தமிழகத்தில் தீபாவளியன்று காற்று மாசு, ஒலி மாசு அதிகரித்ததாக மாசுக் கட்டுப்பாட்டு வாரியம் கூறியுள்ளது.

இதுகுறித்து தமிழ்நாடு மாசுக் கட்டுப்பாட்டு வாரியம் வெளியிட்டுள்ள ஆய்வறிக்கையில் கூறப்பட்டு இருப்பதாவது:-

தீபாவளிப் பண்டிகையையொட்டி சென்னை திருவல்லிக்கேணி, பெசண்ட்நகர், நுங்கம்பாக்கம், சவுகார்பேட்டை, தியாகராயநகர் ஆகிய 5 இடங்களில் ஏற்படும் காற்று மாசு மற்றும் ஒலி மாசு அளவுகளை அறியும் ஆய்வை கடந்த ஆண்டைப் போலவே, மத்திய மாசு கட்டுப்பாட்டு வாரியத்தின் வழிகாட்டுதலின்படி தமிழ்நாடு மாசு கட்டுப்பாட்டு வாரியம் நடத்தியது.

மதுரை, சேலம், கோவை, திருச்சி, கடலூர், நெல்லை, ஓசூர், திருப்பூர், வேலூர், திண்டுக்கல் ஆகிய இடங்களிலும் இந்த ஆய்வு நடத்தப்பட்டது. தீபாவளிக்கு முந்தைய ஆய்வாக, காற்றுத் தரத்தின் ஆய்வு 15.10.14 அன்று காலை 6 மணியில் இருந்து மறுநாள் காலை 6 மணிவரை நடத்தப்பட்டது.

தீபாவளி அன்று நடத்தப்பட்ட ஆய்வு, 22 ஆம் தேதி காலையில் இருந்து மறுநாள் காலை 6 மணிவரை நடத்தப்பட்டது. அதுபோல் இரண்டு ஒலி மாசு ஆய்வுகளும் நடத்தப்பட்டன.

சென்னை திருவல்லிக்கேணியில் நடத்தப்பட்ட ஆய்வில், தீபாவளிக்கு முந்தைய காற்று மாசு பற்றிய கணக்கெடுப்பின்படி, சுவாசிக்கும்போது உடலுக்குள் செல்லும் மிதக்கும் நுண்துகள்களின் அளவு, கந்தக டை ஆக்சைடின் அளவு, நைட்ரஜன் டை ஆக்சைடு அளவு ஆகியவை முறையே 37, 12, 13 என்றிருந்தன. தீபாவளியன்றைய கணக்கெடுப்பின்படி திருவல்லிக்கேணியில் அவை முறையே 297, 32, 20 என்ற அளவில் இருந்தன.

அதுபோல் பெசண்ட்நகரில் 49, 8, 10 என்று தீபாவளிக்கு முன்னிருந்த அளவுகள், தீபாவளியன்று 110, 14, 17 என்றும் நுங்கம்பாக்கத்தில் 34, 9,11 என்று காணப்பட்ட அளவுகள் தீபாவளியன்று 180, 14, 17 என்றும், சவுகார்பேட்டையில் 43, 13, 13 என்று காணப்பட்ட அளவுகள், தீபாவளியன்று 196, 22, 20 என்றும், தியாகராயநகரில் 145, 11, 15 என்று தீபாவளிக்கு முன்பிருந்த அளவுகள், 180, 16, 19 என்றும் உயர்ந்தன.

இதுபோன்ற நிலை மதுரை, கோவை, கடலூர், நெல்லை, ஓசூர், திருப்பூர், வேலூர், திண்டுக்கல் ஆகிய இடங்களிலும் பெரும்பாலும் அதிகரித்திருந்தன. நெல்லை நகரம், சமாதானபுரம், பேட்டையில் குறைவான காற்று மாசு அளவிடப்பட்டது.

ஒலிஅளவும் மேற்கூறப்பட்ட இடங்களில் உயர்ந்திருந்தன. திருவல்லிக்கேணியில் தீபாவளிக்கு முன்பு 70 என்றிருந்த ஒலி அளவு, தீபாவளியன்று 82 ஆக உயர்ந்தது. பெசண்ட்நகரில் 59-ல் இருந்து 73-ஆகவும், நுங்கம்பாக்கத்தில் 62-ல் இருந்து 82-ஆகவும், சவுகார்பேட்டையில் 76 இல் இருந்து 83 ஆகவும், தியாகராயநகரில் 75-ல் இருந்து 80 ஆகவும் ஒலி அளவு உயர்ந்திருந்தது.

கடலூர் சேகர்நகரில் 74 இல் இருந்து 72 ஆகவும், நெல்லை நகரத்தில் 79 இல் இருந்து 72 ஆகவும் ஒலியளவு குறைந்திருந்தது என்று அறிக்கையில் கூறப்பட்டுள்ளது.

தீபாவளியன்று காற்று மாசு, ஒலி மாசு அதிகரித்துள்ளது - மாசுக் கட்டுப்பாட்டு வாரியம்



தமிழகம் முழுவதும் தொடர்ந்து பெய்து வரும் மழையின் காரணமாக மாநிலத்தில் உள்ள அணைகள், ஏரிகள், குளங்கள் வேகமாக நிரம்பி வருகின்றன.

தமிழ்நாட்டில் வடகிழக்கு பருவமழை தீவிரம் அடைந்துள்ளது. இதனால் கடந்த சில நாட்களாக மாநிலம் முழுவதும் பரவலாக மழை பெய்து வருகிறது.

இதனால், மாநிலத்தில் உள்ள அணைகள், ஏரிகள், குளங்கள் வேகமாக நிரம்பி வருகின்றன. தமிழக எல்லையில் உள்ள காவிரி நீர்ப்பிடிப்பு பகுதிகளிலும், மேட்டூர் மற்றும் அதன் சுற்றுவட்டார பகுதிகளிலும் பரவலாக மழை பெய்து வருவதால் மேட்டூர் அணைக்கு வினாடிக்கு 10 ஆயிரத்து 650 கனஅடி வீதம் தண்ணீர் வந்து கொண்டிருக்கிறது.

அணைக்கு நீர்வரத்து அதிகரித்து இருப்பதாலும், காவிரி டெல்டா பகுதியில் தொடர்ந்து மழை பெய்து வருவதாலும், அணையில் இருந்து பாசன தேவைக்காக வினாடிக்கு 500 கனஅடி வீதமே தண்ணீர் திறந்து விடப்படுகிறது. இதனால் மேட்டூர் அணையின் நீர்மட்டம் வேகமாக உயர்ந்து வருகிறது.

கடந்த 20 ஆம் தேதி 88 அடியாக இருந்த மேட்டூர் அணையின் நீர்மட்டம் நேற்று 91.14 அடியாக உயர்ந்தது. அணையின் மொத்த உயரம் 120 அடி என்பது குறிப்பிடத்தக்கது.

தேனி மாவட்டத்தில் பெய்து வரும் தொடர் மழையின் காரணமாக நீர் வரத்து அதிகரித்து இருப்பதால், 142 அடி உயரம் கொண்ட முல்லைப்பெரியாறு அணையின் நீர்மட்டம் 128.8 அடியாகவும், 71 அடி உயரம் கொண்ட வைகை அணையின் நீர்மட்டம் 48.2 அடியாகவும் உயர்ந்துள்ளது.

பெரியாறு அணைக்கு வினாடிக்கு 2,658 கனஅடி தண்ணீரும், வைகை அணைக்கு வினாடிக்கு 3,766 கனஅடி தண்ணீரும் வந்து கொண்டிருக்கிறது.

திண்டுக்கல் மாவட்டத்தில் உள்ள 57 அடி உயரம் கொண்ட மஞ்சளாறு அணையும், 126 அடி உயரம் கொண்ட சோத்துப்பாறை அணையும் ஏற்கனவே நிரம்பி விட்டதால், அந்த அணைகளில் இருந்து பாசனத்துக்காக உபரி நீர் திறந்து விடப்படுகிறது. மேலும் அம்மாவட்டத்தில் உள்ள பாலாறு, பரப்பலாறு, குதிரையாறு உள்ளிட்ட அணைகளும் வேகமாக நிரம்பி வருகின்றன.

நெல்லை மாவட்டத்தில் மேற்கு தொடர்ச்சி மலைப்பகுதியில் மழை பெய்து வருவதால் பாபநாசம், சேர்வலாறு, மணிமுத்தாறு, கடனா நதி, ராமநதி உள்ளிட்ட அணைகள் வேகமாக நிரம்புகின்றன.

பாபநாசம் அணையின் நீர்மட்டம் 95.4 அடியாகவும், சேர்வலாறு அணையின் நீர்மட்டம் 111.15 அடியாகவும், மணிமுத்தாறு அணையின் நீர்மட்டம் 72.75 அடியாகவும், கடனா நதியின் நீர்மட்டம் 81.8 அடியாகவும், ராமநதியின் நீர்மட்டம் 73.5 அடியாகவும், கருப்பாநதியின் நீர்மட்டம் 64.31 அடியாகவும், அடவி நயினார் கோவில் அணையின் நீர்மட்டம் 115 அடியாகவும் உயர்ந்துள்ளது.

குமரி மாவட்டத்திலுள்ள பேச்சிப்பாறை அணையின் நீர்மட்டம் 37.55 அடியாகவும், பெருஞ்சாணி அணையின் நீர்மட்டம் 66.75 அடியாகவும் அதிகரித்து இருக்கிறது.

கிருஷ்ணகிரி அணையின் நீர்மட்டம் 50.4 அடியாகவும், சாத்தனூர் அணையின் நீர்மட்டம் 72.55 அடியாகவும் உயர்ந்து உள்ளது.

கோவை மாவட்டம் சோலையாறு, பரம்பிக்குளம், ஆழியாறு, சிறுவாணி அணைகள் நிரம்பிவிட்டன. பவானிசாகர் அணையில் 95.4 அடியும், அமராவதி அணையில் 79.3 அடியும், திருமூர்த்தி அணையில் 41.5 அடியும் தண்ணீர் உள்ளது.

ஈரோடு மாவட்டம் குண்டேரிப்பள்ளம் அணையின் நீர்மட்டம் தனது முழு அளவான 42 அடியை எட்டிவிட்டதால் உபரிநீர் வெளியேறுகிறது.

