யார் முதல்வர்? என்பதில் ஏற்படும் போட்டியிலேயே இந்த மக்கள் நல கூட்டணி விரைவில் காணாமல் போய்விடும் என்று கொங்குநாடு மக்கள் தேசியக் கட்சியின் பொதுச் செயலாளர் ஈ.ஆர்.ஈஸ்வரன் கூறியுள்ளார்.

ஈரோடு மாவட்டம் சித்தோடு பகுதியில் கொமதேக மத்திய மண்டல மாநாடு நடந்தது. இந்த மாநாட்டில் கட்சியின் பொதுச்செயலாளர் ஈ.ஆர்.ஈஸ்வரன் கலந்து கொண்டு சிறப்புரையாற்றினார்.

அப்போது ஈ.ஆர்.ஈஸ்வரன் பேசியதாவது:–

இங்கு திரண்டு இருக்கும் மக்கள் கூட்டத்தை பார்க்கும் போதே வரும் சட்டமன்ற தேர்தலில் நமக்குத்தான் வெற்றி என்பது நிரூபனமாகிறது.

ஒவ்வொருவரின் முகத்திலும் வெற்றி பெற்றே ஆகவேண்டும் என்ற லட்சிய குறிக்கோள் தெரிகிறது. இந்த கூட்டத்தைப் பார்க்கும்போது இனியாவது கொங்கு 3 ஆக.... 4 ஆக.. இருக்கிறது என்று யாராலும் கூற முடியுமா?

தேர்தலையொட்டி இப்போது மக்கள் நல கூட்டணி ஒன்று புதிதாக முளைத்துள்ளது. தேர்தல் வரும் வரையாவது இவர்கள் ஒற்றுமையாக இருப்பார்களா? யார் முதல்வர்? என்பதில் ஏற்படும் போட்டியிலேயே இந்த மக்கள் நல கூட்டணி விரைவில் காணாமல் போய்விடும்.

விவசாய நிலங்களில் கெயில் நிறுவனம் சார்பில் எரிவாயு பதிக்கப்பட போவதாக இங்கே பேசினார்கள். நான் இந்த மாநாடு மூலமாக ஒன்றை திட்டமிட்டு கூறிக்கொள்கிறேன்.

ஈரோடு மாவட்டத்தில் எந்த ஒரு விவசாய நிலங்களின் வழியாகவும் எரிவாயு குழாயை பதிக்க விடமாட்டோம்.

கொமதேக எந்த கட்சியுடன் கூட்டணி அமைக்க போகிறது? என்பதை அறிய அனைத்து கட்சியினரும் ஆர்வமாக உள்ளனர்.

இப்போது எங்களுடன் அனைத்து கட்சிகளும் கூட்டணி தொடர்பாக பேசி கொண்டு இருக்கிறார்கள். எங்களை பொறுத்தவரை எங்கள் கட்சியின் மக்கள் நலன் காக்கும் கோரிக்கைகளை யார் ஏற்று கொள்கிறார்களோ, அவர்களுக்குத்தான் ஆதரவளிப்போம். அவர்களுடன்தான் கூட்டணி அமைப்போம்.

ஒன்று மட்டும் நிச்சயம். எங்களுடன் எந்த கட்சி கூட்டணி அமைக்கிறதோ, அந்த கட்சிதான் தமிழ்நாட்டில் வரும் தேர்தலில் ஆட்சி அமைப்பார்கள். இவ்வாறு ஈ.ஆர்.ஈஸ்வரன் பேனார்.

மக்கள் நல கூட்டணி விரைவில் காணாமல் போய்விடும்: ஈ.ஆர்.ஈஸ்வரன் பேச்சு



இயக்குனர் மணிரத்னம் இயக்கத்தில் நடிகை சாய்பல்லவி நடிக்க உள்ளதாக தகவல் வெளிவந்துள்ளது.

ஏற்கனவே, மணிரத்னம் நடிகர் கார்த்தி மற்றும் நானியை வைத்து இயக்குவதாக இருந்த படம் கைவிடப்பட்டது.

அதன் பின் கார்த்தி, துல்கர் சல்மான், கீர்த்தி சுரேஷ் போன்ற நடிகர்களை வைத்து அவர் படம் இயக்கப் போவதாக தகவல் வெளியானது. கடந்த டிசம்பர் மாதமே அதற்கான படப்பிடிப்பு தொடங்கும் என்று எதிர்பார்க்கப்பட்ட நிலையில், துல்கர் சல்மான் மற்றும் நடிகை கீர்த்தி சுரேஷ் ஆகியோர் கால்ஷீட் விஷயங்களில் சொதப்பியதால் அந்த படமும் கைவிடப்பட்டது.

அதன் பின் கீர்த்தி சுரேஷுக்கு பதிலாக வெறொரு கதாநாயகியை மணிரத்னம் தேடிக் கொண்டிருப்பதாக சில மாதங்களுக்கு முன்பு செய்திகள் வெளியாகியது.

இந்நிலையில், புதிய செய்தியாக, பிரேமம் எனும் மலையாளப்படத்தில் மலர் டீச்சராக நடித்து தமிழ் மற்றும் மலையாள இளசுகளின் மனதை கொள்ளையடித்த நடிகை சாய் பல்லவி மணிரத்னம் படத்தில் நடிக்க இருப்பதாக தகவல் வெளியாகியுள்ளது.

தமிழில் நல்ல கதையில் நடிக்க வேண்டும் என்று எண்ணிக் கொண்டிருந்த அவர், இயக்குனர் மணிரத்னம் அழைத்ததும் ஓகே சொல்லிவிட்டாராம். வருகிற ஜீன் மாதம் படப்பிடிப்பு தொடங்கப்படும் எனவும், விரைவில் அந்த படத்தைப் பற்றிய அறிவிப்பு வெளிவரும் என தெரிகிறது.

மணிரத்னம் படத்தில் மலர் டீச்சர்?



ஒரு சினிமா படப்பிடிப்பில், அந்த படத்தின் கதாநாயகி நீச்சள் குளத்தில் மூழ்கியதால் பரபரப்பு ஏற்பட்டது.

சிலந்தி என்ற படத்தை இயக்கிய ஆதிராம் தற்போது அதர்வணம் என்ற புதிய படத்தை இயக்கி வருகிறார். இந்த ரணதந்த்ரா என்ற பெயரில் கன்னடத்திலும் வெளிவர உள்ளது.

கன்னடத் திரையுலகின் சூப்பர் ஸ்டாராக விளங்கிய டாக்டர் ராஜ்குமாரின் மருமகன் விஜயராகவேந்திரா இந்த படத்தின் மூலம் கதாநாயகனக அறிமுகமாகிறார்.

