்.
கடந்த 2003ஆம் ஆண்டு ஏப்ரல் 22ஆம் தேதி ஜார்கண்ட் மாநிலம் தன்பாத் நகரைச்சேர்ந்த கல்லூரி மாணவி சோனாலி முகர்ஜி (வயது 17). இவரது வீட்டிற்கு அருகே வசிப்பவர்கள் பிரம்மதேவ், தபாஸ்மித்ரா, சஞ்சய் பஸ்வானுக்கு ஆகிய 3 இளைஞர்கள் தினமும் சோனாலியை கேலியும் கிண்டலும் செய்து வந்துள்ளனர். வெறுத்துப்பொன சோனாலி ஒருநாள் போலீசில் புகார் செய்வேன் என்று 3 இளைஞர்களையும் எச்சரித்துள்ளார்.

இதனால் கோபமடைந்த 3 இளைஞர்களும் "அழகாய் இருக்கிறோம் என்ற ஆணவத்தில்தானே எங்களை எடுத்தெறிந்து பேசுகிறாய், உன்னை என்ன செய்கிறோம் பார்'' என்று எச்சரித்தவர்கள், அன்று இரவு மொட்டை மாடியில் பெற்றோருடன் தூங்கிக் கொண்டிருந்த சோனாலியின் முகத்தில், கப்பலின் இரும்புத் துருவை அகற்றுவதற்கு பயன்படும் பயங்கரமான ஆசிட்டை ஊற்றி விட்டனர். இதில் முகம் தலை மற்றும் மார்பு பகுதி அனைத்தும் அனைத்தும் கடுமையாக பாதிக்கப்பட்டது, கண் பார்வையும் பறிபோனது.

நீண்ட கால சிகிச்சை கிட்டத்தட்ட 22 அறுவை சிகிச்சைகள் செய்யப்பட்டன, ஆனாலும் இழந்த எதையுமே மீட்க முடியவில்லை. இனி வரும் வாழ்க்கையை ஆசிட் வீச்சால் பாதிக்கப்பட்டவர்களின் எதிர்கால நலவாழ்விற்காக செலவழிக்க முடிவு செய்தார். இவருக்கு மும்பையைச் சேர்ந்த ஃபேட்டி என்ற தொண்டு நிறுவனம் உதவ முன்வந்தது, அந்த நிறுவனத்தின் மூலம் ஆசிட் வீச்சால் பாதிக்கப்படும் பெண்களுக்கான மருத்துவம் மற்றும் புனர்வாழ்விற்காக நிதிதிரட்டி உதவி செய்தார்.

சோனாலி முகர்ஜி எலக்ட்ரிக்கல் என்ஜினியர் சித்ரஞ்சன் திவாரி என்பவரை காதலித்து திருமணம் செய்து உள்ளார். இவரகளது திருமணம் போகோரா மாவட்ட நீதிமன்றத்தில் வைத்து நடைபெற்றது.

இது குறித்து சோனாலி முகர்ஜி கூறியதாவது:-

”வாழ்க்கை முடிந்தது என நினைத்தேன். ஆனால் சித்தரஞ்சன் அந்த வாழ்க்கையை எனக்கு திரும்பி வழங்கியுள்ளார். அது மட்டுமில்லாமல் மகிழ்ச்சியையும் சந்தோஷத்தையும் எனக்கு கொடுத்துள்ளார்.” என்று கூறினார்.

ஆசிட் வீச்சில் உயிர் பிழைத்த பெண் 12 ஆண்டுகளுக்கு பிறகு என்ஜினியருடன் காதல் திருமணம்



ஜோதிகா நடிப்பில் 36 வயதினிலே திரைப்படத்தின் ஹேப்பி பாடல் மேக்கிங் வீடியோ!


’36 வயதினிலே’ திரைப்படத்தின் ‘ஹேப்பி’ பாடல் மேக்கிங் வீடியோ!



முன்னாள் முதல்வர் ஜெயலலிதா மீதான சொத்துக்குவிப்பு மேல்முறையீட்டு வழக்கில், அரசு தரப்பு வழக்கறிஞர் பவானி சிங்கை நீக்கக் கோரும் திமுக பொதுச்செயலாளர் அன்பழகனின் மனுவை விசாரிக்க, 3 நீதிபதிகள் கொண்ட அமர்வை உச்ச நீதிமன்றம் அமைத்துள்ளது.
முன்னாள் முதல்வர் ஜெயலலிதா மீதான சொத்துக்குவிப்பு மேல்முறையீட்டு வழக்கில், அரசு தரப்பு வழக்கறிஞராக பவானி சிங் ஆஜராவதற்கு தடை விதிக்கக் கோரும் திமுக பொதுச்செயலாளர் அன்பழகனின் மனு மீது, உச்ச நீதிமன்ற நீதிபதிகள் மதன் பி.லோகுர், ஆர்.பானுமதி ஆகியோர் முரண்பட்ட தீர்ப்பு அளித்தனர்.

இந்த முரண்பட்ட தீர்ப்பால், இம்மனுவை அரசியல் சாசன அமர்வுக்கு மாற்றக் கோரி உச்ச நீதிமன்ற தலைமை நீதிபதி ஹெச்.எல்.தத்துவுக்கு பரிந்துரைக்கப்பட்டது.

இதனையடுத்து அன்பழகனின் மனுவை விசாரிக்க 3 நீதிபதிகள் கொண்ட அமர்வு இன்று அமைக்கப்பட்டது. இந்த அமர்வில், நீதிபதிகள் தீபக் மிஸ்ரா, ஆர்.கே.அகர்வால், பிரபுல்ல சி.பன்ட் ஆகியோர் இடம் பெற்றுள்ளனர். இந்த மனு வரும் 21ஆம் தேதி விசாரணைக்கு வருகிறது.

3 பேர் கொண்ட அமர்வில் இடம்பெற்றுள்ள ஆர்.கே.அகர்வால், சென்னை உயர் நீதிமன்ற தலைமை நீதிபதியாக இருந்தவர் என்பது குறிப்பிட்டத்தக்கது.

பவானி சிங்கை நீக்க கோரும் மனு: 3 நீதிபதிகளை அமைத்தது உச்ச நீதிமன்றம்!



2006ஆம் ஆண்டு நடந்த ஐநா பொதுச்செயலாளர் பதவிக்கான தேர்தலில், முன்னாள் இலங்கை அதிபர் மகிந்த ராஜபக்சேவின் உதவியுடன், பான் கீ மூனை வெற்றிபெற வைத்ததாக, தென்கொரிய தொழிலதிபர் ஒருவர் தெரிவித்ததாக, தென்கொரிய நாளிதழ் தகவல் வெளியிட்டுள்ளது.

அண்மையில் காலமான கியாங்னம் என்டர்பிரைசஸ் நிறுவனத்தின் தலைவரான சங் வொன் ஜொங், பான் கீ மூனை ஐநா பொதுச்செயலாளராக்குவதற்கு தாம் கணிசமான பங்காற்றியதாக, தமது நண்பர்களிடம் தெரிவித்த தகவலை கொரிய நாளிதழான டாங் ய இல்போ (Dong-A Ilbo) வெளியிட்டிருக்கிறது.