இதன் காரணமாகவும், பில்லூர் அணையில் இருந்து வினாடிக்கு 6 ஆயிரம் கனஅடி நீர் வெளியேற்றப்படுவதாலும் பவானி ஆற்றில் வெள்ளப்பெருக்கு ஏற்பட்டு உள்ளது. இதனால் கரையோர பகுதி மக்களுக்கு வெள்ள அபாய எச்சரிக்கை விடுக்கப்பட்டு உள்ளது.

சென்னை நகருக்கு குடிநீர் வழங்கும் பூண்டி ஏரிக்கு வினாடிக்கு 210 கனஅடியும், செம்பரம்பாக்கம் ஏரிக்கு வினாடிக்கு 60 கனஅடியும் தண்ணீர் வந்து கொண்டு இருக்கிறது.

பூண்டி ஏரியில் 220 மில்லியன் கனஅடியும், செங்குன்றம் ஏரியில் 880 மில்லியன் கனஅடியும், செம்பரம்பாக்கம் ஏரியில் 1,069 மில்லியன் கனஅடியும் நீர் இருப்பு உள்ளது.

தஞ்சை மாவட்டத்தில் தற்போது சம்பா, தாளடி சாகுபடி பணிகளில் விவசாயிகள் தீவிரமாக ஈடுபட்டு வருகின்றனர். இந்நிலையில் மழை பெய்யத்தொடங்கி இருப்பது விவசாயிகளிடையே மகிழ்ச்சியை ஏற்படுத்தியுள்ளது.

எனினும், தொடர்ந்து பெய்து வரும் மழையினால் பல ஏக்கர் நிலங்கள் தண்ணீரில் மூழ்கியுள்ளன என்பது குறிப்பிடத்தக்கது.

வடகிழக்குப் பருவமழை தீவிரம்: தமிழக அணைகளின் நீர்மட்டம் உயர்வு



மாநில அரசியலுக்குத் திரும்பும் எண்ணம் தனக்கு இல்லை என்று மத்திய சாலைப் போக்குவரத்துத் துறை அமைச்சர் நிதின் கட்கரி தெரிவித்துள்ளார்.

மகாராஷ்டிர மாநில முதலமைச்சராக நிதின் கட்கரி பொறுப்பேற்க வேண்டும் என்று பாஜக எம்எல்ஏக்கள் சிலர் கோரிக்கை விடுத்தனர். இந்நிலையில், அவர் இவ்வாறு தெரிவித்துள்ளார்.

நிதின் கட்கரியை அவரது இல்லத்துக்குச் சென்று பாஜக மாநிலத் தலைவர் தேவேந்திர ஃபட்னவிஸ் வியாழக்கிழமை சந்தித்தார். சுமார் அரை மணி நேரம் நீடித்த இந்தச் சந்திப்பில் அவர்கள் பகிர்ந்து கொண்ட விஷயங்கள் முழுமையாக வெளியிடப்படவில்லை.

பின்னர் இது குறித்து செய்தியாளர்களிடம் நிதின் கட்கரி கூறுகையில், "மரியாதை நிமித்தமாக தேவேந்திர ஃபட்னவிஸ் என்னைச் சந்தித்தார். அவர் எனக்கு தீபாவளி வாழ்த்து தெரிவித்தார்“ என்றார்.

மாநில அரசியலுக்குத் திரும்புவீர்களா? என்று செய்தியாளர்கள் கேட்டபோது, "மத்திய அமைச்சர் பதவியில் மகிழ்ச்சியோடு பணியாற்றி வருகிறேன்' என்று பதிலளித்தார்.

மேலும், ‘என் மீது மிகுந்த மரியாதை கொண்டுள்ள பாஜக எம்எல்ஏக்கள், நான் மகாராஷ்டிர மாநில முதலமைச்சராக வேண்டும் என்று விருப்பம் தெரிவித்தனர்.

ஆனால், மாநில அரசியலுக்குத் திரும்பும் எண்ணம் எனக்கு இல்லை. ஏற்கெனவே, இதை நான் தெளிவுபடுத்திவிட்டேன். மகாராஷ்டிர மாநில முதலமைச்சர் யார் என்பதை கட்சி மேலிடம்தான் முடிவு செய்யும்.

கட்சியில் எந்தப் பொறுப்பு கொடுக்கப்பட்டாலும், அதை ஏற்றுக் கொள்ளத் தயாராக இருக்கிறேன்“ என்று நிதின் கட்கரி தெரிவித்தார். நிதின் கட்கரி மகாராஷ்டிரத்தைச் சேர்ந்தவர் என்பது குறிப்பிடத்தக்கது.

மாநில அரசியலுக்குத் திரும்பும் எண்ணம் எனக்கு இல்லை - நிதின் கட்கரி




தமிழகத்தில் அடுத்த 24 மணி நேரத்திற்கு கனமழை நீடிக்கும் என்று வானிலை ஆய்வு மையம் தெரிவித்துள்ளது.

கேரளாவுக்கும் லட்சத்தீவுக்கும் இடையே தென்மேற்கு, மத்திய அரபிக்கடலில் காற்றழுத்தத் தாழ்வுப் பகுதி உருவாகியுள்ளது.

இந்தப் புதிய காற்றழுத்தத் தாழ்வுப் பகுதி வரும் நாளில் காற்றழுத்தத் தாழ்வு நிலையாக மாறக்கூடும் என்றும் வானிலை மையம் தெரிவித்துள்ளது.

காற்றழுத்தத் தாழ்வுப் பகுதி தீவிரமடைந்தால் தமிழகத்தில் தொடர்ந்து கனமழை பெய்யும் என வானிலை மையம் தகவல் தெரிவித்துள்ளது.

இந்நிலையில், மன்னர் வளைகுடாவில் நிலைகொண்டுள்ள வளிமண்டல மேலடுக்கு சுழற்சி நீடிப்பதால் தென்மாவட்டங்களில் மழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளது குறிப்பிடத்தக்கது.

தமிழகத்தில் கனமழை நீடிக்கும்: வானிலை ஆய்வு மையம் தகவல்



இந்திப் படங்களில் நடிக்க வேண்டும் என்பதுதான் பெரும்பாலான நடிகைகளின் விருப்பமாக இருக்கிறது. ஆனால் த்ரிஷா, நயன்தாரா இருவரும் இந்தியில் நடிக்க வரும் வாய்ப்புகளை கதை கேட்காமலே நிராகரித்து விடுகின்றனர்.

தமிழ், தெலுங்கில் முன்னணி நடிகைகளாக இருக்கும் இவர்கள் இந்திக்கு சென்றால் அறிமுக நடிகைகளாகவே பார்க்கப்படுவார்கள். அங்குள்ள கரீனா கபூர், கத்ரினா கைப், தீபிகா படுகோன் ஆகியோருக்கு கிடைக்கிற மதிப்பும், விளம்பரமும் இவர்களுக்கு நிச்சயம் கிடைக்காது.

யானைக்கு வாலாக இருப்பதை விட எலிக்கு தலையாக இருப்பதே மேல். அதனால் இந்தியில் அறிமுகமாக இருப்பதற்குப் பதில் தமிழ், தெலுங்கில் முன்னணி ஹீரோயினாக இருப்பதே நல்லது என்ற அடிப்படையில் இந்தி என்றhலே நஹி சொல்லிவிடுகிறார்கள் இருவரும்.

சமீபத்தில் நயன்தாராவுக்கு வந்த இந்திப்பட வாய்ப்பை அவர் கதை கேட்காமலே ஒதுக்கித் தள்ளியது குறிப்பிடத்தக்கது.

இந்தியை ஒதுக்கும் த்ரிஷா, நயன்தாரா



eb bill
ஹரியானாவில் பீடா கடை வைத்திருப்பவருக்கு ரூ.132 கோடி மின் கட்டணம் வந்ததால் அவர் பெரும் அதிர்ச்சி அடைந்துள்ளார்.

ஹரியானாவின் சொனிபெட் மாவட்டத்தில் பீடா கடை வைத்திருப்பவர் ராஜேஷ். இவருக்கு தீபாவளி அன்று உத்தர் ஹரியானா பிஜ்லி வித்ரான் நிகாமிடமிருந்து மின்சார கட்டணத்திற்கான நோட்டீஸ் வந்தது. அக்டோபர் மாதத்திற்கான மின் கட்டணம் செலுத்த அனுப்பப்பட்ட அந்த நோட்டீசில், இவரது சிறிய கடையின் மின் கட்டணம் ரூ. 132.29 கோடி என தெரிவிக்கப்பட்டிருந்தது.

இந்த கட்டணத்தைப் பார்த்து அதிர்ச்சியில் உறைந்த அவர் இதுகுறித்து கூறுகையில், நான் ஒரு சாதாரண மனிதன். ஒரு சிறிய பீடா கடையை மட்டுமே நடத்தி வருகிறேன், எனது கடையில் ஒரு சிறிய பல்பு மற்றும் மின்விசிறி மட்டும் தான் உள்ளது. பொதுவாக என் கடைக்கு ரூ. 1000க்கும் குறைவாகத்தான் மின் கட்டணம் வரும். இப்படி ரூ. 132 கோடி கட்டணம் வந்தது எனக்கு மிகுந்த அதிர்ச்சியை அளிக்கிறது. பில்லில் கூறப்பட்ட தொகை எண்கள் மற்றும் எழுத்திலும் தெளிவாக எழுதப்பட்டிருந்தது என கூறினார்.

மேலும், இந்த தவறைச் சரி செய்ய மின்சார வாரியத்திற்கு செல்லவிருப்பதாகவும் அவர் தெரிவித்தார். 2007 ஆம் ஆண்டில் ஏற்கனவே ஹரியானா மின்சார துறை நர்னவுல் பகுதியில் உள்ள ஒரு வீட்டிற்கு ரூ. 234 கோடியை மின்சார கட்டணமாக அனுப்பியது குறிப்பிடத்தக்கது.

பீடா கடைக்காரருக்கு ரூ.132 கோடி மின் கட்டணம்!



விஷாலை வைத்து இயக்கி வரும் ஆம்பளயில் ஆண்ட்ரியா கெஸ்ட் ரோலில் நடிப்பதை சுந்தர். சி உறுதி செய்துள்ளார்.

