Actor Vishal Thanks Tamil Nadu Chief Minister J.Jayalalitha for Helping Paravai Muniyamma






Tamilan Tv Morning News 02-08-15


Andal Azhagar - 3rd to 7th August 2015 Promo




Rettai Vaal Kuruvi | 3rd to 7th August 2015 | Promo


Uravugal Thodarkathai - 3rd to 7th August 2015 | Promo








Mahabharatham Sun Tv Serial 02-07-15 Episode 126


En Kanavan En Thozhan - 3rd to 7th August 2015 Promo


Nandhavanam - 3rd To 7th August 2015 Promo



Mega 10 Movies Raj Tv Show


Biography - Vikram Prabhu | Idhu Enna Maayam Movie Review






 

PLEASE CLICK THE ABOVE IMAGE TO WATCH THIS NEWS HAPPY WATCHING

Aalaya Vazhipaadu 02-08-15 Sun Tv Show



Athanaikum Asaipadu 02-07-15 Vijay Tv Show Episode 179




Oor Pakkam : Tamil Nadu District News in Brief (02/08/2015) - Thanthi TV



 

PLEASE CLICK THE ABOVE IMAGE TO WATCH THIS EPISODE HAPPY WATCHING

Tamil Raasi Palangal 02-08-2015




PLEASE CLICK THE ABOVE IMAGE TO WATCH THIS EPISODE HAPPY WATCHING

Sun Tv Chinna Papa Periya Papas - Episode - 37 01/08/2015


Indraya Raasipalan (02/08/2015) By Astrologer Sivalpuri Singaram - Thanthi TV


Kelvikkenna Bathil : Exclusive Interview With Thol. Thirumavalavan (01/08/2015) - Thanthi TV




Ayutha Ezhuthu : Are Teachers' Indefinite Strike Being Politicized...? (01/08/2015) - Thanthi TV


Thanthi TV Special Documentaries - "Kadaisi Sottu" (01/08/2015) - Thanthi TV



Raj Tv Athma Sangamam 02-08-15



ஒடிசாவில் கடிக்க வந்த முதலையை ஒரு பெண் சமையல் பாத்திரத்தால் அடித்து விரட்டியடித்துள்ளார்.

ஒடிசா மாநிலம் கேந்திரபரா மாவட்டத்தி்ல் உள்ள சிங்கிரி கிராமத்தைச் சேர்ந்த சப்திரி சமால் என்பவர் நேற்று வீட்டின் அருகே உள்ள சிற்றோடையில் பாத்திரங்களை கழுவிக் கொண்டிருந்தார். அப்போது சிற்றோடையிலிருந்து முதலை ஒன்று சப்திரி சமாலை திடீரென தாக்கியது. பின் அவரை தண்ணீருக்குள் இழுத்து சென்றது.

இந்த நிலையில் சமால் தன் கையில் வைத்திருந்த பாத்திரத்தை முதலையின் நெற்றி மற்றும் கண்களில் தாக்கினார். இந்த திடீர் தாக்குதலில் நிலை குலைந்த முதலை அவரை விட்டுச் சென்றது. இச்சம்பவம் குறித்து அவர் கூறுகையில், தண்ணீருக்குளிருந்து பாய்ந்து வந்த முதலை என்னை தண்ணீருக்குள் அடியில் இழுத்துச் சென்றது. அப்போது என் கையில் இருந்த பாத்திரத்தால், அதனை தாக்கினேன். இதையடுத்து அந்த முதலை என்னை விட்டுச் சென்றது என்றார்.

தாக்கிய முதலையை சமையல் பாத்திரத்தால் அடித்து விரட்டிய துணிச்சல் பெண்



நடிகர் வினு சக்ரவர்த்தியின் உடல்நிலையில் முன்னேற்றம் ஏற்பட்டுள்ளது. அவரை நடிகரும் தேமுதிக தலைவருமான விஜயகாந்த் மருத்துவமனையில் சந்தித்து நலம் விசாரித்தார்.

நடிகர் வினு சக்ரவர்த்தி உயர் ரத்த அழுத்தம், சர்க்கரை நோய் காரணமாக நினைவிழந்த நிலையில் சென்னை வடபழனியில் உள்ள தனியார் மருத்துவமனையில் அனுமதிக்கப்பட்டார். மருத்துவர்கள் அவருக்கு தீவிர சிகிச்சை அளித்தனர். தற்போது அவரது உடல்நிலை தேறி வருகிறது.

இந்நிலையில் விஜயகாந்த் வினு சக்ரவர்த்தியை மருத்துவமனையில் சென்று சந்தித்து நலம் விசாரித்தார். வினு சக்ரவர்த்தி உடல்நிலை தேறி விரைவில் படப்பிடிப்புகளில் கலந்து கொள்வார் என அப்போது அவர் நம்பிக்கை தெரிவித்தார்.

வினு சக்ரவர்த்தியின் உடல்நிலையில் முன்னேற்றம் - விஜயகாந்த் நேரில் சந்தித்து ஆருதல்



யாகூப் மேமனுக்கு கருணை காட்ட சொன்ன அனைவரும் தேச விரோதிகள். அவர்கள் மீது மத்திய அரசு கட்டாயம் நடவடிக்கை எடுத்தே ஆக வேண்டும் என சிவசேனா கோரிக்கை விடுத்துள்ளது.