இப்படத்தில் ஹரிப்பிரியா என்பவர் கதாநாயகியாக நடித்து வருகிறார். இவர் ஏற்கனவே தமிழில் கனகவேல் காக்க, வல்லக்கோட்டை, முரண், வாரோயோ வெண்ணிலாவே ஆகிய படங்களில் நடித்துள்ளார்.


இந்த படத்தின் படப்பிடிப்பு சென்னை, பெங்களூர், மைசூர் போன்ற இடங்களில் நடந்து வருகிறது. ஒரு காதல் ஜோடியின் வாழ்க்கையில் ஏற்படும் எதிர்பாராத சம்பவங்கள், அவர்களை எப்படி பிரச்சனையில் சிக்க வைக்கிறது என்பதுதான் கதை.

இந்த படத்தின் படப்பிடிப்பு, சமீபத்தில், பெங்களூரில் ஒரு நீச்சல் குளத்தில் எடுக்கப்பட்டது. ஹரிப்பிரியா அந்த நீச்சல்குளத்தில் நீந்துவது போன்ற காட்சி எடுக்கப்பட்டது. இதற்காக அவர் காலை முதல் மாலை வரை சுமார் 10 மணி நேரம் நீச்சல்குளத்திலேயே இருந்தார்.

படப்பிடிப்பு முடிய இருந்த வேளையில், ஹரிப்பிரியா திடீரென தன்ணீரில் மூழ்கிவிட்டார். இதனால் பதறிய படப்பிடிப்புக் குழுவினர் அவரை காப்பாற்றி கரை சேர்த்துள்ளனர்.

நீண்ட நேரமாக தண்ணீரில் நீந்தியதில் சோர்வு அடைந்ததால், தண்ணீரில் மூழ்கி விட்டேன் என்றும், எனது உழைப்பிற்கான பலன் நிச்சயம் கிடைக்கும் என்று நம்புவதாகவும் நடிகை ஹரிப்பிரியா தெரிவித்தார்.

நீச்சல் குளத்தில் மூழ்கிய நடிகை : படப்பிடிப்பில் பரபரப்பு



அமெரிக்க அதிபரின் அதிகாரபூர்வ இல்லமான வெள்ளை மாளிகையிலும் வை ஃபை இணைப்பு பிரச்சினைகள் உள்ளன என்று அதிபர் ஒபாமா தெரிவித்துள்ளார்.

ஆங்காங்கே வை ஃபை இணைப்பு கிடைக்காமல் இருப்பது 21 ஆம் நூற்றாண்டின் ஒரு பிரச்சினை என தொலைக்காட்சி பேட்டி ஒன்றில் அவர் கூறியுள்ளார்.

வெள்ளை மாளிகையிலேயே பல இடங்களில் இணைப்பு கிடைப்பது மிகவும் கடினமாக உள்ளது என்றும், ஏராளமான பகுதிகளில் சுத்தமாக வை ஃபை வேலை செய்வதில்லை என்றும் அவர் தெரிவித்துள்ளார்.

இந்தப் பிரச்சினையால் தனது மகள்கள் எரிச்சலைந்துள்ளனர் என்றும் அவர் அந்தப் பேட்டியில் கூறினார்.

எனினும் அமெரிக்காவில் தேர்தல் நெருங்கிவரும் சூழலில், வை ஃபை பிரச்சினையை தீர்க்க தன்னால் முடிந்த நடவடிக்கைகளை எடுத்து வருவதாகவும், அடுத்த அதிபர் இதிலிருந்து விடுபட தான் முனைந்து வருவதாகவும் அவர் தெரிவித்துள்ளார்.

வெள்ளை மாளிகையிலும் வை ஃபை பிரச்சினை



ஆன்லைன் மூலமாக பொதுமக்கள் மருந்துகள் வாங்குவது நாளுக்கு நாள் அதிகரித்து வருகிறது. இதனை கட்டுப்படுத்த பொதுமக்கள் ஆன்லைன் மூலமாக மருந்துகள் வாங்குவதை தவிர்க்க வேண்டும் என உணவு மற்றும் மருந்து நிர்வாகம் வேண்டுகோள் விடுத்துள்ளது.

கண்காணிக்கப்படாதா, தரமில்லாதா மருந்து பொருட்கள் ஆன்லைன் மூலமாக விற்கப்படுவதாக எஃப்டிஏ கூறியுள்ளது. ஆன்லைன் மூலமாக விற்கப்படும் மருந்துகளை கண்காணித்து, ஒழுங்குமுறைப்படுத்துவது எப்படி என்ற செயல்முறையை அரசு மேற்கொண்டு வருகிறது, அவர்களால் தற்போது மக்கள் ஆன்லைன் மூலம் மருந்துகளை விற்பனை செய்வதை தடுக்க முயற்சி எடுக்க முடியவில்லை.

மக்கள் ஆன்லைனில் மருந்துகளை வாங்குவதை தவிர்க்க வேண்டும். மீறியும் வாங்கினால் அந்த மருந்துகளுக்கான தரத்திற்கு நாங்கள் உத்தரவாதம் தர முடியாது என எஃப்டிஏ மருந்துகளுக்கான துணை ஆணையர் பிஆர் மசல் கூறியுள்ளார்.

அரசாங்கம் இணையதளம் மூலம் நடைபெறும் மருந்து விற்பனை எனப்படும் இ-ஃபார்மசியை ஒழுங்குபடுத்தவில்லை என வேதியியல் சங்கம் கூறியுள்ளது. இது குறித்த குறிப்பாணையை அகில இந்திய வேதியியல் மற்றும் மருந்துகள் சங்கம் மத்திய மாநில சுகாதார அதிகாரிகளுக்கு அனுப்பியுள்ளது.

மும்பையில் உள்ள 3500 வேதியியலாளர்கள் ஆன்லைன் மருந்து விற்பனைக்கு எதிராக ஒரு நாள் கடையடைப்பு நடத்தினர். ஆன்லைன் மருந்து விற்பனையை கட்டுப்படுத்தி, கண்காணித்து, ஒழுங்குபடுத்த அரசு நடவடிக்கை எடுத்து வருவதால், மக்கள் ஆன்லைன் மருந்துகளை வாங்கவேண்டாம் என உணவு மற்றும் மருந்து நிர்வாகம் எனப்படும் எஃப்டிஏ வேண்டுகோள் விடுத்துள்ளது.