அரண்மனைக்குப் பிறகு சுந்தர். சி இயக்கிவரும் படம்தான் ஆம்பள. 2015 பொங்கலுக்கு படம் வெளியாகும் என்று தீபாவளிக்கு பர்ஸ்ட் லுக் போஸ்டரில் தெரியப்படுத்தியிருந்தனர். இதில் ஹன்சிகா ஹீரோயின். ரம்யா கிருஷ்ணன், கிரண், ஐஸ்வர்யா ஆகியோரும் நடிக்கின்றனர். ஆண்ட்ரியா கெஸ்ட் ரோலில் நடிப்பதை சுந்தர். சி உறுதி செய்தார்.

சுந்தர். சியின் அரண்மனையில் நடித்த ஹன்சிகாதான் ஆம்பளயில் ஹீரோயின். அதேபோல் ஆண்ட்ரியாவும் அரண்மனையில் நடித்திருந்தது குறிப்பிடத்தக்கது.

ஆம்பளையில் ஆண்ட்ரியா - உறுதி செய்தார் சுந்தர். சி



பெங்களூரு பள்ளிச் சிறுமி பாலியல் வன்கொடுமைக்கு ஆளாக்கப்பட்ட வழக்கில் தனியார் பள்ளியின் உதவியாளர் கைது செய்யப்பட்டுள்ளார்.

பெங்களூரு பள்ளியில் மூன்றரை வயது சிறுமி பலாத்காரம் செய்யப்பட்டது தொடர்பாக தனியார் பள்ளியின் உதவியாளர் கைது செய்யப்பட்டுள்ளார். பாதிக்கப்பட்ட சிறுமி அடையாளம் காட்டியதன் பேரில் தனியார் பள்ளியில் உதவியாளராக பணியாற்றி வந்த குண்டப்பா என்பவரிடம் பெங்களூரு காவல்துறையினர் விசாரணை நடத்தினர். இதில் அவர் சிறுமியிடம் தவறாக நடந்தது உறுதி செய்யப்பட்டதால் குண்டப்பாவை காவல்துறையினர் கைது செய்துள்ளனர். இதனை கர்நாடக முதல்வர் சித்தராமையா உறுதிபடுத்தியுள்ளார். சம்பவம் நடைபெற்ற பள்ளியின் நிர்வாகத்தின் மீது குற்றவழக்கு பதிவு செய்யப்பட்டுள்ளது. அனுமதியின்றி மழலையர் வகுப்புகள் நடத்தியது மற்றும் கன்னட மொழிக்கு பதிலாக ஆங்கில வழியில் வகுப்புகளை நடத்தியதாக முதல் தகவல் அறிக்கையில் குறிப்பிடப்பட்டுள்ளது.

முன்னதாக பெங்களூருவில் செயல்பட்டு வரும் ஆர்ச்சிட் சர்வதேச பள்ளியில் கடந்த திங்கட்கிழமை மூன்றரை வயது சிறமி பாலியல் வன்கொடுமைக்கு ஆளாக்கப்பட்டார். இச்சம்பவத்தை கண்டித்து போராட்டம் வலுத்துள்ளதையடுத்தே காவல்துறையினர் நடவடிக்கையும் தீவிரமடைந்துள்ளது.

பள்ளிச் சிறுமி பாலியல் வன்கொடுமை வழக்கில் தனியார் பள்ளியின் உதவியாளர் கைது



மத்திய அமைச்சர்கள் மற்றும் அவர்களின் தனிப்பட்ட ஊழியர்களின் வாய்மொழி உத்தரவுகளுக்கு அமைச்சக அதிகாரிகள் யாரும் பணியக்கூடாது என்று அமைச்சகங்களுக்கு பிரதமர் அலுவலகம் கடிதம் அனுப்பியுள்ளது.

மத்திய அமைச்சரவையில் இடம்பெற்றுள்ள பல்வேறு அமைச்சர்கள், தங்கள் துறைரீதியான பணிகளில் கடந்த சில ஆண்டுகளாக எழுத்துப்பூர்வமான நடவடிக்கைகளுக்கு தயக்கம் காட்டி வருகின்றனர்.

மாறாக இந்த பணிகளுக்காக தனது அமைச்சக அதிகாரிகளுக்கு வாய்மொழியாக உத்தரவை வழங்கி வருகின்றனர்.

அமைச்சர்களின் உத்தரவை எழுத்துப்பூர்வமாக வாங்குவதில் சில அதிகாரிகள் உறுதியாக இருந்தாலும், பல நேரங்களில் அமைச்சர்களின் வாய்மொழி உத்தரவுக்கு கட்டுப்பட வேண்டியுள்ளது. இதில் பல்வேறு முக்கியமான பணிகளும் அடங்குவதால் சில நேரங்களில் பிரச்சினை எழுகிறது.

இந்நிலையில் மத்திய அரசு துறைகளைத் தொடர்ந்து கண்காணித்து வரும் பிரதமர் அலுவலகம், மத்திய அமைச்சர்களும், அமைச்சக அதிகாரிகளும் மேற்கொள்ள வேண்டிய நடவடிக்கைகள் தொடர்பாக அடிக்கடி சுற்றறிக்கைகளை அனுப்பி வருகிறது. அந்தவகையில் மத்திய அமைச்சர்களின் வாய்மொழி உத்தரவு தொடர்பாகவும் கடிதம் அனுப்பப்பட்டுள்ளது.

இந்த குறிப்பாணையில், “மத்திய அமைச்சர்கள் மற்றும் அவர்களின் தனிப்பட்ட ஊழியர்களின் வாய்மொழி உத்தரவுகளுக்கு அமைச்சக அதிகாரிகள் யாரும் பணியக்கூடாது.

இந்த உத்தரவுகள் தொடர்பாக தங்கள் மேலதிகாரிகளின் எழுத்துப்பூர்வ கடிதம் பெற்ற பின்னரே நடவடிக்கை எடுக்க வேண்டும்“ என்று கூறப்பட்டுள்ளது.

மேலும், “அமைச்சர்கள் அல்லது அவர்களின் தனிப்பட்ட ஊழியர்களின் வாய்மொழி உத்தரவை பெறும் அதிகாரிகள், அந்த உத்தரவு விதிமுறைகளின் அடிப்படையில் இருந்தால் அது குறித்து அமைச்சக செயலாளர் அல்லது துறை தலைவர்களின் பார்வைக்குக் கொண்டு செல்ல வேண்டும்.

பின்னர் அவர்கள் இதற்கு அனுமதி அளித்தால் அந்த உத்தரவுகளை செயல்படுத்த வேண்டும். ஆனால் அந்த உத்தரவுகள் விதிமுறைகளுக்கு அப்பாற்பட்டு இருந்தால் அது குறித்து அமைச்சக செயலாளரிடம் தெரிவிக்க வேண்டும்.

எனினும் மத்திய அமைச்சர்களின் வெளிநாட்டுப் பயணம் அல்லது நோய்வாய்ப்பட்டு இருத்தல் மற்றும் அவசர காலங்களில், அந்த அமைச்சரின் தனிச் செயலாளர் மூலம் எழுத்துப்பூர்வமாக உத்தரவு பெறப்பட்டு நடவடிக்கை எடுக்க வேண்டும்.

பின்னர் குறிப்பிட்ட அந்த அமைச்சர் மீண்டும் பணிக்கு திரும்பியபின் இந்த உத்தரவு குறித்து அவரிடம் இருந்து எழுத்துப்பூர்வமாக பெற வேண்டும்“. என்று அந்தக் கடிதத்தில் தெரிவிக்கப்பட்டுள்ளது.

அமைச்சர்களின் வாய்மொழி உத்தரவுக்கு அதிகாரிகள் பணியக்கூடாது: பிரதமர் அலுவலகம் கடிதம்



இலட்சிய நடிகர் எஸ்.எஸ்.ராஜேந்திரன் மறைவுக்கு மதிமுக பொதுச் செயலர் வைகோ இரங்கல் தெரிவித்துள்ளார். இது தொடர்பாக அவர் வெளியிட்டுள்ள இரங்கல் செய்தியில் கூறியிருப்பதாவது:

கலை உலகம், திராவிட இயக்கத்திற்கு வழங்கிய அருட்கொடையாம் இலட்சிய நடிகர் எஸ்.எஸ்.ஆர். மறைந்தார் என்ற செய்தி அறிந்து, அதிர்ச்சி அடைந்தேன்; வேதனைக்குள்ளானேன்.

பேரறிஞர் அண்ணா இதயத்தில் தனித்ததோர் இடத்தைப் பெற்று, தி.மு.கழகத்தின் இலட்சிய வேங்கையாகத் திகழ்ந்தார். கொள்கையில் நிலைகுலையாத உறுதி கொண்டு இருந்தார். 1965 இந்தி எதிர்ப்புப் போராட்டத்தில் அவரது தேனாம்பேட்டை வீட்டைச் சுற்றி வன்முறையாளர்கள் தாக்குதல் நடத்தியபோது, அஞ்சாமல் துப்பாக்கியோடு போய் நின்றார். எனவே, கழகத் தோழர்கள் அவரை ‘சேடப்பட்டி சிங்கக்குட்டி’ என்று அழைத்து மகிழ்ந்தார்கள்.

தமது தேனாம்பேட்டை இல்லத் திறப்பு விழாவுடன், பேரறிஞர் அண்ணா 50ஆம் ஆண்டு பிறந்தநாள் விழாவினைப் பொன் விழாவாகக் கொண்டாடினார். அண்ணாவுக்குப் பட்டு வேட்டி, பட்டுச் சட்டையுடன் 50 பவுன் தங்கச் சங்கிலி அணிவித்தார். அண்ணா மலேசியா சென்று தாயகம் திரும்பியபோது, சென்னைக் கடற்கரையில் நடைபெற்ற பிரம்மாண்டமான வரவேற்புக் கூட்டத்தில் இலட்சிய நடிகர் எஸ்.எஸ்.ஆர். பேச்சு முத்தாய்ப்பாக அமைந்தது. தாம் நேசித்த திராவிட முன்னேற்றக் கழகத்தை முன்னிறுத்தி அவர் தயாரித்த ‘தங்க ரத்தினம்’ திரைப்படத்திலேயே தி.மு.க.வின் பழநி மாநாட்டுக் காட்சிகளை இடம் பெறச் செய்தார்.