தாம் இலங்கையின் முன்னாள் அதிபர் ராஜபக்சேவுடன் நெருக்கமான தொடர்புகளை வைத்திருந்ததாகவும், அதனைப் பயன்படுத்தி, இலங்கை சார்பில் 2006ஆம் ஆண்டு ஐநா பொதுச்செயலாளர் பதவிக்குப் போட்டியிட்ட ஜயந்த தனபாலவை போட்டியில் இருந்து விலக வைத்ததுடன், பான் கீ மூனை ஆதரிக்கச் செய்ததாகவும், தென்கொரிய தொழிலதிபர் தெரிவித்துள்ளார்.

தேர்தலின் ஆரம்பக்கட்டத்தில் தாய்லாந்தின் பிரதிப் பிரதமர் சுராகியாட் சதிராதை மற்றும் ஐநாவின் உதவிச்செயலராக இருந்த இந்தியாவின் சசி தரூர் ஆகியோருக்குச் சாதகமாக இருந்தது. ஐநா பாதுகாப்புச் சபையில் மூன்று கட்ட வாக்களிப்புகள் நடத்தப்பட்ட போதும் வெற்றியாளரைத் தெரிவு செய்ய முடியவில்லை. இந்தநிலையில், 2006 செப்டம்பர் இறுதியில், ஜயந்த தனபால போட்டியில் இருந்து விலகி, பான் கீ மூனுக்கு ஆதரவளித்ததையடுத்து, அவர் ஐநா பொதுச்செயலாளராகத் தெரிவு செய்யப்பட்டார்.

இலங்கையின் ஜயந்த தனபால போட்டியில் இருந்து விலகியதையடுத்து, அக்டோபர் 2ஆம் தேதி நடந்த நான்காவது கட்ட வாக்களிப்பில், பாதுகாப்புச் சபையிலுள்ள 15 நாடுகளில், 14 நாடுகளின் வாக்குகளை பான் கீ மூன் பெற்றார். ஒரு நாடு வாக்களிப்பில் பங்கேற்கவில்லை. இதையடுத்து, 2006 அக்டோபர் 13ஆம் நாள் பான் கீ மூனை ஐநா பொதுச்சபை தெரிவு செய்தது.

இலங்கை அதிபருடனான தனது தனிப்பட்ட நெருக்கமே, இதனைச் சாதிக்க உதவியதாக, தனது நண்பர்களிடம், தென்கொரியத் தொழிலதிபர் சங் கூறியுள்ளார். ஜயந்த தனபால வெற்றி பெறுவதற்கு வாய்ப்பில்லை என்பதால், பான் கீ மூனுக்கு ஆதரவளிக்கும்படி தான் ராஜபக்சேவிடம் கோரியதாகவும் அவர் கூறியிருக்கிறார். இந்த உதவிக்காக பான் கீ மூன் தொழிலதிபர் சங்கிற்கு நன்றி கூறியதாக அந்த நாளிதழ் தெரிவித்துள்ளது.

ராஜபக்சே உதவியால் ஐநா பொதுச்செயலாளர் பதவிக்கு வந்த பான் கீ மூன்: பரபரப்பு தகவல்!



மணிரத்னம் இஸ் பேக். பதினைந்து வருடங்களுக்குமுன் பரவசப்பட்ட அதே அலைபாயுதே அனுபவம். இளமை உலகின் அரிச்சுவடி மணிரத்னத்திடம் மட்டும் எப்படி அப்டேட் ஆகிக்கொண்டிருக்கிறதோ என்று ஒவ்வொரு ப்ரேமிலும் ஆச்சரியப்பட வைக்கிறார். படம் நெடுக பொங்கி வழியும் இளமை.

அனிமேஷன் படித்து அமெரிக்காவில் செட்டிலாக துடிக்கும், டிபிகல் 21 -ஆம் நூற்றாண்டு தமிழ் இளைஞன் துல்கர். பெரிய ஆர்க்கிடெக்காகி பாரிஸில் குடியேற விரும்பும் நித்யா மேனன். இந்த அமெரிக்கக் கனவும் பாரிஸ் கனவும் மும்பையில் சந்தித்து, கல்யாணம் கண்டிப்பாக பண்ணிக்கிறதில்லை என்ற கண்டிஷனுடன் சேர்ந்து வாழ்கிறார்கள். லிவிங் டுகெதருடன் அவர்களின் உறவு முடிந்தா? இல்லை கல்யாணம் என்ற கலாச்சாரத்தில் சங்கமித்ததா?

இன்றை இளைஞர்களின் உலகை அப்படியே பிரதிபலிக்கிறார்கள் துல்கர் சல்மானும், நித்யா மேனனும். மணிரத்னத்தின் வசனங்கள் ஒவ்வொன்றும் இளமை உற்சாகம். திருமணத்தின் போது பரஸ்பரம் இருவரும் பேசிக் கொள்ளும் காட்சி போல் படம் நெடுக இனிப்பு தூவல்கள்.

இளமை உற்சவத்துக்கு இணையாக பிரகாஷ்ராஜ், லீலா சாம்சன் தம்பதி. வீடு இல்லை என்று சொல்லும் பிரகாஷ்ராஜை, அவரது மனைவி லீலா சாம்சனுக்கு சங்கீதம் பிடிக்கும் என்ற வீக்னஸை வைத்து நித்யா மேனன் வீழ்த்தும் இடம் அசத்தல். கட்டிலையும் ஒன்றாக பகிர்ந்து கொள்ளும் துல்கருக்கு ஒரு கட்டத்தில் நித்யா மேனன் கர்ப்பமாக இருப்பாரோ என்ற சந்தேகம். சந்தேகம் தீர்கிறபோது சிரிப்பில் நிறைகிறது தியேட்டர்.

படத்தில் பல ஹீரோக்கள். பி.சி.ஸ்ரீராமும், ரஹ்மானும் அதில் இருவர். மணிரத்னத்தின் எண்ணவோட்டங்களுக்கு முன்னவர் வண்ணமும், பின்னவர் சத்தமும் தந்திருக்கிறhர். இன்னொரு ஹீரோ எடிட்டர் ஸ்ரீகர் பிரசாத்.

லிவிங் டுகெதர் என்ற புதிய கலாச்சாரத்தை, முதிர்ந்த பிரகாஷ்ராஜ், லீலா சாம்சன் தம்பதியின் காதலை வைத்து கேள்விக்குட்படுத்தி, படத்தின் முடிவில் கலாச்சாரத்தை காப்பாற்றி கல்லெறியிலிருந்து தப்பித்துள்ளார்.