இது குறித்து, சிவசேனா கட்சியின் அதிகாரபூர்வ பத்திரிகையான ‘சாம்னா’வின் தலையங்கத்தில் கூறப்பட்டுள்ளதாவது:-

யாகூப் மேமனுக்கு கருணை காட்டுமாறு சுமார் 50 பேர் மட்டுமே கடிதம் எழுதியுள்ளனர். மும்பை தொடர் குண்டுவெடிப்பு சம்பவத்தில் இவர்கள் குடும்பத்தினர் யாரும் இழக்கவில்லை. அதனால் தான், யாகூப் மேமனின் கருணைக்காக போராடினார்கள்.

ஆனால், அவர்களுடைய கோரிக்கையை ஜனாதிபதியும், சுப்ரீம் கோர்ட்டும் காது கொடுத்து கேட்கவில்லை. மாறாக, புறம் தள்ளிவிட்டது. ஆனால், பெருவாரியான நாட்டு மக்களின் உணர்வுகளை கருத்தில் கொண்டு செயல்பட்டுள்ளது. இது வரவேற்கத்தக்கது.

தாவூத் இப்ராகிமும், டைகர் மேமனும் பாகிஸ்தானில் உள்ளனர். யாகூப் மேமனும் பாகிஸ்தானுக்கு தப்பியோடியவர் தான். பின்பு, இந்தியாவுக்கு திரும்பியுள்ளார். இதில் அவருக்கு ஏன் கருணை காட்ட வேண்டும்?

யாகூப் மேமனுக்கு கருணை காட்ட சொன்ன அனைவரும் தேச விரோதிகள். அவர்கள் மீது மத்திய அரசு கட்டாயம் நடவடிக்கை எடுத்தே ஆக வேண்டும்.

யாகூப் மேமனுக்கு தூக்கு தண்டனை நிறைவேற்றப்பட்டு விட்டது. அவரை ‘அப்பாவி’ என்றோ, அல்லது ‘தியாகி’ என்றோ யாரும் அறிவிக்க கூடாது. இதை உறுதிபடுத்த அரசு உடனே நடவடிக்கை எடுக்க வேண்டும் என தெரிவித்துள்ளது.

யாகூப் மேமனுக்கு கருணை காட்ட சொன்ன அனைவரும் தேச விரோதிகள்: சிவசேனா கடும் தாக்கு



காந்தியவாதி சசி பெருமாள் மரணம் குறித்து நேர்மையான விசாரணை நடத்திக் கோரி, மதிமுக உள்ளிட்ட பல்வேறு அரசியல் கட்சிகள் குமரி மாவட்டத்தில் இன்று (ஆகஸ்ட்1ஆம் தேதி) முழு அடைப்புப் போராட்டம் நடத்த உள்ளதாக மதிமுக பொதுச் செயலாளர் வைகோ தெரிவித்துள்ளார்.

காந்தியவாதி சசி பெருமாள் மரணம் குறித்து தகவல் அறிந்த மதிமுக பொதுச் செயலாளர் வைகோ நேரில் சென்று அஞ்சலி செலுத்தினார். மேலும், காந்தியவாதி சசி பெருமாள் மரணம் குறித்து, மதிமுக பொதுச் செயலாளர் வைகோ வெளியிட்டுள்ள அறிக்கையில் கூறியுள்ளதாவது:-

தமிழக மக்களை மது அரக்கனின் கோரப் பிடியிலிருந்து மீட்பதற்காக காந்தியவாதி சசிபெருமாள் உயிரையே பணயம் வைத்து கடந்த சில ஆண்டுகளாக தன்னை அர்ப்பணித்து இடைவிடாத உண்ணாவிரதம் போன்ற அறப்போராட்டங்களை நடத்தி வந்தார்.

கன்னியாகுமரி மாவட்டத்தில் மார்த்தாண்டத்துக்கு அருகில் உள்ள உண்ணாமலைக்கடை எனும் ஊரில் தேவாலயங்களுக்கும், பாடசாலைகளுக்கும் அருகில் இருந்த டாஸ்மாக் மதுக்கடையை அகற்ற வேண்டும் என்று கடந்த ஒன்றரை ஆண்டு காலமாக பொதுமக்கள் போராடி வந்தார்கள்.

அந்த டாஸ்மாக் மதுக்கடையை அகற்றக் கோரி சில நாட்களுக்கு முன்பு காந்தியவாதி சசி பெருமாள் உண்ணாவிரதப் போராட்டம் நடத்தினார். அப்பொழுது தமிழக அரசு அதிகாரிகள் ஒரு வார காலத்துக்குள் டாஸ்மாக் கடையை அந்த இடத்திலிருந்து அகற்றி விடுவோம் என்று உறுதி அளித்தனர். ஆனால், அந்த வாக்குறுதியை அரசு நிறைவேற்றவில்லை.

இந்த நிலையில், நேற்றைய தினம் மாமனிதர் அப்துல்கலாம் அவர்களின் நல்லடக்க நிகழ்ச்சிக்கு சசிபெருமாள் வந்திருந்தார். அங்கிருந்து இரவே குமரி மாவட்டத்துக்கு வந்த சசி பெருமாள், அதிகாலையிலேயே உண்ணாமலைக்கடை ஊருக்கு அருகில் 150 அடி உயரத்துக்கும் அதிகமாக உள்ள அலைபேசி கோபுரத்தின் உச்சிக்கே சென்றுவிட்டார்.

டாஸ்மாக் கடையை அகற்றாவிடில், என் கையில் உள்ள தீப்பந்தத்தால் என்னை தீ வைத்துக் கொளுத்தி உயிர் விடுவேன் என்று கூறினார். 5 மணி நேரத்துக்கும் மேலாக அதிகாரிகள் வெறும் பேச்சுவார்த்தை நடத்தினார்களே தவிர, அந்த டாஸ்மாக் கடையை அகற்றவில்லை.