1962 பொதுத் தேர்தலில் காங்கிரஸ் கோட்டையாகத் திகழ்ந்த தேனி தொகுதியில் காங்கிரசைத் தோற்கடித்துச் சாதனை படைத்தார். 67 தேர்தல் களத்தில் அவருடன் நெருங்கிப் பழகுகின்ற வாய்ப்பைப் பெற்றேன். தென்மாவட்டச் சுற்றுப் பயணங்களின்போது உடன் சென்றேன். பேரறிஞர் அண்ணா இயற்கை எய்தியபோது, அங்கு நின்று கொண்டு இருந்த நடிகமணி டி.வி.நாராயணசாமியுடன் என்னையும் தமது காரில் ஏற்றிக்கொண்டு அண்ணா வீட்டுக்கு அழைத்துச் சென்றதை மறக்க முடியாது.

தேர்தல் களத்தில் பலமுறை வெற்றி பெற்று, சட்டமன்ற உறுப்பினர், நாடாளுமன்ற உறுப்பினர், சிறுசேமிப்புத் துறைத் துணைத் தலைவர் ஆகிய பொறுப்புகளை வகித்தார்.

திரை உலகில் தனக்கென ஒரு தனிப் பாணியை வகுத்துக்கொண்டு பிரகாசித்தார். தமிழ் வசனங்களை உச்சரிப்பதில், நடிகர் திலகம் சிவாஜி கணேசன் போலவே, கேட்போரின் இதயங்களைக் காந்தமாய்க் கவர்கின்ற குரலாக எஸ்.எஸ்.ஆரின் குரல் கணீரென ஒலித்தது. அதற்காகவே அவரது படங்களை நான் விரும்பிப் பார்ப்பது உண்டு.

‘முதலாளி, தை பிறந்தால் வழி பிறக்கும், சிவகங்கைச் சீமை, பூம்புகார், கை கொடுத்த தெய்வம், ஆலயமணி, பூமாலை, வைராக்கியம், ராஜா தேசிங்கு, சாந்தி போன்ற திரைப்படங்களில் அற்புதமான நடிப்பை வெளிப்படுத்தினார். ‘காக்கும் கரங்கள்’ படத்தைப் பார்த்து விட்டு அண்ணா, ‘தம்பி இராஜேந்திரன் டாக்டர் சங்கராகவே மாறிவிட்டார்’ என்று பாராட்டினார்.

இன்று மருது பாண்டியர்கள் தூக்கில் இடப்பட்ட நாள். அவர்களது புகழ் பாடும் திரைப்படமாக, கவிஞர் கண்ணதாசன் தயாரித்த சிவகங்கைச் சீமையில், முத்தழகு பாத்திரத்தில் எஸ்.எஸ்.ஆர். நடித்த நடிப்பும், வசன உச்சரிப்பும் நம்மை மெய்சிலிர்க்கச் செய்யும். அந்த மருதுபாண்டியர்கள் மறைந்த நாளிலேயே எஸ்.எஸ்.ஆர். இயற்கை எய்தி உள்ளார். அவர் மண்ணில் இருந்து மறைந்தாலும், அண்ணாவின் இயக்கத்திலும், வெள்ளித் திரையிலும் அவர் படைத்த சாதனைகள் என்றைக்கும் அவரது புகழ் பாடும்!

அவரை இழந்து துயருறும் குடும்பத்தாருக்கும் உற்றார் உறவினர்களுக்கும் மறுமலர்ச்சி திராவிட முன்னேற்றக் கழகத்தின் சார்பில் எனது ஆழ்ந்த இரங்கலைத் தெரிவித்துக் கொள்கிறேன்.

இவ்வாறு வைகோ தெரிவித்துள்ளார்.

‘சேடப்பட்டி சிங்கக்குட்டி’ - எஸ்.எஸ்.ராஜேந்திரன் மறைவுக்கு வைகோ இரங்கல்



கத்தி படத்தைப் பற்றி கருத்து தெரிவித்திருக்கும் சினிமா பிரபலங்கள் அதில் சொல்லப்பட்டிருக்கும் சமூகப் பிரச்னைக்காக படத்தை புகழ்ந்துள்ளனர். இது வெறும் படமல்ல என்றும் தெரிவித்துள்ளனர். ரசிகர்களும் சமூக அக்கறையுடன் எடுக்கப்பட்டிருக்கும் படம் என்று புல்லரிக்கின்றனர்.

நாயக பிம்பத்தை கட்டியெழுப்ப சமூக பிரச்சனைகளை தொட்டுக்க ஊறுகாயாக தமிழ் சினிமா எப்போதுமே பயன்படுத்தி வந்திருக்கிறது. கத்தியிலும் அப்படிதான் முருகதாஸ் தண்ணீர் பிரச்சனையை தொட்டிருக்கிறார், ஊறுகாய் அளவுக்கு.

தமிழ்ப்பட ஹீரோக்கள் திரையில் எந்தப் பிரச்சனைக்காக போராடுகிறார்களோ அந்தப் பிரச்சனைக்கு காரணமானவர்களின் கைப்புள்ளயாகதான் நிஜத்தில் இருக்கிறார்கள். உதாரணமாக கத்தியில் சொல்லப்பட்டிருக்கும் தண்ணீர் பிரச்சனையை எடுத்துக் கொள்வோம். இந்த கொள்ளைக்கு தலைமை தாங்குகிறவர்கள் கோலா கம்பெனிகள்.

முக்கியமாக கோகோ கோலாவும், பெப்சியும். கோக் கம்பெனிதான் தாமிரபரணியில் தண்ணீர் உறிஞ்சியது. அந்த கோக் கம்பெனியின் விளம்பரத்தில் கோக் குடி கொண்டாடு என்று ஆடி நடித்தவர் விஜய். அதற்காக கோடிக்கணக்கில் பணத்தையும் பெற்றுக் கொண்டார். கோக் கம்பெனியின் தண்ணீர் கொள்ளைக்கு எதிராக பொதுநல அமைப்புகள் தொண்டை வறள கத்திக் கொண்டிருந்த போது கோக் குடி கொண்டாடு என்று ஆடி கோடிகளில் சம்பாதித்தவர் இப்போது தண்ணீர் பிரச்சனை குறித்த படத்தில் நடித்து தனது நாயக பிம்பத்தை புதுப்பித்துக் கொண்டுள்ளார்.

சினிமாவில் இப்படி தொட்டுக்க ஊறுகாயாக சொல்லப்படும் எந்தப் பிரச்சனையும் ஜனங்களை விழிப்படையச் செய்து அந்தப் பிரச்சனைக்கு எதிராக போராட வைத்ததாக சரித்திரம் இல்லை. மாறாக அப்படி நடித்தவர்களின் நாயக பிம்பம் கற்பனைக்கு எட்டாத அளவுக்கு ஊதி பெரிதாக்கப்பட்டடிருக்கிறது. அப்படியொரு போலி சமூக அக்கறைதான் கத்தி படத்திலும் காட்டப்பட்டிருப்பது. இந்த அடிப்படையை புரிந்து கொள்ளாமல் நல்ல கருத்து சொல்லியிருக்காங்க என்பதெல்லாம் சிறுபிள்ளைத்தனம்.

சினிமா மற்றும் பாப்புலர் பத்திரிகைகளில் வரும் செய்திகளும், அவை அலசும் சமூகப் பிரச்சனைகளும் மேலோட்டமானவை. முக்கியமான பிரச்சனைகளையும் கமர்ஷியல் சேர்த்து விற்பனைக்கான கச்சாப் பொருளாக மாற்றுபவை. காவிரி பிரச்சனை குறித்து தினசரிகளும், வாரப் பத்திரிகைகளும் இவ்வளவு வருடங்களில் எத்தனை பத்திகள் எழுதியிருக்கும்? எவ்வளவு பக்கங்கள் நாம் படித்திருப்போம்? காவிரியின் மையப்பிரச்சனை குறித்து, அந்த சொல்லாடல் குறித்து நமக்கு இந்த பத்திரிகைகள் வாயிலாக கிடைத்தது என்ன?

காவிரி நதிநீர் ஆணையம் எதற்கு, எப்போது ஆரம்பிக்கப்பட்டது?

ஒரு டிஎம்சி தண்ணீர் என்றால் எவ்வளவு?

காவிரி பிரச்சனை ஆரம்பமான போது கர்நாடகத்தின் விளைநிலங்களின் மொத்த பரப்பளவு என்ன? இப்போது அந்த அளவு அதிகரித்துள்ளதா குறைந்துள்ளதா?

இதுபோன்ற அடிப்படை கேள்விகளில் எத்தனைக்கு இந்த பத்திரிகைகள் படித்த நமக்கு பதில் தெரியும்? அதேநேரம் காவிரி பிரச்சனைக்கு நெய்வேலியில் பாரதிராஜா தலைமையில் சினிமா நட்சத்திரங்கள் போராட்டம் நடத்திய போது கமலின் காரில் அவருடன் வந்த நடிகை யார் என்று கேட்டுப் பாருங்கள். எல்லோருக்குமே அதற்கான பதில் தெரியும். எப்படி?

சினிமாவும், பாப்புலர் பத்திரிகைகளும் இதுபோன்ற கேளிக்கை செய்திகளுக்கே முக்கியத்துவம் தருகின்றன. எதைப் பற்றி பேசினாலும் வாசகர்களை, பார்வையாளர்களை என்டர்டெயின் செய்வதுதான் அவற்றின் நோக்கம். அதற்கான தொட்டுக்க ஊறுகாய்தான் சமூகப் பிரச்சனைகள். ஒரு பிரபல வாரப்பத்திரிகை காவிரிப் பிரச்சனை உச்சத்தில் இருந்த போது காவிரி என்ற பெயர் கொண்ட நடிகைகளை பேட்டியெடுத்து போட்டது.

1993 -இல் வெளியான ஜென்டில்மேனின் கொள்ளை அடித்த பணத்தில் ஏழைகளுக்கு கல்வி வழங்கினார் ஷங்கர். 2007 -இல் அதே கல்விப் பிரச்சனையைதான் சிவாஜியிலும் கையிலெடுத்தார். இன்னும் இருபது வருடங்கள் கழித்தும் இதே பிரச்சனையைப் பற்றி அவர் படமெடுப்பார். ஷங்கர், முருகதாஸ் போன்றவர்களின் படங்கள் சமூகப் பிரச்சனைகள் குறித்து பேசுவதில்லை.