சுதந்திரம் என்பது முடிவின்மை. முடிவின்மையை கண்டு மனிதன் எப்போதும் பயப்படுகிறான். கடவுள் என்பது வரையறுக்க முடியாத முடிவின்மை. அதனால் அந்த பிம்பத்தின் மீது அவனுக்கு பயம், மரியாதை. அதேபோல்தான் சுதந்திரமும். மனிதன் அடிமைத்தனத்தைவிட சுதந்திரத்தை கண்டே அதிகம் பயப்படுகிறான். அதனை எப்படி கையாள்வது என்று அவனுக்கு பயம். கட்டுப்பாடுகள் இல்லாத லிவிங் டுகெதரை விடுத்து, கட்டுப்பாடுகள் நிறைந்த கல்யாணத்தை அதனால்தான் பெரும்பாலானவர்கள் தேர்வு செய்கிறார்கள்.

பிரகாஷ்ராஜ் - லீலா சாம்சன் போன்ற கோடியில் ஒரு தம்பதியை வைத்து கல்யாணத்தை நியாயப்படுத்தியது கிளைமாக்ஸ் சறுக்கல். ஆனால் பெரும்பாலானவர்கள் அதைத்தானே விரும்புகிறர்கள்?

ஓ காதல் கண்மணி விமர்சனம்



வெறிநாய்க்கடி மூலம் ஏற்படும் ரேபிஸ் நோய் காரணமாக, உலகில் ஆண்டொன்றுக்கு சுமார் 59000 பேர் பலியாவதாக, பிரிட்டன் தலைமையில் நடத்தப்பட்ட ஆய்வு ஒன்று தெரிவிக்கின்றது.
குறிப்பாக, குறைந்த வருமானம் பெறும் நாடுகளில், நாய்களுக்கு தடுப்பூசி ஏற்றுவது குறித்து மேலும் அதிக நடவடிக்கைகள் எடுக்கப்பட வேண்டும் என, வெறிநாய்க்கடி நோய்க்கட்டுப்பாடு தொடர்பில் செயற்படும், குளோபல் அலையன்ஸ் ஃபார் ரேபிஸ் (Global Alliance for Rabies) என்ற அமைப்பின் அறிக்கை தெரிவிக்கின்றது.

ரேபிஸ் நோய்த் தாக்கம் உள்ள மிருகம் கடிக்கும் போது, அதன் எச்சில் ஊடாக அந்த நோய் பரவுகின்றது. பொதுவாக நாய்கள் மூலமாகவே இந்த நோய் மனிதர்களுக்குப் பரவுகிறது.

நாய்க்கடி தாக்குதலுக்கு உள்ளானவர்களிற்கான தடுப்பூசி இன்னும் மலிவாகவும், தாராளமாகவும் கிடைக்க செய்யப்பட வேண்டும் என, ஆய்வு பரிந்துரை செய்துள்ளது.

வெறிநாய்க்கடி மூலம் அதிக எண்ணிக்கையிலான இறப்புக்கள் இந்தியாவிலேயே ஏற்படுவதாகவும், ஆண்டுதோறும் 20,000 பேருக்கும் அதிகமானோர் பலியாவதாகவும் தெரிவிக்கப்படுகிறது.

வெறிநாய்க்கடி இறப்புகள் இந்தியாவில்தான் மிக அதிகம் - ஆய்வு



நடந்து முடிந்த ஐ.பி.எல் ஏலத்தில் தனக்கு 16 கோடி ரூபாய் என்ற பெருந்தொகை கொடுத்து ஏலத்தில் எடுக்க யாரையும் நான் கேட்கவில்லை என்று யுவராஜ் சிங் கூறியுள்ளார்.

நடப்பு ஐ.பி.எல் போட்டியில் மட்டுமின்றி ஐ.பி.எல் வரலாற்றிலேயே 16 கோடி ரூபாய்க்கு ஏலம் எடுக்கப்பட்டவர் யுவராஜ் சிங். இவ்வளவு பெருந்தொகை கொடுத்து இவரை டெல்லி டேர்டேவில்ஸ் அணி வாங்கியுள்ளது.

மேலும் இதுகுறித்து யுவராஜ் சிங் கூறுகையில், என்னை பெருந்தொகை கொடுத்து ஏலத்தில் எடுக்கும்படி நான் எவரையும் அணுகவில்லை என்றார். மேலும் சிறிய தொகைக்கு ஏலம் எடுக்கப்பட்டிருந்தாலும் தொடர்ந்து விளையாடியிருப்பேன் என கூறியுள்ளார்.

ஐ.பி.எல்: ஏலத்தில் பெருந்தொகை கொடுங்கள் என்று யாரையும் அனுகவில்லை - யுவராஜ் சிங்



முதலில் மருதாணியை தலை‌யி‌ல் தே‌ய்‌‌த்து ஊற வை‌த்த ‌பி‌றகு ஷாம்பூ போடுவது தவறு. ஏனெனில் மருதாணி ஒரு கன்டிஷனர், ஆகவே மருதாணிக்குப் பிறகு ஷாம்பூ பயன்படுத்துவது சிறந்ததல்ல.

எனவே, மு‌ந்தைய நா‌ள் ஷா‌ம்பு போ‌ட்டு கு‌ளி‌த்து ‌முடியை ந‌ன்கு காய வை‌த்து‌க் கொ‌ள்ளவு‌ம்.

அடு‌த்த நா‌ள் தலை‌க்கு மருதா‌ணி போ‌ட்டு ஊற வை‌த்து‌வி‌ட்டு வெறுமனே அல‌சி‌விடலா‌ம்.

தலை‌க்கு மருதா‌ணி



ஆப்கானிஸ்தானின் கிழக்குப் பகுதி நகரமான ஜலாலாபாதில் நிகழ்ந்த குண்டுவெடிப்பில் குறைந்தது 22 பேர் கொல்லப்பட்டுள்ளனர். 50 பேர் காயமடைந்துள்ளனர்.

இந்த குண்டுவெடிப்பு, ஒரு வங்கிக்கு வெளியில் நிகழ்ந்ததாக, நங்கபர் மாகாணத்தின் காவல்துறைத் தலைவர் தெரிவித்துள்ளார்.

இருசக்கர வாகனத்தில் வந்த ஒருவர் தற்கொலைத் தாக்குதல் மூலம் இந்த குண்டுவெடிப்பை நடத்தியதாக அவர் தெரிவித்துள்ளார்.

குண்டுவெடிப்பு நிகழ்ந்தபோது, அரசு ஊழியர்களும் ராணுவ வீரர்களும் தங்களது ஊதியத்தைப் பெறுவதற்காக நியு காபூல் பேங்க் என்ற அந்த வங்கிக்கு வெளியில் காத்திருந்தனர்.

சனிக்கிழமையன்று காலையில் ஜலாலாபாதில் ஒரு வழிபாட்டுத் தலத்திற்கு அருகிலும் குண்டுவெடிப்பு நிகழ்ந்தது. இதில் உயிரிழப்பு ஏதும் ஏற்படவில்லை.

இந்த குண்டுவெடிப்பு சம்பவங்களுக்கு எந்த அமைப்பும் பொறுப்பேற்கவில்லை.