வயதில் முதிர்ந்த சசி பெருமாள் அவர்களின் மனதில் எவ்வளவு உறுதியும் வைராக்கியமும் இருந்திருந்தால் கோபுரத்தின் உயரத்துக்குச் சென்றிருக்க முடியும் என்பதை நாமே ஊகித்துக் கொள்ளலாம். இதன் பிறகு காவல்துறையினர் அவரை கோபுரத்தின் உச்சியில் இருந்து அவரை கயிற்றால் கட்டி வலுக்கட்டாயமாக கீழே கொண்டுவந்துள்ளனர். கீழே வந்தவுடன் அவர் இறந்துவிட்டார் என்று காவல்துறை அறிவித்துள்ளது.

செய்தியைக் கேள்விப்பட்ட நான், நெல்லையிலிருந்து நாகர்கோவிலுக்கு விரைந்தேன். குழித்துறை மருத்துவமனைக்கு சசிபெருமாள் கொண்டுசெல்லப்பட்டார் என்று அறிந்து மருத்துவமனைக்கு எதிரே திரண்ட பொதுமக்களை காவல்துறையினர் அடித்து விரட்டினர்.

சசி பெருமாளின் சடலம் ஆசாரிபள்ளம் அரசு மருத்துவமனைக்குக் கொண்டு செல்லப்பட்டது என்று அறிந்து அங்கு சென்றேன். சசிபெருமாள் உடலைப் பார்த்தபோது கடுமையான அதிர்ச்சிக்கு ஆளானேன். அவர் கழுத்து, மார்பு, வயிறு முழுவதும் இரத்தத்தால் நிறைந்து உடைகள் நனைந்திருந்தன. மூக்கு வழியாகவும் இரத்தம் வந்துள்ளது. அப்படியானால் சசிபெருமாள் எப்படி உயிர் நீத்தார்?

மனிதாபிமானம் இன்றி அவரை கயிற்றால் கட்டி வலுக்கட்டாயமாக அலைபேசி கோபுரத்திலிருந்து அகற்ற முற்பட்டதில் பலத்த இரத்தக் காயம் ஏற்பட்டு, இருதயம், நுரையீரல், கல்லீரல் பகுதிகளில் அடிபட்டு அவர் இறந்திருக்க வேண்டும். அப்படியானால் சசிபெருமாள் மரணம் இயற்கை மரணம் அல்ல, உண்மையைக் கண்டறிய இந்தச் சம்பவம் குறித்து பதவியில் தற்போதுள்ள உயர் நீதிமன்ற நீதிபதியைக் கொண்டு நீதி விசாரணை நடத்த வேண்டும்.

அரசு மருத்துவக் கல்லூரி மருத்துவமனையைச் சேர்ந்த நேர்மை தவறாத மருத்துவர்களைக் கொண்டு ஒரு மாஜிஸ்ட்ரேட் முன்னிலையில் வீடியோ காணொளி கண்காணிப்பில் அவரது உடல் பிரேத பரிசோதனை செய்யப்பட வேண்டும்.

காந்தியவாதி சசிபெருமாள் மரணம் குறித்து நேர்மையான விசாரணை நடத்திக் கோரி, குமரி மாவட்டத்தில் மதிமுக உள்ளிட்ட பல்வேறு அரசியல் கட்சிகள் குமரி மாவட்டத்தில் இன்று (ஆகஸ்ட்1ஆம் தேதி) முழு அடைப்புப் போராட்டம் நடத்த முடிவு செய்துள்ளோம்.

வீரத் தியாகியின் குறிக்கோளை நிறைவேற்ற தமிழ்நாட்டில் தாய்மார்களும், மதுப்பழக்கத்துக்கு ஆளாகாத இளைஞர்களும், குடிப்பழக்கம் எனும் நரகத்தில் விழாத 95 சதவிகித மாணவர்களும் மதுக்கடைகளை ஒழிக்க சபதம் ஏற்க வேண்டும். தமிழகத்தில் அனைத்து மதுக்கடைகளையும் உடனடியாக தமிழக அரசு மூட வேண்டும்; முழு மதுவிலக்கை அமுல்படுத்த வேண்டும்.

உத்தமத் தியாகி சசி பெருமாளை இழந்து துயரத்தில் துடிக்கும் அவரது குடும்பத்தினருக்கும், உற்றார் உறவினருக்கும் மறுமலர்ச்சி திராவிட முன்னேற்றக் கழகத்தின் சார்பில் கண்ணீர் அஞ்சலியை தெரிவிக்கிறேன் என தெரிவித்துள்ளார்.

சசி பெருமாள் மரணம்: நேர்மையான விசாரணை கோரி குமரியில் சர்வகட்சிகள் இன்று கடையடைப்பு போராட்டம்



தமிழகத்தின் 3 மாவட்டங்களில் ஐஎஸ்ஐஎஸ் தீவிரவாத இயக்கம் வேரூன்றி விட்டதாக பாஜக மூத்த உறுப்பினர் சுப்பிரமணியசாமி கூறியுள்ளார்.