மாறாக சமூகப் பிரச்சனைகளை என்டர்டெயின் செய்கின்றன. பிரச்சனைகள் குறித்து பேசாமல் மௌனம் சாதிப்பதைவிட, இப்படி பிரச்சனைகளை என்டர்டெய்ன் செய்வது ஆபத்தானது. இருக்கிற பிரச்சனைகளுக்கு தீர்வு காணப்பட்டது போன்றும், நம்முடைய பிரச்சனைகள் தீர்க்கப்பட்டது போன்றும் ஒருவித போலி மயக்கத்தை பார்வையாளர்களுக்கு இப்படிப்பட்ட படங்கள் தருகின்றன. அந்த மயக்கத்தின் உளறல்கள்தான், மக்கள் பிரச்சனையை பேசியிருக்காங்க என்பதும், நல்ல கருத்தை சொல்லியிருக்காங்க என்பதும்.

ஒருபக்கம் கோக் விளம்பரங்களில் நடித்து பணம் சம்பாதிப்பது. இன்னொரு பக்கம் தண்ணியை கொள்ளையடிச்சிட்டாங்க என்று ஃபிலிம் காட்டுவது. இந்த அட்டகத்திகளைதான் நாம் கொண்டாடிக் கொண்டிருக்கிறோம்.

சினிமா ஹீரோக்களின் போலி சமூக அக்கறை - கத்தியை முன் வைத்து



ஜப்பானில் மிகப்பெரிய எரிமலை சீற்றத்தினால் அடுத்த நூற்றாண்டில் ஜப்பான் நாடு முழுவதுமாக‌ அழிந்து விடும் அபாயம் உள்ளது என்று புதிய ஆய்வு வெளியாகி உள்ளது.

கோபே பல்கலைக் கழக புவியியல் விஞ்ஞான ஆய்வுத்துறைப் பேராசிரியர் யொஷியுகி டட்சுமி தலைமையிலான புவி விஞ்ஞானிகள் இது குறித்து ஆய்வு செய்துள்ளனர்.

இவர்கள் கடந்த 1,20,000 ஆண்டுகளாக எவ்வளவு கால இடைவெளியில் எந்த அளவில் எரிமலை சீற்றங்கள் ஏற்பட்டுள்ளது என்பதை ஆய்வு செய்தனர்.

இது குறித்து, யொஷியுகி டட்சுமி கூறுகையில், ‘மிகப்பெரிய எரிமலை சீற்றம் ஜப்பான் என்ற நாட்டை இல்லாமல் அழித்து விடும் என்று கூறுவது மிகையான கூற்று அல்ல‘ என்று தெரிவித்துள்ளார்.

அடுத்த 30 ஆண்டுகளில் கோபே நகரத்தை மிகப்பெரிய பூகம்பம் தாக்கும் வாய்ப்பு அதிகம் உள்ளது என்றும் 1995 ஆம் ஆண்டு 7.2 ரிக்டர் அளவில் கோபே நகரத்தைப் பூகம்பம் தாக்க அதில் 6,400 பேர் மரணமடைந்தனர். மேலும், 4,400 பேர் காயமடைந்தனர் என்பதையும் இந்த ஆய்வாளர்கள் குறிப்பிட்டுள்ளனர்.

கோபே பூகம்ப அபாயம் குறித்து இந்த பூகம்பம் தாக்குவதற்கு முதல்நாளே இதே ஆய்வாளர்கள் குறிப்பிட்டது முக்கியத்துவம் வாய்ந்தது. இந்நிலையில், எப்போது வேண்டுமானாலும் பயங்கர எரிமலை வெடிப்பு ஏற்படலாம் என்று அந்த ஆய்வறிக்கையில் தெரிவிக்கப்பட்டுள்ளது முக்கியத்துவம் வாய்ந்ததாகக் கருதப்படுகிறது.

ஜப்பானில் உள்ள மவுண்ட் ஆன் டேக் முன்னெச்சரிக்கை அறிகுறிகள் எதுவுமின்றி சமீபத்தில் வெடித்தது. இதில் 57 பேர் பலியாகினர். சமீப காலங்களில் ஜப்பானில் ஏற்பட்ட மிகப்பெரிய எரிமலைச் சீற்றம் இது என்று கூறப்படுகிறது.

கடந்த 10,000 ஆண்டுகளில் 7% எரிமலைகளைத் தன்னகத்தே கொண்டுள்ள ஜப்பானில் பெரும் வெடிப்பு ஏற்பட்டுள்ளது என்கின்றனர் இந்த ஆய்வாளர்கள். தெற்குமுனையில் உள்ள கியூஷுவில் உள்ள எரிமலையில் கடந்த 1,20,000 ஆண்டுகளில் பயங்கரச் சீற்றங்கள் ஏற்பட்டுள்ளது.

எனவே இன்னொரு பேரழிவு சீற்றம் ஏற்பட வாய்ப்பிருக்கிறது. அங்கு எரிமலை வெடிக்குமேயானால் அதிலிருந்து வெளிவரும் எரிமலைக் குழம்பு மற்றும் எரிபாறைகள் 2 மணிநேரத்தில் 70 லட்சம் மக்களை அழித்துவிடும் என்று பயங்கர அபாய எச்சரிக்கை விடுத்துள்ளனர் இந்த புவி விஞ்ஞானிகள்.

மேலும் எரிமலை சீற்றத்தினால் கிளம்பும் சாம்பல் மேற்குக் காற்றினால் உள்புறத் தீவான ஹோன்சு வரை பரவும் அபாயம் உள்ளது. இதனால் ஜப்பான் முழுதும் வாழ முடியாத நிலப்பிரதேசமாகிவிடும் என்று கூறப்படுகிறது.

ஹோன்சைச் சுற்றி இருக்கும் நகரங்கள் மற்றும் ஊர்களில் வாழும் 120 மில்லியன் மக்கள்தொகையை காப்பாற்ற வாய்ப்பே இல்லை. ஒட்டு மொத்தமாக மேக்மா எவ்வளவு இருக்கிறது என்பதை ஆய்வு செய்யும் புதிய தொழில் நுட்பம் தேவை என்று இந்த ஆய்வாளர்கள் கோரியுள்ளனர்.

28,000 ஆண்டுகளுக்கு முன்பாக தெற்கு கியுஷூவில் ஏற்பட்ட மிகப்பெரிய எரிமலைச் சீற்றத்தை ஆய்வு மேற்கொண்டபோது நிலவியல் நிபுணர்கள் திரட்டிய தரவுகளின் அடிப்படையில் இந்த ஆய்வு தனது கண்டுபிடிப்புக்கு ஆதாரமாகக் கோரியுள்ளது என்பது குறிப்பிடத்தக்கது.

எரிமலை சீற்றம்: ஜப்பான் முழுமையாக அழியும் என்று விஞ்ஞானிகள் எச்சரிக்கை




பெங்களூருவில் பிரசாதம் வாங்குவதற்காக கோயில் கருவறைக்குள் நுழைந்த சிறுவனை கோயில் பூசாரி அடித்து உதைத்த நிகழ்வு பெரும் பரபரப்பை ஏற்படுத்தியுள்ளது.

பெங்களூருவின் புறநகர்ப்பகுதியான நெலமங்கலா பகுதியிலுள்ள ருத்ரேஸ்வரா சுவாமி கோயில் வளாகத்தில், சிறுவன் ஒருவன் விளையாடிக் கொண்டிருந்தான். அப்போது பூசாரி பிரசாதத்தை வழங்கத் துவங்கினார்.

பலமுறை முயன்றும் பிரசாதம் கிடைக்காததால் ஏமாற்றமடைந்த சிறுவன், பூசாரியின் பின்னாலேயே சென்று பிரசாதம் வாங்குவதற்காக கருவறைக்குள் சென்றான். இதைக் கண்ட பூசாரி கடும் ஆத்திர மடைந்து அந்த சிறுவனை அடித்து உதைத்தார். இதில் பலத்த காயமடைந்த சிறுவன் மருத்துவமனையில் சிகிச்சை பெற்று வருகிறான்.

கோயிலுக்குள் நுழைந்த சிறுவனை அடித்து உதைத்த பூசாரி



"கம்யூனிசம் என்பதை ஒரு வரியில் சொல்லுங்கள்" எனக் கத்தி திரைப்படத்தில் ஜீவானந்தம் எனும் பெயரில் நடித்துள்ள விஜயிடம் கேட்கிறார் அவரின் திரைப்படத் தங்கை.

"பசி அடங்கியபின் சாப்பிடும் இட்டிலி உனக்குச் சொந்தம் அல்ல, அடுத்தவனுக்கே சொந்தம்" என்கிறார் ஜீவானந்தம்.

இட்டிலி 1 ரூபாய்க்கு விற்கும் அம்மா உணவகம் உள்ள நாட்டில், இட்டிலி தேசியமயமாகும் அபாயம் இல்லை என மனத்தைத் தேற்றிகொண்டேன்.

படம் பார்த்தால் என்டெர்டெய்ன்மெண்ட் எனும் நிலை மாறி, படம் பார்த்தால் கூடவும் ஒரு மெஸேஜை அழுத்திச் சொல்ல வேண்டும் என்பது விதியாகிவிட்டது. இம்சை அரசன் 23ஆம் புலிகேசியில் வடிவேலு, கொக்கோகோலா கம்பனிக்கு எதிராக ஒரு மெஸேஜ் சொல்லியிருப்பார். கத்தியிலும் கொக்கோகோலா தான் வில்லன். சென்சாருக்கு பயந்தோ என்னவோ, விஜய் மல்லய்யா, 2ஜி, கொக்கோகோலா எனப் பலரையும் பெயர் சொல்லாமல் அட்டாக் செய்கிறார்கள். மீதேன் வாயு பிரச்சனை பேசப்படுகிறது.