ஆன்லைன் மூலம் மருந்துகள் வாங்காதீர்: உணவு மற்றும் மருந்து நிர்வாகம் எச்சரிக்கை



என்னுடைய நிர்வாண காட்சிகளை உம்மன் சாண்டியின் காங்கிரஸ் கட்சியினர்தான் வாட்ஸ் ஆப்பில் பரப்பினர் என்று சரிதாநாயர் விசாரணை கமிஷனில் கூறியுள்ளார்.
திரைப்பட நடிகை சரிதா நாயர், கோவையில் ஐசிஎம்எஸ் எனும் பெயரில் சூரிய மின்சக்தி உபகரணங்களை விற்பனை செய்து வந்தார். இவரிடம் கோவையை சேர்ந்த தியாகராஜன் மில்ஸ் சேர்மன் தியாகராஜன் ரூ. 28 லட்சம், உதகையை சேர்ந்த ஸ்ரீ அபு பாபாஜி சேரிடபிள் டிரஸ்ட் நிர்வாகிகள் வெங்கட் ரமணன், ஜோயோ ஆகியோர் ரூ. 5.50 லட்சம் ரொக்கப் பணத்தினை சோலார் பேனல் அமைப்பதற்காக கொடுத்தனர்.

ஆனால், சரிதா நாயர் சோலார் பேனல் அமைக்கவோ, பணத்தை திருப்பித் தரவோ இல்லை. இதுகுறித்து கோவை மாவட்ட குற்றப்பிரிவு காவலர்களிடம் புகார் அளிக்கப்பட்டது. இதையடுத்து சரிதா நாயர், கணவர் பிஜூ ராதாகிருஷ்ணன், மேலாளர் ரவி ஆகியோரை காவலர்கள் கைது செய்தனர். இந்த மோசடி வழக்கு, கோவை மாவட்ட நீதிமன்றத்தில் நடந்து வருகிறது.

இந்நிலையில், சோலார் பேனல் மோசடி தொடர்பாக விசாரிக்கும் நீதிபதி சிவராஜன் கமிஷன் முன், நேற்று முன்தினம் 8வது நாளாக வாக்குமூலம் அளித்தார். அப்போது அவர் கூறுகையில், ”எனது சோலார் நிறுவனத்திற்கு கேரளாவில் பல முக்கிய அரசியல் பிரமுகர்கள் உதவி உள்ளனர். அதேபோல் எனது நிறுவனத்தின் வீழ்ச்சிக்கும் சில அரசியல் பிரமுகர்கள் காரணமாக இருந்துள்ளனர்.

எர்ணாகுளம் தொகுதி காங்கிரஸ் கட்சி சட்டமன்ற உறுப்பினரான ஹைபி ஈடனுடன், நான் எனது சோலார் தொழில் சம்பந்தமாக எதுவும் பேசியது இல்லை. அவருடன் மற்ற விஷயங்கள் குறித்துதான் பேசியிருக்கிறேன். அது என்ன விவரம் என்று வெளிப்படையாக கூறமுடியாது.

கேரளாவில் உள்ள காவல் நிலையங்களில் சோலார் பேனல் அமைக்க காவல் சங்கத்தினர் என்னிடம் ரூ.40 லட்சம் கேட்டனர். ஆனால் என்னிடம் பணம் இல்லாததால் ரூ.20 லட்சம் மட்டுமே கொடுக்க முடிந்தது.

கடந்த வருடம் வாட்ஸ் ஆப்பில் என்னுடைய நிர்வாண காட்சிகள் பரவின. இந்த காட்சிகளை பரப்பியது ஆலப்புழாவில் உள்ள சில காங்கிரஸ் தலைவர்கள் தான் என்று எனக்கு நன்றாக தெரியும். வாட்ஸ் ஆப்பில் என் நிர்வாண காட்சிகளை பரப்பியவர்களுக்கு எதிராக நடவடிக்கை எடுக்க கோரி புகார் கொடுத்தேன்.

காவல் துறையினர் நடத்திய விசாரணையில் ஆலப்புழாவில் உள்ள சில காங்கிரஸ் பிரமுகர்களுக்கு இதில் தொடர்பு இருப்பது தெரியவந்தது. இதையடுத்து காங்கிரஸ் தலைவர்கள் தலையிட்டு விசாரணையை முடக்கி விட்டனர்” என்றார்.

’எனது ஆபாச படங்களை உம்மன் சாண்டி கட்சியினர்தான் வாட்ஸ் ஆப்பில் பரப்பினர்’ - சரிதா நாயர்



உத்தர பிரதேசம் இஸ்லாமிய மாநிலமாக மாறி வருகிறது என்று சிவசேனா கூறியுள்ளது.

இது குறித்து சிவசேனாவின் "சாம்னா" இதழில் வெளியான தலையங்கத்தில் கூறியிருப்பதாவது:-

இந்து – முஸ்லிம் ஒற்றுமைக்காவே குலாம் அலி, இசை நிகழ்ச்சிக்கு அழைக்கப்பட்டுள்ளார் என்று "இஸ்லாமிய" யாதவ் அரசு கூறுகிறது.

ஆனால், ஒற்றுமையை மேம்படுத்த எதற்காக பாகிஸ்தான் இசைக் கலைஞர்களை அழைக்க வேண்டும்? நம் நாட்டிலேயே புகழ்பெற்ற பல இசுலாமிய இசைக் கலைஞர்கள் இருக்கிறார்களே?

எதிரிவரும் சட்டப்பேரவை தேர்தலை மனதில் கொண்டு அரசியல் திருப்பங்களை ஏற்படுத்துவதற்காக அகிலேஷ் அரசு முயற்சிக்கிறது. இதன் மூலம் தேச விரோத வியாபாரத்தை அது தொடங்கியுள்ளது.

சிறந்த கலைஞர்களைக் கொண்ட சுரங்கமாக உத்தர பிரதேசம் திகழ்ந்து வருகிறது. ஆனால் பாகிஸ்தானில் உள்ள நிலக்கரியின் மீதுதான் சமாஜ்வாதி கட்சித் தலைவர் முலாயம் சிங் யாதவ் ஆர்வமாக இருக்கிறார்.

பாகிஸ்தானைச் சேர்ந்த தீவிரவாதிகள் நடத்திய பதன்கோட் தாக்குதலை மக்கள் மறக்க வேண்டும் என்று சிலர் நினைக்கின்றனர்.

குலாம் அலி இங்கு வந்து இசை நிகழ்ச்சி நடத்த அனுமதிக்க வேண்டும் என்று கருதுபவர்கள் நாட்டின் துரோகிகள். சிறுபான்மையினரை திருப்தி படுத்துவதற்காக நாளை ஹபீஸ் சயீத் கூட வரவழைக்கப்படலாம்.

பயங்கரவாத தாக்குதலில் உயிர்தியாகம் செய்த ஜவான்களின் குடும்பத்தினர் கடும் துயரத்தில் உள்ள நிலையில், குலாம் அலியின் நிகழ்ச்சிக்கு அனுமதி வழங்கியவர்கள் மீது தேசவிரோத செயல்கள் தடுப்பு சட்டத்தின் கீழ் வழக்கு பதிவு செய்ய வேண்டும்.