இது குறித்து தனது ட்விட்டரில் பக்கத்தில், இறுதியாக ஐஎஸ்ஐஎஸ் செயல்பாடுகளை நமது அரசு கவனத்தில் கொள்ள ஆரம்பித்துள்ளது. ஐஎஸ்ஐஎஸ் தீவிரவாத இயக்கத்தை துவக்க நிலையிலேயே கிள்ளி எறியவேண்டுமானால், ஜம்மு காஷ்மீர் மற்றும் தமிழகத்தில் குடியரசுத் தலைவர் ஆட்சியை அமல்படுத்த வேண்டியது அவசியம். இதனை அமெரிக்கா, இஸ்ரேலுடன் இணைந்து செயல்படுத்த வேண்டும் என்று சுப்பிரமணியசாமி தனது டிவிட் ஒன்றில் தெரிவித்துள்ளார். மேலும் இந்த இயக்கமானது தமிழகத்தில் 3 மாவட்டங்களில் வேரூன்றிவிட்டதாகவும் கூறியுள்ளார்.

தமிழகத்தின் 3 மாவட்டங்களில் ஐஎஸ்ஐஎஸ் இயக்கம் வேரூன்றிவிட்டது - சுப்பிரமணிசாமி



யாருக்கு எது விதிக்கப்படவில்லையோ, அதுதான் அவர்களின் ஆசையாக, விருப்பமாக இருக்கும். ரன்பீர் கபூரின் ஆசையை கேட்டால் நீங்களும் ஆம் என்பீர்கள்.

அறிமுகமானதிலிருந்து ஹீரோவாக நடித்து வருகிறார் ரன்பீர். அவரை ஹீரோவாக வைத்து படம் செய்ய இன்றைய தேதியில் சுமார் 25 தயாரிப்பாளர்களாவது இருப்பார்கள். அவரும் நிற்க நேரமில்லாமல் நடித்துக் கொண்டிருக்கிறார். ரன்பீரின் ஆசை என்ன தெரியுமா?

வில்லனாக நடிக்க வேண்டும்.

அறிமுகமான புதிதிலேயே இந்த ஆசையை அவர் வெளியிட்டார். இப்போதும் வில்லன் வேடம்தான் அவரது ஆதர்ஷமாக உள்ளது. ஆனால், சாதாரண வில்லனில்லை. பணத்தில் புரளும் அமர்க்களமான வில்லன். கடைசியில் வில்லன் சாக வேண்டும். தனது கனவு வேடத்துக்கு ப்ளூபிரிண்ட் போட்டுத் தந்தும் யாரும் ரன்பீருக்கு செவி சாய்க்காமல் இருக்கிறார்கள்.

ம்... நாயகனுக்கு வில்லன் ஆசை, வில்லன்களுக்கு நாயகன் ஆசை.

ரன்பீர் கபூர் நடிக்க விரும்பும் வேடம் எது தெரியுமா?



பெட்ரோல் லிட்டருக்கு 2 ரூபாய் 52 காசுகளும், டீசல் விலை லிட்டருக்கு 3 ரூபாய் 78 காசுகளும் குறைக்கப்பட்டுள்ளது.

இந்தியாவில் பெட்ரோல், டீசல் விலை 15 நாட்களுக்கு ஒரு முறை எண்ணெய் நிறுவனங்கள் மாற்றி அமைத்து வருகின்றன.

அதன்படி, சென்னையில் ஒரு லிட்டர் பெட்ரோல் விலை ரூ.67.29 ல் இருந்து ரூ.64.77 ஆகவும், ஒரு லிட்டர் டீசல் விலை ரூ.51.08 ல் இருந்து ரூ.47.30 ஆகவும் குறைக்கப்பட்டது.

டெல்லியில் பெட்ரோல் விலை லிட்டருக்கு 2 ரூபாய் 43 காசுகளும், டீசல் விலை லிட்டருக்கு 3 ரூபாய் 60 காசுகளும் குறைக்கப்பட்டது. இந்த விலை குறைப்பு நேற்று நள்ளிரவு முதல் அமலுக்கு வந்தது.

இந்நிலையில், மானியம் இல்லாத கியாஸ் சிலிண்டர் விலையும் குறைக்கப்பட்டது. அதன்படி, 14.2 கிலோ கொண்ட சிலிண்டருக்கு டெல்லியில் ரூ.23.50 குறைக்கப்பட்டது. அதன்படி, மானியம் இல்லாத கியாஸ் சிலிண்டர் ரூ.608.50 ல் இருந்து ரூ.585 ஆக குறைக்கப்பட்டது.

ஆனால், மானியத்துடன் கூடிய சிலிண்டர் விலையில் மாற்றம் இல்லை என்று தெரிவிக்கப்பட்டுள்ளது என்பது குறிப்பிடத்தக்கது.

பெட்ரோல், டீசல் விலை குறைப்பு



பாகிஸ்தான் - இலங்கை அணிகளுக்கு இடையேயான முதல் டி-20 போட்டியில் பாகிஸ்தான் அணி 29 ரன்கள் வித்தியாசத்தில் இலங்கையை தோற்கடித்தது.

கடந்த ஜூன் மாதம் இலங்கைக்கு சுற்றுப்பயணம் செய்த பாகிஸ்தான் அணி 3 டெஸ்ட் போட்டிகள், 5 ஒருநாள் போட்டிகள் இரண்டு டி-20 போட்டிகள் கொண்ட தொடரில் விளையாடி வருகிறது. இதில் டெஸ்ட் தொடரை 2-1 என்ற கணக்கிலும், ஒருநாள் தொடரை 3-2 என்ற கனக்கிலும் பாகிஸ்தான் வென்றுள்ளது.