இது எல்லாம் என்ன எனப் புரியாமல் பார்த்தால், படம் மிக நன்றாக இருக்கிறது எனத் தான் சொல்லவேண்டும். பாடல்கள் இனிமை. பாடல்கள் படமாக்கப்பட்ட விதம் நன்றாக உள்ளது. சமந்தா வழக்கமான தமிழ்த் திரைப்பட நாயகிகள் செய்யும் ரோலைக் குறைவின்றிச் செய்கிறார். ரொமான்ஸ் படம் இல்லை என்பதால் அவருக்கு அதிகக் காட்சிகள் இல்லை. படம் சற்று சீரியஸ் ஆகப் போகும் போது ஒரு பாடலைப் போட்டு, சற்று ஆசுவாசபடுத்துகிறார்கள். அதற்கு எனப் பைப்புக்குள் ஒரு ஊரே உட்கார்ந்து போராடுகையில் கூட, கனவுப் பாடல் வருவது சற்று ஓவர்தான் எனினும் பாடல் நன்றாக இருப்பதால் அதை மன்னித்துவிடலாம்.

தமிழ்ப் படங்களில் சென்னையில் எடுக்கப்பட்டாலும் சென்னையில் இருக்கும் நகரவாசிகள் எல்லாரும் ஏதோ சுயநலம் பிடித்தவர்கள், கிராமத்து மக்கள் செத்தாலும் கவலைப்படாமல் தம் பிழைப்பைப் பார்ப்பவர்கள் என்பது மாதிரி தீம்களில் பல படங்கள் வரும். நாயகர்கள் பஞ்சம் பிழைக்கச் சென்னை வருவார்கள். வந்து கிராமத்துப் பெருமையையும், சென்னையின் செயற்கைத் தன்மையையும் உணர்ந்து "சிங்காரமா ஊரு, சென்னையின்னு பேரு.. ஊரை சுத்தி ஓடுதய்யா கூவம் ஆறு" எனப் பாடி சென்னையில் உள்ள அல்ட்ரா மாடர்ன் பெண்ணைக் காதலித்து, சென்னையில் உள்ள படித்த, பணக்கார வில்லனை அடித்து உதைத்து, நீதியை நிலைநாட்டி, ஊர் திரும்புவார்கள். கத்தியிலும் அதே கதைதான். முன்பு வெள்ளையும், சொள்ளையுமா வில்லன்கள் படங்களில் வருவார்கள். இப்ப கோட்டும், சூட்டுமா வருகிறார்கள். சென்னை மகாஜனங்களும் தம்மை நன்றாகத் திட்டி எடுக்கப்படும் படங்களையும் பெருந்தன்மையாக ஓட வைத்துக்கொண்டுதான் இருக்கிறார்கள். அந்தப் பாரம்பரியம், கத்தியிலும் தொடர்கிறது.

கத்தி திரைப்படம் - சில காட்சிகள்

கத்தி ஏதோ ஆல்டர்நேடிவ் யுனிவர்ஸில் எடுக்கப்பட்டது போல் தெரிகிறது. அந்த ஆல்டர்நேடிவ் உலகில் பன்னாட்டுக் கம்பனி முதலாளிகள் எல்லாரும் கூடி, வட்டமேஜை மாநாடு போடுகிறார்கள். மாநாடு போட்டு, கிராமத்து மக்களை அடக்க முடிவெடுக்கிறார்கள். பன்னாட்டுக் கொகோ கோலா கம்பனி முதலாளி, சினிமா ஹீரோ மாதிரி இளமையா இருக்கிறார். தன்னூத்து கிராமத்துக்கு அவரே வந்து பாக்டரிக்கு அடிக்கல் நாட்டுகிறார். விஜயுடன் அவரே கிளைமாக்ஸில் சண்டை போடுகிறார். கொக்கோகோலா கம்பனி முதலாளிக்கு இந்த அளவு பிஸிகல் பிட்னஸ் இருப்பது பாராட்டப்பட வேண்டிய அம்சம்தான்.

சென்னைக்குச் செல்லும் நீரை மூன்று நாட்கள் தடுத்து நிறுத்திவிட்டு, ஊரையே பரபரப்பாக்கிப் பேட்டி கொடுத்துவிட்டு அடுத்த காட்சியில் விஜயும் நண்பர்களும் மொட்டை மாடியில் உட்கார்ந்து பேசிக்கொண்டிருக்கிறார்கள். போலிஸ் பேருக்குக் கூட கைது செய்து, போலிஸ் வேனில் ஏற்றுவதாகக் காணோம். நீதிமன்றத்தில் இளைஞர்கள் வேலை வேண்டும் எனப் பெட்டிசன் போட்டால், பன்னாட்டுக் கம்பனிக்கு சாதகமாகத் தீர்ப்பு சொல்லுவதாகச் சொல்கிறார்கள். விவசாயிகள் நிலம் வேண்டும் எனப் பெட்டிசன் போட்டால் அவர்களுக்குச் சாதகமாக தீர்ப்பு வருகிறது. கொகோ கோலா கம்பனி விவசாயியின் நிலத்தைப் பிடுங்கினால், பத்திரத்தை வைத்து வழக்கு நடக்குமா? இல்லை இளைஞர் பெட்டிசன், விவசாயிகள் பெட்டிசனை வைத்து வழக்கு நடக்குமா? ஆண்டவனுக்கே வெளிச்சம்.

விஜய் படம் என எடுத்துக்கொண்டால் கத்தி சிறப்பாக இருக்கிறது. விஜய் படங்களில் வரும் அனைத்து பார்முலாக்களும் இதில் உள்ளன. புத்திசாலித்தனமாக திட்டம் போட்டு வில்லனின் ஒவ்வொரு மூவையும் விஜய் முறியடிக்கிறார். ஆனால் படத்தைப் பார்த்தால் அவர் அரசியலுக்கு வந்தாலும் வந்துவிடுவார் எனத் தோன்றுகிறது. விஜயகாந்தே வந்துவிட்டார், விஜய் வந்தால் என்ன எனக் கேட்கிறீர்களா? இளைஞர்கள் எல்லாரும் அரசியலுக்கு வருவது நல்லதுதானே?

இந்தப் படத்துக்கு நமது மதிப்பெண் 2.5 / 5.

கத்தி - திரை விமர்சனம் 1



இலட்சிய நடிகர் எஸ்.எஸ். ராஜேந்திரன் மறைவுக்கு அதிமுக பொதுச் செயலாளர் ஜெயலலிதா இரங்கல் தெரிவித்துள்ளார். இது தொடர்பாக அவர் விடுத்துள்ள செய்தியில் கூறியிருப்பதாவது:

பழம்பெரும் திரைப்பட நடிகரும், “SSR” என்று மக்களால் அன்புடன் அழைக்கப்பட்டவருமான “லட்சிய நடிகர்” எஸ்.எஸ். ராஜேந்திரன் அவர்கள், உடல்நலக் குறைவு காரணமாக மருத்துவமனையில் அனுமதிக்கப்பட்டு, சிகிச்சை பலனின்றி தனது 86ஆவது அகவையில் இன்று இயற்கை எய்தினார் என்ற செய்தி அறிந்து மிகுந்த மன வேதனை அடைந்தேன்.

மேடை நாடகங்கள் மூலம் திரையுலகிற்குள் நுழைந்து, முதலில் சிறு சிறு கதா பாத்திரங்களை ஏற்று நடித்த எஸ். எஸ். ராஜேந்திரன் அவர்களுக்கு “முதலாளி” என்ற திரைப்படம் தான் முகவரி பெற்றுத் தந்தது. “குமுதம்”, “சாரதா”, “சிவகங்கை சீமை”, “தை பிறந்தால் வழி பிறக்கும்” உள்ளிட்ட பல்வேறு திரைப்படங்கள் மூலம் தமிழக மக்களின் உள்ளத்தைக் கொள்ளை கொண்டவர் எஸ்.எஸ். ராஜேந்திரன்.

தனது தெளிவான தமிழ் வசன உச்சரிப்பால் அனைவரையும் கவர்ந்தவர். ரசிகர்களால் “லட்சிய நடிகர்” என்று அழைக்கப்பட்ட திரு. எஸ்.எஸ். ராஜேந்திரன், தலைமுறை தாண்டி தற்போதைய இளம் தலைமுறை நடிகர்களுடனும் நடித்த பெருமைக்குரியவர்.

திரையுலகில் மட்டுமல்லாமல் அரசியலிலும் தடம் பதித்து, தமிழ்நாடு சட்டமன்றப் பேரவை உறுப்பினராகவும், நாடாளுமன்ற மாநிலங்களவை உறுப்பினராகவும் திறம்படப் பணியாற்றியவர்.

எஸ்.எஸ். ராஜேந்திரன் அவர்களின் மறைவு, தமிழ்த் திரையுலகிற்குப் பேரிழப்பாகும். தமிழ்த் திரையுலகில் தனக்கென்று தனி முத்திரை பதித்த எஸ்.எஸ். ராஜேந்திரன் அவர்களின் இடத்தை இனி எவராலும் நிரப்ப முடியாது.

எஸ்.எஸ். ராஜேந்திரன் அவர்களை இழந்து வாடும் அவரது குடும்பத்தினருக்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்வதுடன் அன்னாரது ஆன்மா இறைவனின் திருவடி நிழலில் இளைப்பாற எல்லாம் வல்ல இறைவனைப் பிரார்த்திக்கிறேன்.

இவ்வாறு ஜெயலலிதா கூறியுள்ளார்.

வசன உச்சரிப்பால் வசீகரித்த எஸ்.எஸ்.ஆர். - ஜெயலலிதா இரங்கல்




முதலில் இப்படத்திற்குள் நுழையும் முன் இயக்குநர் முருகதாஸ் மற்றும் விஜய்யின் முந்தைய சூப்பர் ஹிட்டான ‘துப்பாக்கி’யை மறந்துவிட்டுச் செல்ல வேண்டும்.

விவசாயிகள் போராட்டம் போன்ற ஒரு சீரியசான கதைக் களத்தை எடுத்துக்கொண்டதற்கே இயக்குநருக்கு ஒரு பூங்கொத்து கொடுக்க வேண்டும். கொஞ்சம் விலகினாலும், ஆவணப் படமாகிவிடும் அபாய நிலையில், முருகதாஸின் சரிவிகிதக் கலவையான திரைக்கதை, மாயம் செய்துள்ளது.