உத்தர பிரேதேசத்தில் 71 எம்.பி.க்களை பெற்றுள்ள பாஜக இந்த விவகாரத்தில் அமைதியாக வேடிக்கை பார்த்துக்கொண்டிருக்கிறது.

இந்திய அரசுக்கு ஐஎஸ் அமைப்பு தொல்லை தரும் வேளையில் முலாயம் சிங்கும், அகிலேஷ் யாதவும் உத்தர பிரதேசத்தை இஸ்லாமிய மாநிலமாக மாற்றி வருவகிறார்கள். மேலும், குலாம் நபியை வரவேற்பது எல்லை தாண்டிச் செல்வதாக உள்ளது. என்று கூறப்பட்டுள்ளது.

உத்தர பிரதேச தலைநகர் லக்னோவில் "லக்னோ மஹோற்சவம்" நிறைவு விழைவையொட்டி பாகிஸ்தான் இசைக் கலைஞர் குலாம் அலியின் இசை நிகழ்ச்சி நடைபெற்றது.

மும்பையில்யில் குலாம் அலியின் இசை நிகழ்ச்சி கடந்த ஆண்டு சிவசேனாவால் ரத்து செய்யப்பட்டது.

இதேபோல, போல் லக்னோ நிகழ்ச்சிக்கும் அந்த கட்சி கடும் எதிர்ப்பு தெரிவித்தது என்பது குறிப்பிடத்தக்கது.

உத்தர பிரதேசத்தை இஸ்லாமிய மாநிலமாக மாற்றி வருவகிறார்கள்: சிவசேனா



இந்தியாவின் நட்சத்திர அதிரடி பேட்ஸ்மேன் சுரேஷ் ரெய்னா உத்தர பிரதேச மாநில அரசுக்கு ஓய்வூதியம் கேட்டு விண்ணப்பித்துள்ளார்.

உத்தர பிரதேச அரசு சர்பில் ‘யாஷ் பாரதி’ என்ற மிக உயரிய விருது வழங்கப்பட்டு வருகிறது. இந்த விருது, கலை, இலக்கியம், பாரம்பரிய இசை மற்றும் விளையாட்டு ஆகிய துறைகளில் சிறந்து விளங்குபவர்களுக்கு வழங்கப்படுகிறது.

இந்த விருதை இதுவரை பெற்றுள்ளோருக்கு ஓய்வூதியமாக மாதம் ரூ.50000 வழங்கப்படும் என அம்மாநில அரசு அறிவித்தது. ‘யாஷ் பாரதி, என்ற இந்த விருதை இதுவரை 141 பேர் பெற்றுள்ளனர். இதன்படி அவர்களுக்கு ஓய்வூதியம் வழங்குவதற்கான விண்ணப்பங்களை மாநில அரசு அனுப்பி வைத்தது.

இந்து ஓய்வூதியத்துக்காக இந்திய கிரிக்கெட் வீரர் ரெய்னா மட்டுமில்லாமல், முன்னாள் வீரர் முகமது கைஃப், பிரபல பாடகர் சுபா முக்தல், ராஜன் மிஸ்ரா, ஷாஜன் மிஸ்ரா உள்ளிட்டோரும் விண்ணப்பித்துள்ளனர்.

ஓய்வூதியம் கேட்டு விண்ணப்பித்த சுரேஷ் ரெய்னா!



மும்பையில் நடைபெற்ற தீவிரவாதத் தாக்குதலுக்கு லஷ்கர்-இ-தொய்பா அமைப்பும், பாகிஸ்தானின் உளவுத்துறையுமே காரணம் என்று இந்த வழக்கில் குற்றஞ்சாட்டப்பட்டுள்ள டேவிட் ஹெட்லி அமெரிக்காவிலிருந்து வாக்குமூலம் அளித்துள்ளார்.

லஷ்கர்-இ-தொய்பா அமைப்பைச் சேர்ந்த சாஜித் மீர் என்பவர் மும்பை தீவிரவாதத் தாக்குதல் தொடரபான திட்டத்திற்கு தன்னுடன் உதவியாக இருந்தார் என்று காணொளி மூலம் அமெரிக்காவிலிருந்து டேவிட் ஹெட்லி மும்பை நீதிபதியிடம் சாட்சியம் அளித்தார்.

சாஜித் மீரின் ஆலோசனையின் பேரில், தாவூத் கிலானி எனும் தனது பெயரை டேவிட் ஹெட்லி என்று மாற்றி அந்த பேரில் அமெரிக்க விசாவைப் பெற்றுக்கொண்டதாகவும் அவர் கூறியுள்ளார்.

இந்தியாவுக்குச் சென்று, மும்பையில் ஒரு அலுவலகத்தைத் தொடங்கி, அந்த நகர் குறித்த காணொளி ஒன்றை தயாரிக்குமாறு சாஜித் மீர் தன்னிடம் தெரிவித்தார் எனவும் அந்த சாட்சியத்தில் டேவிட் ஹெட்லி கூறியுள்ளார்.

அதன்படி, இந்தியாவிற்குத் தான் 8 முறை வந்து அதில் 7 முறை மும்பை நகருக்குச் சென்றதாகவும் அவர் தனது வாக்கு மூலத்தில் தெரிவித்துள்ளார்.

இந்தியாவிற்கு வருவதற்கான விசா விண்ணப்பத்தில் போலித் தகவல்களை அளித்ததையும் அவர் அப்போது ஒப்புக்கொண்டார்.

மேலும், லஷ்கர்-இ-தொய்பா தீவிரவாத அமைப்பின் நோக்கம் இந்திய இராணுவத்தை எதிர்த்து போராடுவதும், காஷ்மீர் மக்களுக்கு உதவுவதுமே என்று அவர் தனது சாட்சியத்தில் தெரிவித்துள்ளார்.

அந்த தீவிரவாத அமைப்பில், தான் 2002 ஆம் ஆண்டு உறுப்பினராக சேர்ந்து, பயிற்சிகளைப் பெற்றதாகவும், இதில் ஐஎஸ்ஐ அமைப்புக்கும் நெருங்கிய தொடர்பு இருந்ததாகவும் டேவிட் ஹெட்லி தனது சாட்சியத்தின் தெரிவித்துள்ளார் என்பது குறிப்பிடத்தக்கது.