இந்நிலையில், முதல் டி-20 போட்டி நேற்று கொழும்பு பிரமதேசா மைதானத்தில் நடைபெற்றது. இதில் டாஸ் வென்ற பாகிஸ்தான் அணி முதலில் பேட்டிங் செய்தது. 20 ஓவர்கள் முடிவில் பாகிஸ்தான் அணி 5 விக்கெட் இழப்பிற்கு 175 ரன்கள் எடுத்தது.

அந்த அணியில் அதிகப்பட்சமாக அஹ்மது ஷேஷாத், சோயப் மாலிக், உமர் அக்மல் ஆகிய மூவரும் தலா 46 ரன்கள் எடுத்தனர். இலங்கை அணி தரப்பில் திசாரா பெரேரா 2 விக்கெட்டுகளையும், ஃபெர்னாண்டோ, மேத்யூஸ், மலிங்கா ஆகியோர் தலா ஒரு விக்கெட்டுகளை வீழ்த்தினார்.

பின்னர் களமிறங்கிய இலங்கை அணியின் தொடக்க வீரர்களை பாகிஸ்தான் பந்துவீச்சாளர்கள் வெளியேற்றினர். குசல் பெரேரா (4), தில்ஷன் (6), விதனேஜ் (1) என அடுத்தடுத்து வெளியேறினர். பின்னர் வந்த தனஞ்செயா (31), மேத்யூஸ் (23), ஸ்ரீவர்தனா (35), சமர கபுகேதரா (31) என அணியின் வெற்றிக்குப் போராடினாலும் அந்த அணியால் தோல்வியை தவிர்க்க முடியவில்லை.

இறுதியாக இலங்கை அணி 20 ஓவர்கள் முடிவில் 7 விக்கெட் இழப்பிற்கு 146 ரன்கள் மட்டுமே எடுக்க முடிந்தது. இதனால், அந்த அணி 29 ரன்கள் வித்தியாசத்தில் தோல்வியை சந்திக்க வேண்டியது. பாகிஸ்தான் தரப்பில் சொஹைல் தன்வீர் 3 விக்கெட்டுகளையும், அன்வர் அலி 2 விக்கெட்டுகளையும் கைப்பற்றினர்.

ஆட்டநாயகன் விருது 3 விக்கெட்டுகளை கைப்பற்றிய ஷோகைல் தன்வீருக்கு வழங்கப்பட்டது. 2 போட்டிகள் கொண்ட தொடரில் பாகிஸ்தான் 1-0 என்ற கணக்கில் முன்னிலை வகிக்கிறது.

தொடர்ந்து பாகிஸ்தானிடம் மண்டியிடும் இலங்கை; முதல் டி-20 இல் பாகிஸ்தான் வெற்றி



சென்னை மாநகரம் மற்றும் தமிழகம் முழுக்க குடிநீர் பிரச்சினையைத் தீர்க்காவிட்டால், அதிமுக அரசை எதிர்த்து, மாநிலம் தழுவிய சிறை நிரப்பும் போராட்டத்தை திமுக நடத்தும் என்று திமுக பொருளாளர் மு.க.ஸ்டாலின் எச்சரிக்கை விடுத்துள்ளார்.

சென்னை உள்பட மாநிலம் முழுவதும் மக்களின் குடிநீர் பிரச்சினையைத் தீர்த்து வைக்கவில்லை என்று கூறி, அதிமுக. அரசை கண்டித்து கொளத்தூர் சட்டமன்றத் தொகுதியில் திமுக பொருளாளர் மு.க.ஸ்டாலின் தலைமையில் ஆர்பாட்டம் நடைபெற்றது.

இந்த போராட்டத்தின் போது, திமுக பொருளாளர் மு.க.ஸ்டாலின் கலந்து கொண்டு பேசியதாவது:-

மனித குலத்தின் அடிப்படை தேவைகளில் ஒன்று தண்ணீர். ஆனால் அந்த தண்ணீரை முறைப்படி விநியோகிக்காமல் அதிமுக அரசு மக்களை வாட்டி வதைக்கிறது. இன்று நகர்ப்புறங்களில் மட்டுமின்றி, கிராமங்களிலும் குடிநீர் பிரச்சினை தலைவிரித்தாடுகிறது.

ஆறுகள், குளங்கள், ஏரிகள், கிணறுகள் என்று 5,70,000த்திற்கும் மேற்பட்ட நீர் ஆதாரங்கள் தமிழகத்தில் உள்ளன என்றாலும், மக்களின் அடிப்படை தேவையான தண்ணீரை வழங்கும் இந்த நீர் ஆதாரங்களை பாதுகாக்கவோ அல்லது மேம்படுத்தவோ அதிமுக அரசு முயற்சி எதுவும் எடுக்கவில்லை. அதற்கு பதிலாக, அதிமுக ஆட்சியில் நீர் ஆதாரங்களும், நிலத்தடி நீரும் குறைந்து கொண்டே வருகின்றன.

சமீபத்தில் வெளிவந்துள்ள தகவலின்படி சென்னை பெருநகர குடிநீர் வடிகால் வாரியம் 1220 கோடி ரூபாய் கடனில் மூழ்கியிருக்கிறது. இந்த வாரியத்திற்கு அதிக நிதி ஒதுக்க அதிமுக அரசு மறுத்து வருகிறது. இதன் மூலம் பொது மக்களின் நலனைப் புறக்கணித்து, அவர்கள் படும் துயரத்தை அதிமுக அரசு புரிந்து கொள்ள மறுக்கிறது. ஆனால் குடிநீரை விலைக்கு விற்பதில் மட்டும் அதிமுக அரசு அக்கறை காட்டுகிறது.