ஆப்கானிஸ்தான் குண்டுவெடிப்பில் 22 பேர் பலி



இங்கிலாந்தின் முன்னனி வேகபந்து வீச்சாளர்களில் ஒருவரான ஆண்டர்சன் டெஸ்ட் போட்டிகளில் அதிக விக்கெட்டுகளை சாய்த்த இங்கிலாந்து வீரர் என்ற புதிய சாதனையை படைத்துள்ளார்.

இங்கிலாந்து - வெஸ்ட் இண்டீஸ் அணிகளுக்கு இடையே தற்போது டெஸ்ட் போட்டி நடந்து வருகிறது. இதில் நேற்றைய ஆட்டத்தில் இங்கிலாந்து வீரர் ஆண்டர்சன் ராம்தினின் விக்கெட்டை வீழ்த்தினார். இதன் மூலம் டெஸ்ட் போட்டிகளில் அதிக விக்கெட்டுகளை வீழ்த்திய இங்கிலாந்து வீரர் என்ற புதிய சாதனைக்கு சொந்தகாரரானார் ஆண்டர்சன்.

இதுவரை 100 டெஸ்ட் போட்டியில் விளையாடியுள்ள ஆண்டர்சன் 384 விக்கெட்டுகளை சாய்த்துள்ளார். இதற்கு முன் இயன் போத்தம் வீழ்த்திய 383 விக்கெட்டுகளே சாதனையாக இருந்தது.

டெஸ்ட் போட்டியில் அதிக விக்கெட்டுகள் வீழ்த்தி ஆண்டர்சன் புதிய சாதனை



இந்திய வம்சாவளியைச் சேர்ந்த ஆண் ஓரின சேர்க்கையாளர்கள் அமெரிக்காவில் திருமணம் செய்து கொண்டுள்ளனர்.

அமெரிக்காவின் கலிபோர்னியா மாகாணத்தில்தான் வசிக்கும் இந்திய வம்சாவளி இளைஞர்களான சந்தீப் மற்றும் கார்த்திக் இருவரும் இணையத்தளம் மூலம் அறிமுகமாகியுள்ளனர். பிறகு இருவருக்குமிடையே ஏற்பட்ட புரிந்துணர்வு, பிறகு அவர்களது பழக்கம் காதலாக மாறியுள்ளது.
சந்தீப் என்பவர் கேரளா மாநிலம் திருவனந்தபுரத்தை சேர்ந்தவர். கார்த்திக் கேரளா மாநிலம் பாலக்காட்டைச் சேர்ந்தவர். இதன்படி கேரளாவைச் சேர்ந்த சந்தீப் மற்றும் கார்த்திக் இருவரும் சேர்ந்து தங்களுடைய திருமணத்தை இந்திய பாரம்பரியத்தின்படி செய்துகொள்ள எண்ணியுள்ளனர்.

இதையடுத்து கலிபோர்னியாவில் திருமண அழைப்பிதழ் அச்சிட்டு உறவினர்கள், நண்பர்கள் அனைவரது முன்னிலையிலும் இவர்களது திருமணம் செய்ய முடிவு செய்யப்ப்பட்டது. அதனால் இந்து பாரம்பரிய பழக்கவழக்கங்களின்படி சந்தீப் மற்றும் கார்த்திக் திருமணம் நடந்தேறியது.

இது குறித்து கூறிய இந்த ஜோடியின் நண்பர்கள், “சந்தீப் மற்று கார்த்திக் இருவரும் முன்னோடிகளாக இருக்க விரும்பினர். அவர்கள் தங்களது அனைத்து தடைகளையும் உடைத்தெறிய விரும்பினர். இந்த புதிய நிகழ்வு மற்றவர்களுக்கும் உதவிகரமாக அமையும்” என்றனர்.

இந்திய வம்சாவளியை சேர்ந்த ஆண் ஓரினச் சேர்க்கையாளர்கள் அமெரிக்காவில் திருமணம்



ஒரே நேரத்தில் இரண்டு பேரையும் காதல் செய்வதாக ஏமாற்றிய பெண்ணின் உரையாடல் வாட்ஸ் அப்பில் வெளியாகி பரபரப்பை ஏற்படுத்தி வருகிறது.

திருச்சி கல்லூரி ஒன்றில் படிக்கும் மாணவியும், வாலிபரும் 8 ஆண்டுகளாக காதலித்து வந்துள்ளனர். இருவரும் ஒன்றாக கொடைக்கானல் உள்ளிட்ட பல இடங்களுக்கு சென்று வந்துள்ளனர். திடீரென அந்த வாலிபருடனான தொடர்பை கொஞ்சம் கொஞ்சமாக அந்த கல்லூரி மாணவி துண்டித்து வந்துள்ளார்.
அதே சமயம் இன்னொருவருடனும் அவர் நெருங்கிப் பழகி வந்துள்ளார். அவருடனும் ஊட்டி உள்ளிட்ட பல இடங்களுக்கு சென்று வந்துள்ளார். ஆனாலும், அவர் தனது பழைய காதலை புதிய காதலரிடம் மறைக்காமல் சொல்லி இருக்கிறார். இரண்டு ஆண் காதலர்களும் அவரை உயிருக்கு உயிராக காதலித்து வந்துள்ளனர் என்பது குறிப்பிடத்தக்கது.

ஒரு சமயத்தில் முன்னாள் மற்றும் இந்நாள் காதலர்கள் இருவரும் சந்திக்கும் வாய்ப்பு ஏற்பட்டுள்ளது. இதனால் மாணவி இருவருடனும் பழகி வந்தது இருவருக்கும் தெரிய வந்துள்ளது. இதனால் எரிச்சல் அடைந்த பழைய காதலர் மாணவி தன்னுடன் எடுத்துக்கொண்ட படங்களை எடுத்துக்கொண்டு, புதிய காதலர் வீட்டிற்கு சென்றிருக்கிறார்.

இதனைக் கண்டு ஆத்திரம் அடைந்த புதிய காதலர், அந்த மாணவிக்கு போன் செய்து, மாணவியை கண்ணாபிண்ணாவென்று திட்டுகிறார். மேலும் “நான் அங்கு வருவதற்குள் செத்துவிடு, நான் மாலையை போட்டு விட்டு வந்துவிடுவேன். இல்லையென்றால் உன் அப்பாவிடம் இதையெல்லாம் காட்டி மானத்தை வாங்கி விடுவேன். அப்புறம் உன் அப்பா தூக்கில்தான் தொங்க வேண்டும்” என ஆவேசமாக பேசுகிறார்.

அந்த பெண் ‘‘தயவு செய்து வீட்டிற்கு மட்டும் வந்து விடாதே’’ என கெஞ்சுகிறார் மாணவி. பின்னர் அந்த மாணவியின் தோழியும் வாலிபரிடம் சமாதானம் பேசுகிறார். இடையில் புதிய காதலரும் ‘‘என்னை ஏன் ஏமாற்றினாய்?’’ என அந்த மாணவியிடம் கேட்கிறார்.