மும்பைத் தாக்குதலுக்கு யார் காரணம்?: தீவிரவாதியின் ஒப்புதல் வாக்குமூலம்



திமுக-வில் இருந்து நீக்கப்பட்ட அழகிரியை மீண்டும் கட்சியில் சேர்த்தலோ, சந்தித்தாலோ நான் எனது ஆதரவாளர்களுடன் கட்சியை உடைக்க நேரிடும் என திமுக பொருளாளர் ஸ்டாலின் அக்கட்சியின் தலைவர் கருணாநிதியிடம் கூறியதாக தகவல்கள் வெளியாகியுள்ளன.
கட்சியில் இருந்து நீக்கப்பட்ட மு.க.அழகிரியை மீண்டும் கட்சியில் சேர்க்க கடந்த சில நாட்களாக முயற்சிகள் மேற்கொள்ளப்பட்டன. அழகிரி விரைவில் திமுக-வில் சேர்வார் என தகவல்களும் வந்தன. இந்நிலையில் அழகிரியின் பிறந்த நாள் அன்று அவர் கோபாலபுரத்துக்கு சென்றுள்ளார்.

அப்போது அவர் தன்னுடையை தாயை மட்டும் சந்தித்து ஆசி பெற்றுவிட்டு, கருணாநிதியை சந்திக்காமல் வந்துள்ளார். கருணாநிதியை சந்திக்க அவரிடம் இருந்து அழைப்பு வரவில்லை எனவும், இதற்கு காரணம் ஸ்டாலின் தான் காரணம் என கூறப்படுகிறது.

தென் மாவட்டங்களில் கொஞ்சம் கொஞ்சமாக, அழகிரி ஆதரவாளர்களை ஸ்டாலின் தன் பக்கம் சேர்த்து வருகிறார். அழகிரி அப்பப்போது ஸ்டாலினுக்கு எதிராக பேட்டியளித்து இருவருக்கும் இடையேயான விரிசலை பெரிதாக்கி வருகிறார். இந்நிலையில் அழகிரியை மீண்டும் கட்சியில் சேர்க்க முயற்சி மேற்கொள்வது ஸ்டாலினுக்கு பிடிக்கவில்லை. இதனால ஆவேசமடைந்த ஸ்டாலின் கருணாநிதியிடம் காட்டமாக பேசியதாக கூறப்படுகிறது.

கட்சியின் வளர்ச்சிக்கு உயிரைக்கொடுத்து நான் உழைத்து வருகிறேன், ஆனால் அழகிரி கட்சிக்கு எதிராக பல மாதங்களாக செயல்பட்டு வருகிறார். அவரை மீண்டும் கட்சியில் சேர்த்தாலோ, அழகிரியை நீங்கள் சந்தித்தாலோ, நான் என் ஆதரவாளர்களுடன் சேர்ந்து கடுமையான முடிவை எடுக்க நேரிடும் எனவும் இதனால் கட்சி பிளவுபடலாம் என ஸ்டாலின் கருணாநிதியிடம் கூறியதாக சில தகவல்கள் பரவி வருகின்றன. இதன் காரணமாக தான் கோபாலபுரத்துக்கு வந்த அழகிரியை கருணாநிதி சந்திக்கவில்லை என கூறப்படுகிறது.

அழகிரியை சேர்த்தால் திமுகவை உடைப்பேன்: ஸ்டாலின் கருணாநிதியிடம் ஆவேசம்



பிரதமர் நரேந்திர மோடி பாகிஸ்தான் சென்ற போது மும்பை தாக்குதல் குற்றவாளியும் நிலலுலக தாவுமான தாவூத் இப்ராஹிம்மை சந்தித்ததாக உத்தர பிரதேச அமைச்சர் அசாம் கான் சர்ச்சையை கிளப்பியுள்ளார்.

அசாம் கானின் இந்த குற்றச்சாட்டை மத்திய அரசு திட்டவட்டமாக மறுத்துள்ளது. இது ஆதாரமற்ற பொய்யான குற்றச்சாட்டு என கூறியுள்ளது மத்திய அரசு.

கடந்த டிசம்பர் மாதம் பாகிஸ்தான் சென்று நவாஷ் ஷெரிப்பை சந்தித்த பிரதமர் மோடி தாவூத் இப்ராஹிம்மையும் சந்தித்துள்ளார் என அடிக்கடி சர்ச்சையை கிளப்பும் சமாஜ்வாடி கட்சியை சேர்ந்த அமைச்சர் அசாம் கான் கூறியுள்ளார்.

பிரதமர் மோடி நாவாஸ் ஷெரிப்பை சந்தித்தபோது, மும்பை தொடர் குண்டுவெடிப்பு குற்றவாளியும் நவாஸ் ஷெரிப்பின் குடும்பத்துடன் இருந்துள்ளார் என்பதற்கான ஆதாரம் என்னிடம் உள்ளது என கூறிய அசாம் கான், மோடி வேறு யாரையெல்லாம் சந்தித்தார் என்பது மூடி மறைக்கப்பட்டுள்ளது என தெரிவித்தார்.

அசாம் கானின் இந்த கருத்தை மறுத்துள்ள மத்திய அரசு இது அடிப்படை ஆதாரமற்ற ஒரு கருத்து என தெரிவித்துள்ளது. பாஜக மட்டுமல்லாமல் காங்கிரஸ் கட்சியும் அசாம் கானின் இந்த கருத்துக்கு எதிர்ப்பு தெரிவித்துள்ளது.

மோடி தாவூத் சந்திப்பு?: மத்திய அரசு மறுப்பு



கள்ளக்குறிச்சி எஸ்விஎஸ் மருத்துவக் கல்லூரியில் படித்துவந்த 3 மாணவிகள் கடந்த மாதம் 23 ஆம் தேதி கல்லூரி அருகில் உள்ள கிணற்றில் பிணமாக மீட்கப்பட்டனர்.

அந்த மாணவிகள் கல்லூரி நிர்வாகத்தின் சித்ரவதை காரணமாக தற்கொலை செய்துகொண்டிருக்கலாம் என்று கூறப்பட்டது. ஆனால், அந்த மாணவிகளின் மரணத்தில் சந்தேகம் இருப்பதாக பெற்றோர் தரப்பில் சென்னை உயர் நீதிமன்றத்தில் வழக்கு தொடரப்பட்டது.

இந்த வழக்கு விசாரணை நடைபெற்று வந்த நிலையில், மாணவிகள் உயிரிழப்பு தொடர்பான விசாரணை சிபிசிஐடி பிரிவுக்கு மாற்றப்பட்டது.

இதைத் தொடர்ந்து, கல்லூரி தாளாளர் வாசுகி, கல்லூரி நிர்வாகிகள், ஊழியர்கள் மற்றும் மாணவிகளிடம் காவல்துறையினர் தீவிர விசாரணை நடத்தினர். பின்னர் அந்த கல்லூரிக்கு சீல் வைக்கப்பட்டது. மேலும், அந்த கல்லூரியில் படித்த மாணவர்கள் அரசு கல்லூரிகளுக்கு மாற்றப்பட்டனர்.