இரண்டாவது வருடமாக மழை பெய்யும் அளவு குறைந்து விட்டது என்றாலும் குடிநீர் பிரச்சினையை சமாளிக்க அரசு முழு வீச்சில் நடவடிக்கைகளை மேற்கொண்டிருக்கிறது என்று ஜூன் 2014ல் முன்னாள் முதலமைச்சர் ஓ. பன்னீர் செல்வம் அறிவித்திருந்தாலும், இன்றைக்கு எங்கும் மக்கள் குடிநீருக்காக காலிக் குடங்களுடன் அலைகின்றனர்.

சென்னைக்கு குடிநீர் ஆதாரமாக விளங்கும் சோழாவரம் ஏரி ஏற்கனவே வற்றி விட்டது. பூண்டி ஏரி இன்னும் சில தினங்களில் வற்றிவிடப் போகிறது. 2003-ல் அதிமுக அரசு இருந்த போதுதான் சென்னையில் இப்படியொரு கடும்குடிநீர் பற்றாக்குறை ஏற்பட்டது. அதே நிலைமை இப்போது மீண்டும் அதிமுக ஆட்சியில் "ரிப்பீட்" ஆகியிருக்கிறது. ஆனாலும், இன்னமும் இந்த கடும் குடிநீர் பற்றாக்குறையை எப்படி சமாளிப்பது என்பது தெரியாமல் அதிமுக அரசு திணறிக் கொண்டிருக்கிறது.

தற்போது நிலவும் கடும் குடிநீர் பற்றாக்குறை ஒவ்வொருவரையும் மோசமாக பாதிக்கிறது. ஒவ்வொரு குடும்பத்திற்கும் சோதனையாக அமைந்திருக்கிறது. குடிநீர் இல்லாமல் உயிர்வாழ முடியும் என்று கற்பனையில் கூட நாம் யோசித்துப் பார்க்க முடியாது.

விஸ்வரூபம் எடுத்துக் கொண்டிருக்கும் கடும் குடிநீர் பிரச்சினையைத் தீர்க்க அதிமுக அரசு விழித்துக் கொள்ள வேண்டிய நேரம் வந்து விட்டது. இனியும் அமைதி காத்து நடவடிக்கை எடுக்கத் தவறினால், செயலற்ற அதிமுக அரசை எதிர்த்து மாநிலம் தழுவிய சிறை நிரப்பும் போராட்டத்தை திமுக நடத்தும் என்று தெரிவித்துக் கொள்கிறேன் என்றார்.

குடிநீர் பிரச்சனையை தீர்க்காவிட்டால், தமிழகம் முழுக்க சிறை நிரப்பும் போராட்டம்: மு.க.ஸ்டாலின் எச்சரிக்கை



விஷ்ணுவர்தன் இயக்கத்தில் ஆர்யா, கிருஷ்ணா, தீபா சன்னிதி, சுவாதி நடித்துள்ள யட்சன் திரைப்படம் தணிக்கையில் யு சான்றிதழ் பெற்றுள்ளது.

யுடிவியும், விஷ்ணுவர்தனும் இணைந்து யட்சன் படத்தை தயாரித்துள்ளனர். இரண்டு இளம் நடிகர்கள் இருந்தும் படத்தில் புகைபிடிக்ககும், மது அருந்தும் காட்சிகள் கிடையாது. அதனால், வழக்கமாக படங்களில் இடம்பெறும் மது, புகை எச்சரிக்கை வாசகம் யட்சனில் இடம்பெறாது என்று யுடிவி தனஞ்செயன் கூறியிருந்தார்.

இந்நிலையில் படம் தணிக்கைக்குழுவுக்கு திரையிட்டு காண்பிக்கப்பட்டது. படத்தைப் பார்த்தவர்கள் அனைவரும் பார்க்கத் தகுந்த யு சான்றிதழ் அளித்துள்ளனர்.

யட்சன் இந்த மாத இறுதியில் திரைக்கு வரும் என எதிர்பார்க்கப்படுகிறது.

யட்சன் படத்துக்கு யு சான்றிதழ்



கல்வி அமைப்புகள் அரசு நிர்வாகம், நீதி அமைப்பு ஆகியவற்றை ஆர்எஸ்எஸ் அமைப்பினர் பலவீனப்படுத்துகின்றனர் என்று காங்கிரஸ் துணைத் தலைவர் ராகுல் காந்தி கூறியுள்ளார்.

மகாராஷ்டிரா மாநிலம், புனேயில் உள்ள இந்திய திரைப்பட, டெலிவிஷன் இன்ஸ்டிடியூட் தலைவர் பொறுப்பில் இருந்து டி.வி. நடிகர் கஜிந்தர் சவுகானை பதவி நீக்கம் செய்ய வலியுறுத்தி மாணவர்கள் நடத்திவரும் போராட்டத்தில் ராகுல் காந்தி கலந்துகொண்டார்.

அப்போது பேசிய ராகுல் காந்தி, "ஆர்எஸ்எஸ் அமைப்பினரும், அதன் திட்டங்களை வகுக்கும் இடத்திலுள்ள சிந்தனையாளர்களும் கல்வி நிறுவனங்களின் அந்தஸ்தை சீர்குலைக்கும் பணியில் ஈடுபட்டு வருகின்றனர்.

கல்வி அமைப்புகள் மட்டுமல்லாது, அரசு நிர்வாகம், நீதி அமைப்பு ஆகியவற்றையும் பலவீனப்படுத்துகின்றனர்.