விவசாய மக்கள், நிலம், நீர் ஆக்கிரமிப்பு, கார்ப்பரேட்டின் அசுரக் கரங்கள், ஒரு நாயகன், போராட்டம், மைக் முன் மக்கள் பேசுவது, சுபம் என வழக்கம் போல டெம்ப்ளேட்டில் வந்துள்ள படம்தான் இதுவும். ஆனாலும் ரசிக்க வைக்கிறது.

விஜய் ’கத்தி’ என்னும் கதிரேசன், ஜீவானந்தம் (பெயர்களுக்குள் இருக்கும் குறியீடுகளையெல்லாம் அறிவாளி விமர்சகர்கள் பார்த்துக்கொள்வார்கள்) - இரு வித்தியாசமான வேடங்களில் விஜய். முன்னவர் திருடன், பின்னவர் போராளி. சந்தர்ப்பவசத்தில் இருவரும் இடம் மாறிக்கொள்கின்றனர். திருடன், போராளியாகிவிடுகிறார். சட்டென மாறாமல், வலுவான காரணங்களையும் முன்வைக்கிறார்கள். இரு வேடங்கள் எனினும் கத்தி எனும் கதிரேசன் தான் நாயகன், வில்லனின் வார்த்தைகளில் ‘வில்லாதி வில்லன்’. தனக்கான கதாபாத்திரத்தின் இயல்புடன் ஒன்றிவிடுகிறார். இளைய தளபதி எனும் பந்தாவெல்லாம் இல்லாமல், நடிப்பால் அனைவரையும் கவர்கிறார்.

கொஞ்சம் வித்தியாசமான திரைக் கதை, பத்து சிறப்பான காட்சிகளே (காயின் ஃபைட், டன்னல் சீன் உட்பட) படத்தை வலுவாக்கிவிடுகிறது. டீசர், டிரெய்லர் வந்த போதெல்லாம், படத்துக்கு ஒரு எதிர் அலை தோன்றியது. தற்போது அது இல்லாமல் இருப்பதே படத்தின் சிறப்பைச் சொல்லிவிடுகிறது.

வசனங்கள் ஆங்காங்கே நச். ‘உனக்குத் தேவையானது போக ,அதிகம் சாப்பிடும் ஒரு இட்லி, அடுத்தவருடையது’

சண்டைக் காட்சிகள் என வலிந்து திணிக்காமல், கதைக்குத் தேவையான இடத்தில் பொருந்திப் போவதால் ரசிக்க முடிகிறது. அனிருத்தின் பின்னணி இசை, படத்துக்குப் பலம்.

எந்தக் கவலையும் இல்லாமல் ரிலையன்ஸ் ஃபிரெஷ்ஷில் மட்டுமே காய்கறிகள் விளைகின்றன எனும் மனப்போக்கில் இருக்கும் நகரத்து மக்களுக்கு, சின்னதொரு சலனத்தையாவது ஏற்படுத்தும் படம். படத்தில் கதை-திரைக்கதை மட்டுமே பிரம்மாண்டம்.

கோலா, விஜய் டிவி டிஆர்பி ரேட்டிங், 2ஜி ஊழல் எனப் பல சென்சிடிவ் விசயங்களைத் தைரியமாகப் பேசியிருக்கிறார் இயக்குநர்.

கிராமத்து விவசாய மக்கள் போராட்டக் காட்சிகள் படத்துக்கு எமோசனல் மதிப்பைக் கூட்டுகின்றன. நண்பராக வரும் சதீஷ் அடக்கி வாசித்திருக்கிறார்.

சமந்தா வரும் காட்சிகளும், காதல், பாடல் காட்சிகளும் படத்துக்குத் தேவையே இல்லை. தாராளமாகக் கத்திரி போட்டிருந்தால் ‘கத்தி’ இன்னும் படு ஷார்ப்பாக வந்திருக்கும்.
கத்தி திரைப்படம் - சில காட்சிகள்
முருகதாஸ்+விஜய்+அனிருத் கூட்டணி கலக்கியிருக்கிறது.

மொத்தத்தில் ’இரட்டை வேட விஜய் படம் ஓடாது, ஒரே இயக்குநரிடம் விஜய் நடிக்கும் இரண்டாவது படம் ஓடாது’ போன்ற மூட நம்பிக்கைகளைக் கிழித்தெறிகிறது இந்தக் ‘கத்தி’.

கத்தி - திரை விமர்சனம் 2



கத்தி படம் முதல் நாள் வசூலில் எந்திரனை பின்னுக்கு தள்ளியதாக ஒரு புள்ளி விவரத்தை வெளியிட்டுள்ளனர்.


கத்தி தமிழகத்தில் சுமாராக 455 திரையரங்குகளில் ஓடிக் கொண்டிருக்கிறது. முதல் நாளில் இப்படம் 12.5 முதல் 13 கோடிவரை வசூலித்ததாக கூறப்படுகிறது. நான்கு வருடங்களுக்கு முன் எந்திரன் 600 திரையரங்குகளில் வெளியானது. அதன் முதல் நாள் வசூல் 11 கோடிகள்.

எந்திரனுடன் ஒப்பிடுகையில் ஒன்றரை முதல் இரண்டு கோடிவரை கத்தியின் முதல்நாள் வசூல் அதிகம் என்கிறார்கள். ஆனால் வெளிநாட்டு வசூலில் எந்திரனுக்கு அடுத்த இடத்திலேயே கத்தி உள்ளது.

மேலும் கேரளாவில் முதல் நாளில் 1.75 கோடியும், கர்நாடகாவில் 2.2 கோடியும் கத்தி வசூலித்துள்ளது. இதில் கர்நாடகாவில் ஒரு தமிழ்ப் படம் இவ்வளவு அதிகம் வசூலித்தது இதுவே முதல்முறை.

எந்திரனை முந்தியதா கத்தி? - விறுவிறு பாக்ஸ் ஆபிஸ்



இலட்சிய நடிகர் எஸ்.எஸ்.ராஜேந்திரன் மறைவுக்கு கவிஞர் வைரமுத்து இரங்கல் தெரிவித்துள்ளார். இது குறித்து அவர் வெளியிட்டுள்ள இரங்கல் செய்தியில் கூறியிருப்பதாவது:

"இலட்சிய நடிகரின் மறைவு திரையுலகத்துக்கும் மட்டுமல்ல; திராவிட இயக்கத்திற்கும் ஒரு பேரிழப்பு. மூத்த தலைமுறையின் கடைசிப் பெரும் நடிகர் சிவகங்கைச் சீமையில் மருதுபாண்டியர்கள் தூக்கிலேற்றப்பட்ட பிறகு மூன்றாவதாகத் தூக்கு மேடையேறும் முத்தழகு பாத்திரத்தில் தூக்கு மேடையில் நின்றுகொண்டு, ”மன்னர் இருவரை மரணம் அழைத்தது; இன்னும் ஒருவன் இருக்கிறேன் இங்கே” என்று வெண்கலக் குரலெடுத்து முழங்குவார் எஸ்.எஸ்.ஆர்.

திரையுலகில் மூவேந்தர்களாகத் திகழ்ந்தவர்கள் எம்.ஜி.ஆர். - சிவாஜி - எஸ்.எஸ்.ஆர். அந்த மன்னர் இருவரையும் மரணம் முன்னமே அழைத்துக்கொண்டு விட்டது. இன்னும் ஒருவன் இருக்கிறேன் என்றவரை இன்று அழைத்துக்கொண்டது.

பகுத்தறிவுத் தத்துவத்திற்கு உட்பட்டுத்தான் பாத்திரங்களை ஏற்றுக்கொள்வேன் என்று இறுதிவரை உறுதியாக இருந்ததால்தான் அண்ணா இவரை ’இலட்சிய நடிகர்’ என்று உச்சிமேல் உவந்து மெச்சினார். திராவிட இயக்கத்தை வளர்த்த கலைஞர்களுள் எஸ்.எஸ்.ஆருக்குப் பெரும் பங்கு இருக்கிறது. அண்ணாவின் பொன்விழாவில் 50 பொற்காசுகளால் அண்ணாவுக்குப் பொன்னாபிஷேகம் செய்தவர். ’பூம்புகார்’ அவருக்கு வரலாறு தந்தது. ’சாரதா’ குணச்சித்திர நடிகர் என்ற கிரீடம் கொடுத்தது. ’கை கொடுத்த தெய்வம்’ சிவாஜிக்கு ஈடு கொடுக்கும் நடிகர் என்ற பீடு கொடுத்தது. என்னைவிட வசனத்தை அழகாக உச்சரிப்பவர் என்று சிவாஜியால் புகழப் பெற்றவர் எஸ்.எஸ்.ஆர். நடிகர் - இயக்குநர் - தயாரிப்பாளர் - வசனகர்த்தா - பாடலாசிரியர் - பாடகர் - வில்லிசைக் கலைஞர் என்ற பன்முகப் பரிமாணம் மிக்கவர்.

சில மாதங்களுக்கு முன்பு மருத்துவமனையில் அவர் பேசிய பழைய வசனங்களையெல்லாம் நான் உச்சரித்துக் காட்டியபோது, படுக்கையில கிடந்தவர் எழுந்து உட்கார்ந்துவிட்டார். “படுப்பவர்களையே எழவைக்கும் வசனம் உங்களுடையது“ என்றேன். வாய்விட்டுச் சிரித்தார். அந்தச் சிரிப்பு இன்று காற்றில்.

திரையுலக நடிகர்களுக்கு உடல் மரணம்தான் உண்டு; உருவ மரணம் இல்லை. மரணத்திற்குப் பிறகும் அவர்கள் நம்மோடு வாழ்கிறார்கள். உடல் அழியலாம். அவர்களின் பிம்பம் - அசைவு - குரல் மூன்றும் அழிவதில்லை. இலட்சிய நடிகரின் புகழ் நீண்ட காலம் நிலைத்திருக்கும். அவரை இழந்து வாடும் குடும்பத்தார்க்கும் அத்தனை உறவுகளுக்கும் என் ஆழ்ந்த இரங்கலைத் தெரிவித்துக் கொள்கிறேன்.

இவ்வாறு வைரமுத்து தெரிவித்துள்ளார்.