பிறகு புதிய காதலரின் அம்மா அந்த மாணவியிடம் பேசி அறிவுரை வழங்குகிறார். ‘‘இரண்டு பேரையும் விட்டு விட்டு படிக்கிற வேலையை பாரும்மா.. உனக்கு வேற ஒரு ‘நல்ல பையனா’ நானே பார்க்கிறேன்..’’ என கூறுகிறார்.

இதன் பிறகு முன்னாள் காதலர் ‘‘இப்பொழுது பேசியதையெல்லாம் ரெக்கார்ட் பண்ணியிருக்கேன். அதை வெளியிட்டு விடுவேன்” என்று மிரட்டுகிறார். அவர் சொன்னது போலவே அவற்றை வாட்ஸ் அப்பில் வெளியிட்டும் விட்டார். தற்போது இவை படுவேகமாக பரவி வருகிறது.

சமீபத்தில் சென்னையில் காவல்துறை கமிஷ்னர் ஒருவர் பெண் காவலிரம் பேசும் காதல் உரையாடல் மற்றும் பெண் காவல் அதிகாரி கீழ் அதிகாரியை மிரட்டிய உரையாடல்கள் வாட்ஸ் அப்பில் பரவி பரபரப்பை ஏற்படுத்தியது. தற்போது திருச்சி கல்லூரி மாணவி ஒரே சமயத்தில் இரண்டு காதலர்களிடம் பேசும் உரையாடல் மற்றும் படங்கள் வாட்ஸ் அப்பில் வேகமாக பரவி வருகிறது.

ஒரே நேரத்தில் இருவரை காதலிப்பதாக ஏமாற்றிய கல்லூரி மாணவி - வாட்ஸ் அப்பில் பரபரப்பு



கே.எஃப்.சி. நிறுவனம் கடற்கரைக்கு விமானம் மூலம் கொண்டுவரப்பட்ட 3000 சாண்ட்விச்சுகளை இலவசமாக வழங்கியது.

உலகம் முழுவதும் கே.எஃப்.சி. நிறுவனம் உணவுப் பொருட்களை விநியோகித்து வருகிறது. இந்நிலையில் புதிய விளம்பர யுக்திக்காக நேற்று வெள்ளிக்கிழமை [17.04.15] அன்று பிற்பகலில் ஆயிரக்கணக்கான மக்கள் கூடியிருந்த வேளையில் கடற்கரை பகுதிக்கு ஒரு ஹெலிகாப்டர் வந்தது.
அந்த ஹெலிகாப்டர் ஒரு ராட்சத பக்கெட்டையும் சுமந்து வந்தது. அந்த பக்கெட்டை ஹெலிகாப்டர் மெதுவாக தரையிறக்கியது. பின்னர் ஹெலிகாப்டரில் இருந்து கீழே இறங்கிவந்த கே.எப்.சி. ஊழியர்கள் பக்கெட்டினுள் வைத்திருந்த சுமார் 3 ஆயிரம் சிக்கன் ஸாண்ட்விச்களை அங்கு கூடியிருந்தவர்களுக்கு இலவசமாக வழங்கினர்.

கே.எஃப்.சி. நிறுவனம் எங்கேயும், எப்போதும் தரமான வகையில் உணவுகளை கொண்டுவந்து சேர்க்கும் என்பதை வாடிக்கையாளர்களுக்கு நிரூபணம் செய்யும் வகையில் இந்த இலவச சேவை நிகழத்தப்பட்டுள்ளது.

ஹெலிகாப்டர் மூலம் 3000 சாண்ட்விச்சுகளை இலவசமாக வழங்கிய கே.எஃப்.சி.



உயிரைப் பயணம் வைத்து எடுக்கப்பட்ட இந்த புகைப்படம் பார்ப்பவர்கள் எல்லோரையையும் ஆச்சர்யத்தில் ஆழ்த்தியுள்ளது.

சாகசங்கள் செய்வது என்பது தனி மனிதர்களின் புரு விருப்பாக இருக்கிறது. இதற்காகவே பலர் உயிரை பணயம் வைத்து சாகத்தை புரிந்து வருகின்றனர். கடந்த சில தினங்களுக்கு முன்புகூட டிஸ்கவரி சேனல் உயிருள்ள அனகோண்டா பாம்பின் வயிற்றுக்குள் புகுந்து ஒருவர் புகைப்படம் எடுப்பதை ‘நேரடி ஒளிபரப்பை’ நிகழ்த்தியது.

இந்நிலையில் ஒரு புகைப்படத்திற்காக தனது உயிரையே பணயம் வைத்திருக்கிறார். புகைப்படக் கலைஞரும், இயற்கை விரும்பியுமான பாகிஸ்தானை சேர்ந்த அடீஃப் சையது (38) எனபவர்தான் அந்த சாகசத்தை நிகழ்த்தியுள்ளார்.

புகைப்படக்காரரான அடீஃப் சையது அடிக்கடி காடுகளுக்கு சுற்றுலா சென்று புகைப்படம் எடுப்பது வழக்கம். அப்படி ஒரு நாள், காட்டுக்குள் தனது காரில் சென்று கொண்டிருந்தார். அப்போது அங்கு ஒரு ஆண் சிங்கம் கம்பீரமாக நடந்து வருவதைப் பார்த்துள்ளார்.

நீண்ட நாளாக ஒரு சிங்கத்தின் அசலான கம்பீரத்தை அருகிலிருந்து புகைப்படமாக எடுக்க வேண்டும் என்று ஆசைப்பட்ட அதீப், படக்கென்று வண்டியிலிருந்து இறங்கி கேமராவுடன் ஊர்ந்து சென்று சிங்கத்திற்கு மிக அருகில் சென்றார்.

அவரது இந்த செய்கையை அசாத்திய துணிச்சல் என்றும் அடி முட்டாள்தனம் என்றும் பலர் விமர்சிக்கின்றனர். காரணம் அதீப் தன்னை நெருங்கி வருவதை பார்த்து விட்ட சிங்கம் கர்ஜித்து, அடீஃப் சையதின் மீது சீறிப் பாய்ந்தது. அப்படி பாயும் நொடியில் எடுக்கப்பட்டதுதான் இந்த புகைப்படம்.

அந்த திகில் நொடியில், மரணத்தை நேருக்கு நேர் சந்தித்த அடீஃப் சையது எப்படியோ உயிர்தப்பி காருக்குள் வந்து விழுந்தார். திகில் சம்பவம் குறித்து அடீஃப் சையது கூறுகையில் “அங்கிருந்த ஒவ்வொரு நொடியும் என் மனதில் தோன்றிய உணர்வுகளை புகைப்படம் வீடியோ என்று எந்த ஊடகத்தினாலும் வெளிப்படுத்த முடியாது” என்றார்.

உயிரைப் பணயம் வைத்து எடுக்கப்பட்ட புகைப்படம்; தாக்க வந்த சிங்கத்திடமிருந்த தப்பிய புகைப்படக்காரர்



விடுதலைப் புலிகள் தலைவர் பிரபாகரன் வந்து சொன்னாலும் தமிழ் தேசியக் கூட்டமைப்பை பதிவு செய்யமாட்டோம் என மாவை சேனாதிராஜா உறுதிபட கூறியுள்ளார்.