ஆர்எஸ்எஸ் அமைப்பினர் தங்களது கொள்கைகளை வளர்க்க முனைகின்றனர். ஆனால், அதை நீங்கள் விமர்சித்தால் உங்களை தேசவிரோதிகள் என்றும் இந்து விரோதிகள் என்று அழைப்பார்கள்" என்று ராகுல் காந்தி கூறினார்.

ஆர்எஸ்எஸ் அமைப்பினர் அரசு நிர்வாகத்தையும் நீதி அமைப்பையும் பலவீனப்படுத்துகின்றனர்: ராகுல் காந்தி



விக்ரம், சமந்தா, பசுபதி நடிப்பில் விஜய் மில்டன் இயக்கிவரும் படம், 10 எண்றதுக்குள்ள. இந்தப் படத்தில், தான் சம்பந்தப்பட்ட காட்சிகளின் டப்பிங் முடிந்துவிட்டதாக சமந்தா தனது ட்விட்டர் பக்கத்தில் குறிப்பிட்டுள்ளார்.

இதோ, இரண்டே மாதம் என்று சொல்லித்தான், 10 எண்றதுக்குள்ள படத்தை தொடங்கினர். ஆனால், எதிர்பாராத பிரச்சனைகளால் படப்பிடிப்பு தடைபட்டது. படத்தின் இறுதிகட்ட படப்பிடிப்பை இந்த மாதம் 16 -ஆம் தேதி தொடங்குகின்றனர்.

இந்த தாமதம் காரணமாக திட்டமிட்டபடி அக்டோபர் மாதம் படம் வெளியாகுமா என்ற கேள்வி இருந்தது. படப்பிடிப்பு தாமதமானாலும், போஸ்ட் புரொடக்ஷன் பணிகள் நடந்து வருகின்றன. அதனை சமந்தாவின் ட்வீட்டும் உறுதிப்படுத்தியுள்ளது. அக்டோபர் மாதம் படம் வெளியாகும் எனவும் தனது ட்வீட்டில் சமந்தா குறிப்பிட்டுள்ளார்.

விக்ரம் படத்தின் டப்பிங்கை முடித்த சமந்தா



ஜெயலலிதா விடுதலை செய்யப்பட்டதைப் போற்றி, அரசு செலவில் ஆவணப்படத்தை தயாரித்து வெளியிட்டு மகிழ்வதை ஏற்க முடியாது என்று பாமக நிறுவனர் ராமதாஸ் கூறியுள்ளார்.

இது குறித்து ராமதாஸ் வெளியிட்டுள்ள அறிக்கையில் கூறியிருப்பதாவது:–

வருவாய்க்கு மீறிய வகையில் ரூ.66.65 கோடி சொத்துக் குவித்த வழக்கிலிருந்து ஜெயலலிதா விடுதலை செய்யப்பட்டதை எதிர்த்து கர்நாடக அரசு தாக்கல் செய்துள்ள மேல் முறையீட்டு மனுவை உச்ச நீதிமன்றம் விசாரணைக்கு ஏற்றுக் கொண்டிருக்கிறது.

அதேநேரத்தில் சொத்துக் குவிப்பு வழக்கில் இருந்து ஜெயலலிதா விடுதலை செய்யப்பட்டதை போற்றும் வகையில் "தர்மம் வெல்லும்" என்ற தலைப்பில் ஆவணப்படம் தயாரிக்கப்பட்டு அனைத்து திரையரங்குகளிலும் திரையிடப்பட்டு வருகிறது.

ஜெயலலிதா மீதான சொத்துக் குவிப்பு வழக்கு அரசியல் பழிவாங்கலுக்காகத் தொடரப்பட்ட பொய் வழக்கு என்றும், அந்த வழக்கிலிருந்து ஜெயலலிதா விடுதலை செய்யப்பட்டதன் மூலம் நீதி வெற்றி பெற்றிருக்கிறது என்றும் அந்த ஆவணப்படத்தில் தெரிவிக்கப்பட்டிருக்கிறது.

சொத்துக் குவிப்பு வழக்கில் ஜெயலலிதா எப்படி விடுதலை செய்யப்பட்டார்? இவ்வழக்கில் கர்நாடக உயர் நீதிமன்ற சிறப்பு நீதிபதி குமாரசாமி அளித்த தீர்ப்பு எவ்வளவு தரமானது என்பதை அனைவரும் அறிவார்கள்.

உச்ச நீதிமன்றத்தில் நடைபெற்று வரும் மேல்முறையீட்டு மனு மீதான விசாரணையின் முடிவில் நீதி கிடைக்கும் என்று எதிர்பார்க்கப்படுகிறது. இத்தகைய சூழலில் தம்மைத் தாமே போற்றிக் கொள்ளும் வகையில், அரசு செலவில் ஆவணப்படத்தை ஜெயலலிதா தயாரித்து வெளியிட்டு மகிழ்வதை ஏற்க முடியாது; இது கடுமையாக கண்டிக்கத்தக்கது.

ஒரு வகையில் பார்த்தால் இந்த ஆவணப்படம் தமிழக அரசுக்கு எதிரானது ஆகும். ஜெயலலிதா மீது சொத்துக்குவிப்பு வழக்கைத் தொடர்ந்தது தமிழக அரசின் கையூட்டு ஒழிப்புத் துறைதான்.

ஜெயலலிதா மீது வழக்குத் தொடர்ந்ததை விமர்சிப்பது அரசின் செயல்பாட்டை குறை கூறுவதாகும். ஜெயலலிதாவை போற்ற வேண்டும் என்பதற்காக அரசு செலவில் அரசை விமர்சிப்பது சரியானதல்ல.