பகுத்தறிவுக்கு உட்பட்டு நடித்த எஸ்.எஸ்.ஆர். - வைரமுத்து இரங்கல்




 
PLEASE CLICK THE ABOVE IMAGE TO WATCH THIS NEWS HAPPY WATCHING

Shakthi 23-10-14 Sun Tv Serial Episode 99





 
PLEASE CLICK THE ABOVE IMAGE TO WATCH THIS EPISODE HAPPY WATCHING

Azhagi Sun Tv Serial 24-10-14 - Episode 763



 
PLEASE CLICK THE ABOVE IMAGE TO WATCH THIS EPISODE HAPPY WATCHING
24-10-2014 – Vaani Rani Serial Sun TV Show watch online free | 24.10.2014 Vaani Rani Serial

Today latest Episode – 483

Vani Rani Serial 24-10-14,Vani Rani Serial 24.10.14,Vani Rani Serial 24/10/2014,Vani Rani Serial 24th October 2014,Vani Rani Serial 24.10.2014 Tamil Serial Online,Watch Vani Rani Serial 24-10-14 Online,Vani Rani Serial 24-10-2014 Tamil Serial Online

Vaani Rani 24-10-14 Sun Tv Serial Episode 483





It's all in a day's work at the office. Watch your favorite office gang do their thing in this superhit tv serial office Watch Online At www.techsatish.net Fiction, Office, Life, Work, Romance, Comedy, Stress, Comedy, Tragedy, Stress, Happiness, Romance, Peace. – Office Serial Vijay TV Show watch Online Free Office Serial 24-10-14,Office Serial 24.10.14,Office Serial 24/10/2014,Office Serial 24th October 2014,Office Serial 2410.2014 Tamil Serial Online,Watch Office Serial 24-10-14 Online,Office Serial 24-10-2014 Tamil Serial Online,Office Serial 24-10-14 Vijay Tv Serial Online,Office Serial Vijay Tv Serial 24.10.2014,Vijay Tv Serial Office Serial 24 October 2014,watch Office Serial 24.10.14

Office Vijay Tv Serial 24-10-14







Moondru Mudichu 24-10-14 Polimer Tv Serial Episode 721


 
PLEASE CLICK THE ABOVE IMAGE TO WATCH THIS NEWS HAPPY WATCHING

Gowravam 24-10-14 Raj Tv Serial Episode - 219










A Mega talent hunt for the Best Voice of Tamil Nadu under 14 years of age. A musical roller-coaster ride that is taking Tamil television by storm. Super Singer is Tamil Nadu’s biggest musical talent search. Join these talented singers as they fight it out for the title. kids, reality, music, singing, voice, contest, talent hunt They're tiny tots with big ambitions and bigger voices. Their powerhouse performances belie their age and size. Super Singer Junior, the search for Tamil Nadu's favorite voice is back in a brand new season that's bigger and better than ever! #SSJ4 airs weeknights at 9. Super Singer Junior 4. Vijay Tv Show Super Singer Junior 4. Online Super Singer Junior 4. Tamil Tv Show Super Singer Junior 4. Free Watch at Super Singer Junior 4. Full Entertainment Show Super Singer Junior 4. Super Singer Junior 4 Start . Watch Live Show Super Singer Junior 4. Tv Show Super Singer Junior 4. Techsatish.net At Super Singer Junior 4. Super Singer Junior 4 2014. Vijay Tv Super Singer Junior 4. Watch Live Show Super Singer Junior 4. Tv Show Super Singer Junior 4. Techsatish.net At Super Singer Junior 4. Super Singer Junior 4 2014. Vijay Tv Super Singer Junior singer,

Super Singer Junior 4 Vijay Tv 24-10-2014






Nenjam Pesuthe 24-10-14 Polimer Tv Serial Episode 298




 
PLEASE CLICK THE ABOVE IMAGE TO WATCH THIS NEWS HAPPY WATCHING

Vamsam 24-10-2014 - Sun Tv Serial Episode 399



PLEASE CLICK THE ABOVE IMAGE TO WATCH THIS EPISODE HAPPY WATCHING

Nilave Malare 24-10-14 Raj Tv Serial Episode - 384






 
PLEASE CLICK THE ABOVE IMAGE TO WATCH THIS EPISODE HAPPY WATCHING

Thendral Sun Tv Serial 24-10-14 - Episode 1270


 
PLEASE CLICK THE ABOVE IMAGE TO WATCH THIS NEWS HAPPY WATCHING

Sun Tv Evening News 24-10-14




PLEASE CLICK THE ABOVE IMAGE TO WATCH THIS EPISODE HAPPY WATCHING

Veteran Tamil Actor SSR Passed away


இந்துக்களுக்கு மஞ்சள் நிறம் புனிதமான நிறம் என்பதால் அந்தத் திருமணப் பரிசும் மஞ்சள் நிறத்தில் தரப்பட்டது என்று விளக்குகிறார்கள், தமிழர் திருமணங்களில் ஆரம்பத்தில் தாலி இருந்ததாக, இலக்கியங்களில் குறிப்பிடப்படவில்லை.

சங்க காலத்தின்போது நடந்த திருமணங்களில் புதுமணல் பரப்பி, விளக்கு ஏற்றி, வயதில் மூத்தபெண்கள், மணப்பெண்ணை நீராட்டி வாழ்த்தி
அவள் விரும்பியவனுடன் அவளை ஒப்படைத்தனர்.நாளடைவில் “”தாலம்” என்ற பெயர்தான் தாலியாகமாறியிருக்கிறது.பதினோராம்நூற்றாண்டில்தான் திருமணச் சின்னம்என்ற ரீதியில் தாலி என்ற பெயர் உபயோகப்படுத்தப்
பட்டது என்கிறது உலகத் தமிழ் ஆராய்ச்சி நிறுவனம்வெளியிட்டிருக்கும் “”தமிழர் திருமணம்” என்கிற புத்தகம்.மாங்கல்யச் சரடானது ஒன்பது இழைகளைக் கொண்டது.ஒவ்வொரு இழைகளும் ஒவ்வொரு நற்குணங்களைக் குறிக்கிறது.

1.தெய்வீகக் குணம்,

2.தூய்மைக் குணம்,

3.மேன்மை,தொண்டு,

4.தன்னடக்கம்,

5.ஆற்றல்,

6.விவேகம்,

7.உண்மை,

8.உள்ளதை உள்ளபடி புரிந்து கொள்ளுதல்.

9.மேன்மை

இத்தனைக் குணங்களும் ஒரு பெண்ணிடம் இருக்க வேண்டும் என்பதற்காகத்தான் ஒன்பது இழைகள் கொண்ட திருமாங்கல்யச்சரடு அணியப்படுகிறது.

பெண்கள் அணியும் தாலியின் மகிமை – ஒன்பது இழைத் தத்துவம்


குழந்தை பிறக்கும்பொழுது அதன் உடலில்300 எலும்புகள் இருக்கும். ஆனால் வளர்ந்துபெரியவனானதும் மொத்தம் 206 எலும்புகளே இருக்கும்.

நமது உடல் எடையில் 14% எலும்புகளால் ஆனது.

நமது உடலில் உறுதியான எலும்பு தொடை எலும்பு, அது கான்கீரிட்டை விட வலிமையானது.

நமது உடல் எடையில் 7% இரத்தம் ஆகும். தினத்தோறும் 450 கேலன் இரத்தம் சிறுநீரகத்தால் சுத்தப்படுத்தப்படுகிறது.

பெண்களுக்கு சராசரியாக 4.5 லிட்டர் இரத்தம்,ஆண்களுக்கு சராசரியாக 5.6 லிட்டர் இரத்தம் இருக்கும். நமது உடலில் உள்ள இரத்த சிவப்பணுக்களின் ஆயுட்காலம் 120 நாட்கள், அதுபோல் ஒவ்வொறு நொடியில் சுமார் இரண்டு மில்லியன் இரத்த சிவப்பணுக்கள் நமது உடலில் இறக்கின்றன.

நமது உடலில் உள்ள இரத்த குழாய்களின் நீளம் சுமார் 600,000 மைல்கள். அதாவது இந்ததொலைவில் நாம் இரண்டு முறை உலகத்தை சுற்றி வந்துவிடலாம்.

நமது கண்களின் எடை சராசரியாக 28 கிராம்.

நமது கண்களுக்கு 500 விதமான ஒளிகளை பிரித்தெரியும் சக்தியுண்டு.

நமது கண்களில் உள்ள கருவிழி மட்டும் தான் இரத்த நாளம் இல்லாத உயிருள்ள திசு.

முதல் 8 வாரம் வரை குழந்தைகளின் கண்களில் கண்ணீர் வராது.

மனித இதயம் சராசரியான ஒரு வருடத்திற்கு 35 மில்லியன் முறை துடிக்கிறது.

ஒரு சராசரி வாழ்வில் இதயமானது 2.5 பில்லியன் முறை துடித்து1 மில்லியன் பேரல் இரத்தத்தை இரத்த குழாயில் செலுத்துகிறது.

இதயத்தில் உள்ள இரத்த அழுத்தமானது, இரத்தத்தை 30 அடிவரை பீய்ச்சி அடிக்கும் சக்தி கொண்டது.

மனித மூளையில் சுமார் 100,000,000,000 (100 பில்லியன்) நரம்பு செல்கள் உள்ளன.

ஒரு மனிதன் 35 வயது அடைந்தது முதல் மூளையில் தினமும் 7000 நரம்பு செல்கள் இறக்கின்றன.

நாம் சுவாசிக்கும் மொத்த ஆக்ஸிஜனில் 20% மூளைக்கு செல்கிறது.

நமது மூளை 80% நீரால் ஆனது.

நமது மூளையின் செயல்திறன் பகலைவிட இரவில் அதிகமாக இருக்கும்.

நமது உடலில் வேகமாக வளரக்கூடிய திசு முடி தான்.

மனித தலையில் சராசரியாக 100,000 தலைமுடிகள் இருக்கும்.

பெண்கள் கருத்தரிக்கும் பொழுது, கர்ப்பப்பையானது, அதன் சாதாரண நிலையை விட 500 முறை விரிவடைகிறது.

மனித உடலில் உள்ள கல்லீரானது 500 விதமான வேலைகளை செய்கிறது.

மனிதன் உயிரிழந்த பின்பு உறுப்புகள் செயல் இழக்கும் நேரம், கண்கள்31 நிமிடங்கள்

நம் உடலைப் பற்றிய நாம் தெரிந்து கொள்ளவேண்டிய விசையங்கள் !!!