இந்நிலையில், இந்த வழக்கு உயர் நீதிமன்றத்தில் விசாரணைக்கு வந்தது. அப்போது, மாணவிகளின் பிரேத பரிசோதனை அறிக்கையை சிபிசிஐடி காவல்துறையினர் தாக்கல் செய்தனர்.

அந்த அறிகையில், மாணவிகள் மூவரும் நீரில் மூழ்கியதால் உயிரிழக்க வில்லை என்று தெரிவிக்கப்பட்டுள்ளது.

அந்த பிரேத பரிசோதனை அறிக்கையின் நகல்கள் மனுதாரர்கள் தரப்பிற்கு வழங்கப்பட்டது. அத்துடன், மறு பிரேத பரிசோதனை தேவையா என்பதை மனுதாரர்கள் தரப்பு நாளை நீதிமன்றத்தில் தெரிவிக்கவேண்டும் என்று கூறிய நீதிபதி இந்த வழக்கு விசாரணையை ஒத்திவைத்தார்.

இந்நிலையில், அந்த மாணவிகள் நீரில் மூழ்கியதால் உயிரிழக்கவில்லை என்றும் நீரில் மூழ்க்வதற்கு முன்னரே உயிரிழந்ததாகவும் பிரேத பரிசோதனையில் தெரிய வந்துள்ளதால், அவர்கள் கொலை செய்யப்பட்டிருக்கலாம் என்ற சந்தேகம் எழுந்துள்ளது.

இந்நிலையில், சிபிசிஐடி காவல்துறையினர் இது குறித்து தீவிர விசாரணை நடத்தி வருகின்றனர் என்பது குறிபிபடத்தக்கது. மேலும், இந்த விசாரணையில் பல திடுக்கிடும் தகவல்கள் வெளியாகலாம் என்று எதிர்பார்க்கப்படுகிறது.

நீரில் மூழ்குவதற்கு முன்பே மாணவிகள் உயிரிழந்துள்ளனர்: சிபிசிஐடி பிரேத பரிசோதனை அறிக்கை தாக்கல்



இங்கிலாந்தில் கடந்த 2014 ஆம் ஆண்டு நடைபெற்ற டெஸ்ட் கிரிக்கெட் போட்டியில் இந்திய கேப்டன் தோனி சூதாட்டத்தில் ஈடுபட்டார் என முன்னாள் இந்திய அணியின் மேலாளரும், தற்போதைய டெல்லி கிரிக்கெட் சங்க செயலாளருமான சுனில் தேவ் குற்றம் சாட்டியுள்ளார்.

பத்திரிக்கை ஒன்றுக்கு பேட்டியளித்த சுனில் தேவ் கடந்த 2014 ஆண்டு இங்கிலாந்தில் நடைபெற்ற டெஸ்ட் போட்டியின் போது சூதாட்டத்தில் ஈடுபட்டது 100 சதவீதம் உண்மை என தெரிவித்தார். அந்த போட்டி தொடங்குவதற்கு இரண்டு நாட்களுக்கு முன் மழை பெய்ததால், அந்த பிட்ச் பந்து வீச்சுக்கு சாதகமாக இருந்தது.

டாஸ் வென்றால் பந்து வீச்சை தேர்வு செய்யலாம் என டிரெஸ்சிங் ரூமில் கூறிய தோனி, டாஸ் வென்ற பின்பு பேட்டிங்கை தேர்வு செய்தது சக வீரர்களுக்கே அதிர்ச்சியாக இருந்தது. அந்த போட்டியில் இந்திய அணி இன்னிங்ஸ் மற்றும் 54 ரன்கள் வித்தியாசத்தில் தோல்வியடைந்தது.

அப்போதைய இந்திய கிரிக்கெட் சங்க தலைவர் ஸ்ரீநிவாசனிடம் தான் இது குறித்து கூறியதாகவும், அவர்கள் யாரும் அதை நம்புவதற்கு தயாராக இல்லை எனவும் சுனில் தேவ் பேட்டியின் போது தெரிவித்தார்.

தோனி 100 சதவீதம் சூதாட்டத்தில் ஈடுபட்டது உண்மை என கூறிய சுனில் தேவ் தற்போது அந்த குற்றச்சாட்டை மறுத்துள்ளார் என்பது குறிப்பிடத்தக்கது.

தோனி சூதாட்டத்தில் ஈடுபட்டார்: டெல்லி கிரிக்கெட் சங்க செயலாளர் குற்றச்சாட்டு



Ayutha Ezhuthu : Debate on Opposition to Growth Schemes - (8/2/2016)





Ayutha Ezhuthu Neetchi : Debate on All India Pre-Medical/Dental Test - (8/2/2016)



 
PLEASE CLICK THE ABOVE IMAGE TO WATCH THIS EPISODE HAPPY WATCHING

Azhagi Sun Tv Serial 08-02-16 Episode 1082










 
PLEASE CLICK THE ABOVE IMAGE TO WATCH THIS EPISODE HAPPY WATCHING

Aadhira Sun Tv Serial 08-02-16 Episode 214


* வேப்பிலை ஒரு கைப்பிடி எடுத்து நீரில் வேகவைத்து ஒரு நாள் கழித்து வேக வைத்த நீரைக் கொண்டு தலை கழுவி வந்தால் முடி கொட்டுவது நின்று விடும்.

* கடுக்காய், தான்றிக்காய், நெல்லிக்காய் பொடிகளை கலந்து இரவில் தண்ணீரில் காய்ச்சி ஊறவைத்து காலையில் எலுமிச்சை பழச்சாறு கலந்து கலக்கி தலையில் தேய்த்து குளித்து வர முடி உதிர்வது நிற்கும்.

* வெந்தயம், குன்றிமணி பொடி செய்து தேங்காய் எண்ணெயில் ஊறவைத்து ஒரு வாரத்திற்கு பின் தினமும் தேய்த்து வந்தால் முடி உதிர்வது நிற்கும்.

* வழுக்கையில் முடி வளர கீழாநெல்லி வேரை சுத்தம் செய்து சிறிய துண்டாக நறுக்கி தேங்காய் எண்ணெயில் போட்டு காய்ச்சி தலைக்கு தடவி வந்தால் வழுக்கை மறையும்.

* இளநரை கருப்பாக நெல்லிக்காய் அடிக்கடி உணவில் சேர்த்து வந்தால் இளநரை கருமை நிறத்திற்கு மாறும்.

* முடி கருப்பாக ஆலமரத்தின் இளம்பிஞ்சு வேர், செம்பருத்தி பூ இடித்து தூள் செய்து தேங்காய் எண்ணெயில் காய்ச்சி ஊறவைத்து தலைக்கு தேய்த்து வர முடி கருப்பாகும்.