தமிழ் தேசிய கூட்டமைப்பிற்குள் தமிழரசுக் கட்சியின் ஏகபோகம் அதிகரித்த நிலையில், ஏனைய கட்சிகள் புறக்கணிக்கப்பட தொடங்கியதும், கூட்டமைப்பு பதிவு செய்யப்பட வேண்டுமென்ற கோரிக்கை வலுப்பெற்றது.
எனினும், பல வருடங்களாக இந்த கோரிக்கையை தமிழரசுக்கட்சி கண்டுகொள்ளாமல் இருந்தது. இந்த நிலையில், இலங்கை வடக்கு முதல்வர் விக்னேஷ்வரனின் திடீர் எழுச்சியின் பின்னரான சூழலில், தமிழரசுக் கட்சியின் இருப்பிற்கு ஆபத்த நிகழலாமென்ற பரவலான கருத்துக்கள் எழத் தொடங்கியது.

இந்தநிலையில் சுவிஸிலுள்ள தமிழர் அமைப்பொன்றின் ஊடாக தமிழ்தேசிய கூட்டமைப்பிலுள்ள கட்சிகளிற்கு அழைப்பு விடுக்கப்பட்டிருந்தது. உள்நாட்டில் கூட்டமைப்பினருக்கு சட்ட சிக்கல் ஏற்படாதிருக்க தற்போது இயங்கு நிலையிலுள்ள விடுதலைப்புலி செயற்பாட்டாளர்களே இந்த ஏற்பாட்டை செய்திருந்தனர்.

கூட்டத்தின் ஆரம்பத்தில், தமிழ் தேசிய கூட்டமைப்பின் பதிவின் அவசியத்தை மிக மென்மையாக முன்னர் விடுதலைப்புலிகளின் தீவிர அரசியல் செயற்பாட்டாளராக இருந்த ஒருவர் புரிய வைத்தார். எனினும், அதற்கு மாவை மறுப்பு தெரிவித்து விட்டார். இதனால் இரண்டு தரப்பிற்குமிடையில் விவாதம் ஆரம்பமானது.

கூட்டமைப்பை பதிவு செய்ய வேண்டுமென அவர்கள் உறுதியான நிலைப்பாட்டில் இருந்ததால், தமது இறுக்கத்தை படிப்படியாக அதிகரித்து, மாவையை வற்புறுத்தியுள்ளனர். ஒரு கட்டத்தில், கட்டாயம் பதிவு செய்ய வேண்டுமென மிரட்டல் பாணியில் கூறியுள்ளனர்.

இதனால் எரிச்சலடைந்த மாவை, “நீங்கள் என்ன இப்பிடி பேசுகிறீர்கள்? தலைவர் கூட என்னோட இப்பிடி பேசியதில்லை” என முறையிட்டுள்ளார்.

தமிழ்தேசிய கூட்டமைப்பு தமிழீழ விடுதலைப்புலிகளினால் உருவாக்கப்பட்டது, அதனால் அதன் சொற்படி நடக்க வேண்டும். கூட்டமைப்பை பதிவு செய்ய வேண்டுமென்பது புலிகளின் விருப்பம் என உறுதியாக கூறியுள்ளனர்.

இந்த தர்க்கங்களின் இறுதியில், ”தமிழ் தேசிய கூட்டமைப்பை இப்போதைக்கு பதிவு செய்யும் எண்ணமில்லை. கூட்டமைப்பை பதிவு செய்யுமாறு உருவாக்கியபோதே சொல்லவில்லை. அதனால் உங்கள் தலைவர் வந்து சொன்னாலும் பதிவு செய்யும் திட்டமில்லை” என மாவை அடித்து கூறிவிட்டார். இது பற்றி இறுதி முடிவெடுப்பதானால் கட்சியுடன் கலந்தாலோசித்துதான் முடிவெடுக்க வேண்டுமென்றார்.

தமிழ் தேசிய கூட்டமைப்பை பதிவு செய்யும் இறுதி முயற்சியை, கூட்டமைப்பை உருவாக்கிய விடுதலைப் புலிகளின் எஞ்சிய அணியினர் முன்னெடுத்தபோதும், அதுவும் தமிழரசுக் கட்சியின் விட்டுக் கொடுக்காத போக்கால் நிறைவேறாமல் சென்றுள்ளது.

சுவிட்சர்லாந்தில் தமிழ்தேசிய கூட்டமைப்பின் அங்கம் வகிக்கும் கட்சிகளுக்கிடையில் இணக்கத்தை ஏற்படுத்தி, தமிழ் தேசிய கூட்டமைப்பை பதிவு செய்யும் முயற்சியில் ஈடுபட்ட முயற்சி தோல்வியில் முடிந்துள்ளது.

”தலைவர் பிரபாகரன் வந்து சொன்னாலும் கேட்கமாட்டோம்” - மாவை சேனாதிராஜா உறுதி



ஐபிஎல் லீக் போட்டியில் டெல்லி அணி, ஹைதராபாத்தை 4 ரன்கள் வித்தியாசத்தில் வீழ்த்தி வெற்றி பெற்றது.

8ஆவது ஐ.பி.எல் போட்டியின் லீக் ஆட்டங்கள் தற்போது நடைபெற்று வருகின்றன. இன்று சனிக்கிழமை விசாகப்பட்டினத்தில் நடைபெற்ற 13ஆவது லீக் போட்டியில் டெல்லி டேர் டேவில்ஸ் அணியும், சன் ரைஸர்ஸ் ஹைதராபாத் அணியும் மோதின. இதில் டாஸ் வென்ற டெல்லி அணி முதலில் பேட்டிங் செய்ய தீர்மானித்தது.

அதன்படி முதலில் களமிறங்கிய டெல்லி அணியில் தொடக்க வீரர் அகர்வால் 1 ரன்னில் வெளியேறினார். பின்னர் களமிறங்கிய ஜே.பி. டுமினியும், ஸ்ரேயாஸ் ஐயரும் சிறப்பாக விளையாடினர். ஸ்ரேயாஸ் ஐயர் 32 பந்துகளில் [3 பவுண்டரிகள், 4 சிக்ஸர்கள்] 50 ரன்கள் குவித்தார்.

அதனைத் தொடர்ந்து டுமினியும் 39 பந்துகளில் [5 பவுண்டரிகள், 2 சிக்ஸர்கள்] அரைச்சதத்தை கடந்தார். இதனால் அந்த அணி 13 ஓவர்களில் 100 ரன்களை கடந்தது. பின்னர் ஸ்ரேயாஸ் ஐயர் 60 ரன்களிலும், டுமினி 54 ரன்களில் வெளியேறினர்.பெரிதும் எதிர்பார்க்கப்பட்ட யுவராஜ் சிங் 9 ரன்களில் வெளியேறினார். இறுதியில் டெல்லி அணி 4 விக்கெட்டுகளை இழந்து 167 ரன்கள் குவித்தது. ஹைதராபாத் தரப்பில் டேல் ஸ்டெய்ன், பிரவீன் குமார் புவனேஷ்குமார், ரெட்டி ஆகியோர் தலா 4 விக்கெட்டுகளை வீழ்த்தினர்.