சொத்துக் குவிப்பு வழக்கிலிருந்து ஜெயலலிதா விடுவிக்கப்பட்டது சரியா? தவறா? என்ற வாதத்தை ஒதுக்கி வைத்து விட்டு பார்த்தால் கூட, ஜெயலலிதாவைப் பற்றி இப்படி ஒரு ஆவணப்படம் அரசு செலவில் வெளியிடப்படுவதை நியாயப்படுத்த முடியாது.

ஏனெனில், ஜெயலலிதா மீது சொத்துக் குவிப்பு வழக்குத் தொடரப்பட்டதும், அதிலிருந்து விடுவிக்கப்பட்டதும் அரசு நிர்வாகத்துடன் எவ்வகையிலும் தொடர்பில்லாதவை. சொத்துக் குவிப்பு வழக்கு என்பது ஜெயலலிதா என்ற தனி மனிதர் மீது தொடரப்பட்டதாகும்.

அவ்வழக்கில் ஜெயலலிதாவுக்கு தண்டனை வழங்கப்பட்டதும், பின்னர் அவ்வழக்கிலிருந்து அவர் விடுவிக்கப்பட்டதும் அவரது தனிப்பட்ட விஷயங்கள்.

தமிழ்நாட்டில் விழிப்புணர்வை ஏற்படுத்த வேண்டிய விஷயங்கள் ஏராளமாக இருக்கும் போது அவற்றை விட்டு விட்டு, ஜெயலலிதாவின் புகழ் பாடும் ஆவணப்படத்தை வெளியிடுவது தமிழ்நாட்டு மக்களுக்கு இழைக்கப்படும் பெரும் துரோகமாகும்.

எனவே, தர்மம் வெல்லும் என்ற தலைப்பிலான ஆவணப்படம் திரையரங்குகளில் திரையிடப்படுவதை உடனடியாக நிறுத்த வேண்டும். அத்திரைப்படத்தை தயாரிக்கவும், இதுவரை திரையிடவும் ஆன செலவுகளை ஜெயலலிதாவிடமிருந்து வசூலிக்க மாநில ஆளுனர் நடவடிக்கை எடுக்க வேண்டும். இவ்வாறு அந்த அறிக்கையில் ராமதாஸ் கூறியுள்ளார்.

ஜெயலலிதா விடுதலை செய்யப்பட்டதைப் போற்றி அரசு செலவில் ஆவணப்படமா?: ராமதாஸ் கண்டனம்



காவல் துறையினரோ, அரசினரோ விரைவில் சசி பெருமாளோடு பேச்சுவார்த்தை நடத்தி, டாஸ்மாக் கடையை மூடுவதற்கு விரைவில் ஒப்புதல் அளித்திருந்தால், அவரது உடல் நலம் பாதிக்கப்பட்டிருக்காது என்று திமுக தலைவர் கருணாநிதி கூறியுள்ளார்.

சசி பெருமாள் "செல்போன் டவரில்" உயர ஏறி போராட்டம் நடத்துவதற்கு காவல் துறையினரும், அரசினரும் எப்படி அனுமதித்தார்கள், அவர் நீண்ட நேரம் உச்சியிலே நிற்கும்வரை எவ்வாறு பார்த்துக் கொண்டிருந்தார்கள் என்பதெல்லாம் வேதனையாக இருக்கிறது.

காவல் துறையினரோ, அரசினரோ விரைவில் அவரோடு பேச்சுவார்த்தை நடத்தி, டாஸ்மாக் கடையை மூடுவதற்கு விரைவில் ஒப்புதல் அளித்திருந்தால், அவரது உடல் நலம் பாதிக்கப்பட்டிருக்காது.

"துன்பம் எப்போதும் துணையோடு வரும்" என்பார்களே, அதைப் போல காந்தியவாதியான இந்தியாவின் முன்னாள் குடியரசுத் தலைவர் அப்துல் கலாம் மறைந்த துயருடன் நாம் இருக்கும்போதே மற்றொரு காந்தியவாதியான சசி பெருமாள் மறைந்தது மிகுந்த துயரத்தை அளிக்கின்றது.

அவரை இழந்து வாடும் அவருடைய குடும்பத்தினருக்கும், தேசிய மக்கள் கூட்டமைப்பைச் சேர்ந்தவர் களுக்கும், நண்பர்களுக்கும் திமுக சார்பில் எனது ஆழ்ந்த இரங்கலைத் தெரிவித்துக் கொள்கிறேன்.

சசி பெருமாள் உயிரை காப்பாற்ற காவல்துறையினரும், அரசினரும் தவறிவிட்டனர்: கருணாநிதி குற்றச்சாட்டு



தூக்கிலிடப்பட்ட யாகூப் மேமனின் மனைவிக்கு மாநிலங்களவை உறுப்பினர் பதவி வழங்க வேண்டும் என்று கோரிய சமாஜ்வாதி கட்சியின் தலைவர் எம்.எப்.கோஸி, கட்சியில் இருந்தே நீக்கப்பட்டுள்ளார்.

சமாஜ்வாதி கட்சியின் தலைமைக்கு இது குறித்து கோரிக்கைக் கடிதம் எழுதியதைத் தொடர்ந்து அவர் கட்சியில் இருந்து நீக்கப்படுவதாக கட்சியின் செய்தித் தொடர்பாளர் தெரிவித்துள்ளார்.

யாகூப் மேமனின் மனைவிக்கு எம்.பி. பதவி வழங்க கோரிய சமாஜ்வாதி தலைவர் கட்சியிலிருந்து நீக்கம்