* காய்ந்த நெல்லிக்காயை பவுடராக்கி தேங்காய் எண்ணெயுடன் கலந்து கொதிக்க வைத்து வடிகட்டி தேய்த்துவர முடி கருமையாகும்.

* செம்பட்டை முடி நிறம் மாற மரிக்கொழுந்து இலையையும் நிலாவரை இலையையும் சம அளவு எடுத்து அரைத்து தலைக்கு தடவினால் செம்பட்டை முடி நிறம் மாறும்.

* முடி வளர்வதற்கு கறிவேப்பிலை அரைத்து தேங்காய் எண்ணெயில் கலந்து காய்ச்சி தலையில் தேய்க்கவும்.

* சொட்டையான இடத்தில் முடி வளர நேர்வாளங்கொட்டையை உடைத்து பருப்பை எடுத்து நீர் விட்டு மைய அரைத்து சொட்டை உள்ள இடத்தில் தடவிவர முடிவளரும்.

* ழுவெட்டு மறைய நவச்சாரத்தை தேனில் கலந்து தடவினால் திட்டாக முடிகொட்டுதலும் புழுவெட்டும் மறையும்.

கூந்தல் தொடர்பான பிரச்சனைகளுக்கு தீர்வு தரும் சித்த மருத்துவம்


இந்த பெண் செய்த பாவம் தான் என்ன? நீங்களே பாருங்கள்


Erai - Award Winning Tamil Short Film


 
PLEASE CLICK THE ABOVE IMAGE TO WATCH THIS EPISODE HAPPY WATCHING

Azhagiya Laila 08-02-16 Raj Tv Serial Episode 185


Illayathalapathy Vijay Theri Teaser Smashes All Records | Atlee, Amy Jackson










 
PLEASE CLICK THE ABOVE IMAGE TO WATCH THIS EPISODE HAPPY WATCHING

Vaani Rani 08-02-16 Sun Tv Serial Episode 870






Moondru Mudichu 08-02-16 Polimer Tv Serial Episode 1061


Lakshmi Menon Interview: Only for Ajith's Vedhalam i did ! | Miruthan | Jayam Ravi


Eli Tamil Comedy Scenes


தேவையான பொருட்கள் :

வாழைப்பூ – 1

தேங்காய் துருவல் – 3 தேக்கரண்டி

சீரகம் – 1 தேக்கரண்டி

பச்சை மிளகாய் – 1

தயிர் – 100 மி.லி.

உப்பு – தேவைக்கு

செய்முறை:

* வாழைப்பூவை சிறிதாக நறுக்கி, சிறிது நீர் தெளித்து வாணலியில் கொட்டி, மூடிவைத்து சிறுதீயில் வேகவையுங்கள். வெந்ததும் இறக்கி, ஆறவிடுங்கள்.

* தேங்காய் துருவல், சீரகம், பச்சைமிளகாயை மிக்சியில் அரைக்கவும். அத்துடன் வாழைப்பூவையும் கலந்து ஒரு சுற்று மட்டும் ஓடவிட்டு, உப்பு, தயிர் கலந்து பரிமாறுங்கள்.

* வாழைப்பூ உதிரப்போக்கை கட்டுப்படுத்தும் தன்மையுள்ளது. அதனால் ரத்த மூலம் மற்றும் மாதவிடாய் காலத்தில் உண்டாகும் அதிக குருதி போக்கிற்கு இது சிறந்த உணவு. நார்ச்சத்து அதிகம் உள்ளதால் மலச்சிக்கலும் நீங்கும்.

வாழைப்பூ பச்சடி


முதல்வர் ஜெயலலிதாவின் 68வது பிறந்த நாள் வருவதை முன்னிட்டு,உடுமலையில் 68 ஜோடிகளுக்கு அதிமுக சார்பில் இலவச திருமணம் நடைபெற்றது. இந்த திருமண நிகழ்வுக்கு துணை சபாநாயகர் பொள்ளாச்சி ஜெயராமன் தலைமை வகித்தார். வனத்துறை அமைச்சர் ஆனந்தன் முன்னிலை வகித்தார்.

இந்த திருமணத்தில் 68 ஜோடிகள் திருமண அலங்காரத்துடன், தலையில் முதல்வர் படம் பதிக்கப்பட்ட கங்கணம் கட்டப்பட்டு மகிழ்ச்சியாக காட்சியளித்தனர். வசதியில்லாத ஏழை ஜோடிகளுக்கு இலவசமாக திருமணம் செய்து வைப்பது நிச்சயமாக நல்ல விஷயம் என்பதை யாரும் மறுப்பதற்கில்லை.

ஆனால் தலைமை மீது உள்ள விசுவாசத்தை காட்ட, மணமக்களின் நெற்றியில் அம்மா ஸ்டிக்கர் ஒட்டியதுதான் இப்போது சமூக வலைதளங்களுக்கு தீனியாகி விட்டது. நேற்றும் இன்றும் சமூக வலைதளங்களில் அந்த படங்கள்தான் சுற்றி சுற்றி வந்தன.

பலர் ஏன் இது போன்று இவர்களிடம் போய் திருமணம் செய்து கொள்ள வேண்டுமென்று மணமக்களை விமர்சித்தாலும், மணமக்கள் மீது பரிதாபம் ஏற்படாமல் இல்லை.

ஏழ்மை நிறைந்த குடும்பத்தில் இருந்துதான் இந்த மணமக்கள் வந்திருப்பார்கள்.அந்த கட்சியினர் கொடுக்கும் சீர்வரிசை கூட குடும்ப வாழ்க்கையை தொடங்குவதற்கு உதவியாக இருக்கும் என்ற எண்ணமும். அதற்கு காரணமாக இருக்கலாம். அதனால்தான் இது போன்று கட்சியினர் நடத்தி வைக்கும் கூட்டு திருமணத்தில் வைத்து திருமணம் செய்து கொள்கின்றனர்.

ஆனால் அந்த கட்சியினரோ, மணமக்கள் சுயத்துடன் இருக்க வேண்டும். அவர்களுக்குரிய மண அலங்காரங்களுடன் இருந்தால் மட்டும் போதுமானது என்று கருதுவதில்லை என்பதற்கு பொள்ளாச்சியார் தலைமையில் நடந்த இந்த ஒரு திருமண நிகழ்வே உதாரணம்.

என்னதான் தாங்களே பணம் செலவு செய்து திருமணம் செய்து வைத்தாலும், ஒவ்வொரு மனிதனுக்கும் மனுஷிக்கும் ஒரு சுயமரியாதை உண்டு என்பதை உணராததன் விளைவுதான் இது.