பின்னர் 168 ரன்கள் எடுத்தால் வெற்றி என்ற இலக்குடன் ஹைதராபாத் அணி களமிறங்கியது. அணியின் தொடக்க வீரர்களான ஷிகர் தவானும், டேவிட் வார்னரும் ஆரம்பம் முதலே அதிரடியில் இறங்கினர். இதனால் 6 ஓவர்களிலேயே 50 ரன்களை கடந்தது.

ஆனால் இந்த ஜோடி நீண்ட நேரம் நிலைக்கவில்லை. ஷிகர் தவான் 18 ரன்களில் வெளியேறினார். அடுத்த சிறிது நேரத்திலேயே வார்னரும் வெளியேறினார். அவர் 20 பந்துகளில் 28 ரன்கள் குவித்தார். அடுத்து வந்த ரவி போபராவும், லோகேஷ் ராகுலும் டெல்லி அணியின் பந்து வீச்சை சிதறடித்தனர்.

பின்னர் ராகுலும் 24 ரன்கள் எடுத்திருந்த நிலையில் வெளியேறினார். போவராவும் 41 ரன்கள் குவித்து வெளியேறினார். விக்கெட்டுகள் வரிசையாக விழுந்தது. பரபரப்பான நிலையில் கடைசி ஓவருக்கு ஹைதராபாத் அணிக்கு 10 ரன்கல் தேவைப்பட்டது.

அப்போது களத்தில் ஆஷிஷ் ரெட்டியும், கரன் சர்மாவும் இருந்தனர். நைல் பந்து வீசினார். முதல் பந்தில் 1 ரன் எடுக்கப்பட்டது. 2ஆவது பந்தில் ரெட்டி வெளியேறினார். 3 மற்றும் 4ஆவது பந்தில் தலா 1 ரன் எடுக்கப்பட்டது.

இதனால் ஆட்டத்தில் பரபரப்பு ஏற்பட்டது. கடைசி 2 பந்துகளில் 7 ரன்கள் தேவைப்பட்டது. 5ஆவது பந்தை கரன் சர்மா சிக்ஸருக்கு தூக்கினார். ஆனால் எல்லைக் கோட்டிற்கு அருகில் நின்ற அகர்வால் அபாரமாக தடுத்தார். 2 ரன்கள் எடுக்கப்பட்டது.

கடைசி பந்தில் 5 தேவை என்ற நிலையில் கரன் சர்மா கேட்ச் ஆனார். இதன் மூலம் டெல்லி அணி 4 ரன்கள் வித்தியாசத்தில் வெற்றி பெற்றது. டெல்லி தரப்பில் டுமினி 4 விக்கெட்டுகளை வீழ்த்தினார். ஆட்ட நாயகனாக டுமினி தேர்ந்தெடுக்கப்பட்டார்.

ஹைதராபாத்தை 4 ரன்கள் வித்தியாசத்தில் வீழ்த்தியது டெல்லி அணி


 
PLEASE CLICK THE ABOVE IMAGE TO WATCH THIS EPISODE HAPPY WATCHING

Thamarai 18-04-15 Sun Tv Serial Episode 137









PLEASE CLICK THE ABOVE IMAGE TO WATCH THIS EPISODE HAPPY WATCHING

Vaani Rani 18-04-15 Sun Tv Serial Episode 629


 

PLEASE CLICK THE ABOVE IMAGE TO WATCH THIS NEWS HAPPY WATCHING

Vamsam 18-04-2015 - Sun Tv Serial Episode 545





 
PLEASE CLICK THE ABOVE IMAGE TO WATCH THIS EPISODE HAPPY WATCHING

Priyamanaval Sun Tv Serial 18-04-15 - Episode 76


















Vijay Tv Show Jodi No 1 Season 8 18-04-15 Episode 26




Radhika shares the screen with Dhanush and Vijay | Hot Tamil Cinema News




Venkat Prabhu to give Rs 1 crore to Sona | Hot Tamil Cinema News




Kanchana Movie Business | Box Office Collection




தைவான் நாட்டில் கணவனின் இறுதி சடங்கு ஊர்வலத்தில் அவரது மனைவி கவர்ச்சி உடைகளை அணிந்து ஆடியது ஆச்சரியத்தை ஏற்படுத்தியுள்ளது.

தைவானை சேர்ந்த ஜியான்(Jiyan) கடந்த 10ம் திகதி மாரடைப்பால் மரணம் அடைந்து விட்டார். கணவனின் இறுதி ஊர்வலத்தை சிறப்பாக நடத்த நினைத்த அவரது மனைவி, மற்றொரு பெண்ணுடன் கவர்ச்சி நடனம் ஆடினார்.

இதை பார்த்த நண்பர்களும் உறவினர்களும் அதிர்ச்சி அடைந்தனர். ஆனால் இதை அவர் பெரிதாய் பொருட்ப்படுத்தவில்லை.

இதுகுறித்து அவர் கூறுகையில், எப்போதும் ஆண்களுக்கு பெண்கள் மீது கண்கள் போகும் என்பது எனக்கு தெரியும்.

எனக்கு எனது கணவரின் இறுதி சடங்கு பயணம் பாராட்டப்பட வேண்டும்.மேலும் அவருக்கு நான் கொடுக்கும் கடைசி பரிசாக இது அமையும் என கூறியுள்ளார்.

இதுபோல் இறுதி சடங்கில் கவர்ச்சி நடனம் ஆடுவது தைவானில் கடந்த 1980ம் ஆண்டு தொடங்கப்பட்டது. இவ்வாறு செய்வது ஆவிகளுக்கு மகிழ்ச்சி தருவதாகவும், மரியாதை செலுத்துவதாகவும் என அந்நாட்டு மக்கள் கருதுகின்றனர்.


கடைசி பரிசாக கணவனின் இறுதி சடங்கில் கவர்ச்சி நடனமாடிய மனைவி









PLEASE CLICK THE ABOVE IMAGE TO WATCH THIS EPISODE HAPPY WATCHING

Deivamagal Sun Tv Serial 18-04-15 - Episode 599














Vijay Tv Show Kitchen Super Star Season4 18-04-15 Episode 10




A Movie On Breast Cancer Awareness - Actress Sriya Reddy - RedPix 24x7




Periyar Slept with Many women & He Is Anti National Stooge Of British - H Raja - BJP




Pandiarajan - Prithvi in Aanpavam 2 | Comedy Tamil Cinema Movie




Nutritional Noon Meal Workers Urges TN Govt To Fulfill 34 Request - Thanthi TV



ரயில் மணிரத்னத்தின் செண்டிமெண்ட், மைக் பிடித்து கேள்வி கேட்பது ஷங்கரின் செண்டிமெண்ட், அதேபோல் பேய், பிசாசு என்பது ராகவா லாரன்ஸின் செண்டிமெண்ட் போல. முனியில் ஆரம்பித்து, பழிவாங்கும் பார்முலாவை திருப்பி திருப்பி போட்டு இதன் மூன்றாவது பாகமாக காஞ்சனா-2 வை இயக்கியுள்ளார்.லாரன்ஸ் படத்திற்கு வரும் பி, சி செண்டர் ரசிகர்களின் பல்ஸை கெட்டியாக பிடித்துள்ளார் போல, எந்த இடங்களில் எப்படி எப்படி காட்சி வைத்தார் வயிறு குலுங்க சிரிப்பார்கள், அதே நேரத்தில் திகிலுடன் சிரிக்க வைப்பதில் கில்லாடி, அதையே இந்த முறையும் கொஞ்சம் பெரிய பட்ஜெட்டில் எடுத்திருக்கிறார்.கதைக்களம்முனி படத்தில் என்ன கதை? காஞ்சனா படத்தில் என்ன கதை? அதே தான் இந்த காஞ்சனா-2 விலும். தொலைக்காட்சி நிகழ்ச்சியின் ஒளிப்பதிவாளராக லாரன்ஸ், அதே டிவியில் நிகழ்ச்சி இயக்குனராக டாப்ஸி. போட்டிகள் காரணமாக தாங்கள் வேலை செய்யும் தொலைக்காட்சியின் TRP 2ம் இடத்திற்கு வர, இதை முதல் இடத்திற்கு கொண்டு வர டாப்ஸி ஒரு யோசனை சொல்கிறார்.பேய் இருக்கா? இல்லையா? கான்செப்ட் தான், ஒரு பாழடைந்த பங்களாவிற்கு இவர்கள் சென்று பேய் சம்மந்தமான ஒரு நிகழ்ச்சியை உருவாக்குகிறார்கள், இதில் எதார்த்தமாக டாப்ஸி அந்த இடத்திலிருந்து ஒரு தாலியை எடுக்க, பேய் அவர் மேல் ஏறுகிறது, அதிலிருந்து லாரன்ஸை சிவா சிவா என்று கூப்பிட்டு, அடி பின்னி எடுக்கிறார்.சில நிமிடங்களிலேயே சிவா என்கின்ற ஆத்மா லாரன்ஸ் உடம்பில் ஏற, அவர் கோவை சரளாவை டார்ச்சர் செய்து நம்மை வயிறு புண்ணாகும் படி சிரிக்க வைக்கிறார். கோவை சரளா, பயந்து ஒரு பாதிரியாரிடம் சொல்ல, வழக்கம் போல் இந்த ஆத்மாக்களை வரவழைத்து, அதன் குறைகளை கேட்க, விரிகிறது ஒரு ப்ளாஷ்பேக்.இதில் மொட்டை சிவாவாக லாரன்ஸ், ஊனமாக இருக்கும் நித்யா மேனனை காதலிக்கிறார். இவர்கள் எப்படி இறந்தார்கள், இதற்கு எப்படி பழிவாங்கினார்கள் என்பதே மீதிக்கதை.நடிகர், நடிகைகள், தொழில்நுட்ப கலைஞர்கள் பங்களிப்புலாரன்ஸ் படத்தின் இரண்டாம் பாதியில் பேய் புகுந்து செய்வார் பாருங்க ஒரு கலாட்டா, அந்த ஒரு காட்சி போதும் இவரின் நடிப்பிற்கு ஒரு சிவப்பு கம்பளம் வரவேற்கலாம். டாப்ஸி கிளாமர்+ஆக்டிங் என கிடைத்த வாய்ப்பில் சிக்ஸர் அடிக்கிறார்.யார் என்ன செய்தால் என்ன? எப்படி நடித்தால் என்ன? நான் தான் முனி தொடரின் முதல் ஹீரோ என்று சில காட்சிகளில் வரும் கோவை சரளா நிரூபித்து விடுகிறார். லாரன்ஸுக்கு கவுண்டர் கொடுக்கும் போதும் சரி, அடி வாங்கி பயந்து ஓடும் நேரத்திலும் சரி, இவரை மட்டும் வைத்து இன்னும் எத்தனை முனி வேண்டுமானாலும் எடுக்கலாம். காமெடி குயின் என்பதை மீண்டும் மீண்டும் நிரூபித்து வருகிறார்.படத்தின் ஒளிப்பதிவு கலர்புல்லாக இருக்கிறது, 4 இசையமைப்பாளர் இருந்தும், பாடல்கள் ஏதும் மனதில் நிற்கவில்லை, தமனின் பின்னணி இசை மிரட்டல், ஆனால், சில காட்சிகளில் காதில் பஞ்சை வைத்து அடைத்து கொள்ள வேண்டும்.க்ளாப்ஸ்லாரன்ஸ் கையில் எடுத்த திகில்+நகைச்சுவை கான்செப்ட் இதிலும் டபூள் ஓகே ஆகியுள்ளது. இதில் கூடுதல் திகில் சேர்த்தது மிரட்டல். கோவை சரளா வரும் காட்சிகள் படத்திற்கு எக்ஸ்ட்ரா போனஸ் தான். இவரை லாரன்ஸை போல் அனைத்து இயக்குனர்களும் பயன்படுத்தினால், இனி ஆண் காமெடி நடிகர்களுக்கு கஷ்டம் தான்.
முந்தைய பாகத்தில் நடித்த அனைத்து நடிகர்களும் ஏதோ ஒரு காட்சியில் எட்டிப்பார்க்கிறார்கள், எல்லோரும் பயந்து நம்மை சிரிக்க வைத்து செல்கின்றனர்கள். இதில் ஸ்ரீமன், மயில்சாமி, மனோபாலா செய்யும் கலாட்டாக்கள் சிரித்து சிரித்து முன் சீட்டை முட்ட வைக்கிறது.
பல்ப்ஸ்
லாரன்ஸ் எப்போதும் தன் படங்களை குடும்பமாக தான் பார்க்கும் படி எடுப்பார், அந்த வகையில் இந்த படத்தின் முதல் பாதியில் ஏன் முகத்தை சுழிக்கும் ஒரு சில வசனங்கள்?.ப்ளாஷ்பேக் காஞ்சனா அளவிற்கு அழுத்தமாக இல்லை, இதை தொடர்ந்து வரும் கிளைமேக்ஸ் சண்டைக்காட்சி என்ன பணப்பிரச்சனை என்று தெரியவில்லை, ப்ளே ஸ்டேஷன் கேம் மாதிரி உள்ளது.மொத்தத்தில் எப்படியோ திகில்+நகைச்சுவையுடன் கலாட்டா செய்து ‘லாரன்ஸ் எப்போது முனி-4 இயக்குவீர்கள்’ என்று ரசிகர்களை கேட்க வைத்து விட்டார்.ரேட்டிங்-3/5




வெற்றி நடைபோடும் காஞ்சனா-2 கதை..







Vijay Tv Show Neeya Naana 19-04-15 Promo