மணமக்களின் நிலை அப்படி, அதனால்தான்திருமண ஜோடிகள் என்ற குறைந்த பட்ச மரியாதை கூட தருவதற்கு கட்சியினர் முன் வருவதில்லை. நாம் திருமணம் நடத்தி வைக்கிறோம் என்ன வேண்டுமென்றாலும் செய்யலாம் என்ற எண்ணத்தில்தான்

இது போன்ற அநாகரீகமான செயல்களை செய்கின்றனர் என்றே தோன்றுகிறது. இதே திருமணம் தங்கள் மகனுக்கோ மகளுக்கோ நடந்தால் இது போன்று நெற்றியில் ஸ்டிக்கர்களை ஒட்ட மனம் இருக்குமா? அதனை பார்க்கத்தான் மனசு வருமா? அல்லது அப்படி ஸ்டிக்கர் ஒட்டப்பட்டால், உங்கள் கட்சி தலைமைதான் விரும்புமா?

ஆனால் ஏழைகளின் திருமணத்தை இப்படி நடத்தி வைத்த அதிமுகவினரை இப்போது யார் கண்டிக்கிறார்களோ இல்லையோ சமூக வலைதளங்கள் கடுமையாகவே கண்டிக்கின்றன. இந்த திருமணத்தை வைத்து அதிமுகவினரை அப்படி நையாண்டி அடிக்கின்றன.

'' மாலையிலும் சட்டையிலும் சேலையிலும் எந்த ஸ்டிக்கரும் இல்லை பொறுப்பற்றவர்கள் எனவே திருமணத்தை நடத்தி வைத்தவர் மீது அதிமுக தலைமை கடும் நடவடிக்கை எடுக்க வேண்டும்'' என்கிறது ஒரு பதிவு. 'அங்க சுத்தி இங்க சுத்தி கடைசியில நெத்தியிலயே ஒட்டிட்டாங்க' என்கிறது இன்னொரு பதிவு. 'ஒட்டியதிலேயே இதுதான் டாப்பு' என்கிறது மற்றொரு பதிவு.

சுயமரியாதையை விதைத்த பெரியார் பிறந்த மண் இதுவென்று இரு கழகங்களுமே மேடைக்கு மேடை முழங்கும். சுயமரியாதை திருமணங்கள் நடத்திக் காட்டிய மண் இதுவென்று வாய் கிழிய மேடைக்கு மேடையும் கத்துவார்கள். அதே மண்ணில்தான் திருமண தினத்தன்று மணமக்களை சுய மரியாதையுடன் நடத்த வேண்டுமென்ற குறைந்த பட்ச நாகரீகம் தெரியாதவர்களும் இருக்கிறார்கள் !

இது போன்ற திருமணத்தை நீங்கள் எங்கேயாவது பார்த்ததுண்டா?








Solvathellam Unnmai 08-02-16 Zeetamil



 
PLEASE CLICK THE ABOVE IMAGE TO WATCH THIS EPISODE HAPPY WATCHING

Priyamanaval Sun Tv Serial 08-02-16 - Episode 317


Lakshmi Menon at OPPO F1 'Selfie Expert' Success Celebration


உடல் எடையைக் குறைக்க நாம் நிறைய முயற்சிப்போம். ஆனால் அப்படி முயற்சிக்கும் போது நமக்கு தெரியாமலேயே நாம் சில தவறுகள் செய்வதுண்டு. அந்த தவறுகளால் உடல் எடை குறைவதில் இடையூறு ஏற்பட்டு, எடையைக் குறைக்க முடியாமல் போகிறது.

பொதுவாக எடையை வேகமாக குறைக்க நாம் செய்யும் செயல்கள் கடுமையான உடற்பயிற்சி, கொழுப்பு நிறைந்த உணவுகளை முற்றிலும் தவிர்ப்பது, நார்ச்சத்துள்ள உணவுகளை அதிகம் உண்பது போன்றவை.

இருப்பினும் இப்படி எந்த ஒரு செயலையும் கடுமையாக செய்தால், எந்த ஒரு பலனும் கிடைக்காது. மாறாக, அது உடல் ஆரோக்கியத்தை தான் பாதிக்கும். இங்கு ஒருவர் உடல் எடையைக் குறைக்க முயற்சிக்கும் போது செய்யும் தவறுகள் பட்டியலிடப்பட்டுள்ளன.

அளவுக்கு அதிகமாக பச்சை காய்கறிகளை உண்பது

பச்சை காய்கறிகளை சாலட் செய்து உண்பது நல்லது தான். ஆனால் அதுவே அளவுக்கு அதிகமானால் எடை குறைவதற்கு பதிலாக அதிகரிக்கத் தான் செய்யும். ஏனெனில் பச்சை காய்கறிகளில் உள்ள செல்லுலோஸ் எளிதில் செரிமானமாகாமல் வயிற்றில் தங்கி, செரிமான பிரச்சனைகளை ஏற்படுத்துவதோடு, வயிற்றில் உள்ள நல்ல பாக்டீரியாக்களை அழித்து, மெட்டபாலிச செயல்பாட்டை மெதுவாக்கி, அதன் காரணம் உடல் எடை அதிகரிக்கச் செய்யும்.

புரோட்டீன்களை அதிகம் உண்பது

உடலுக்கு புரோட்டீன்கள் இன்றியமையாதது தான். ஆனால் அந்த புரோட்டீன்களே அதிகமானால், அவை உடலில் கொழுப்புக்களாக தங்கிவிடும். அதிலும் கார்போஹைட்ரேட் உணவுகளை முற்றிலும் தவிர்த்து, புரோட்டீன் உணவுகளை மட்டும் அதிகம் உட்கொண்டால், அதனால் உடலில் சர்க்கரையின் அளவு அதிகமாகி, நாளடைவில் அதிகப்படியான சர்க்கரை கொழுப்புக்களாக மாறிவிடும். எனவே என்ன தான் டயட்டில் இருந்தாலும், அளவுடன் இருப்பதே நல்லது.

நார்ச்சத்துள்ள உணவுகளை அதிகம் உண்பது

எடையைக் குறைக்க நினைப்பவர்கள் உணவில் நார்ச்சத்துள்ள உணவுகள் சேர்க்க வேண்டியது தான். அதற்காக அது அளவுக்கு அதிகமானால், அதனால் நல்ல பாக்டீரியாக்களின் செயல்பாட்டில் இடையூறு ஏற்பட்டு, முக்கிய ஊட்டச்சத்துக்களை உடல் உறிஞ்ச முடியாமல் போய்விடும்.

மேலும் இதனால் மெட்டபாலிச அளவு குறைந்து, உடல் எடை அதிகரிப்பது அதிகரிக்கும். அதுமட்டுமின்றி, அதிகப்படியான நார்ச்சத்துள்ள உணவுகள் வாய்வுத் தொல்லை, வயிற்று உப்புசம் மற்றும் வயிற்றுப் போக்கு போன்றவற்றையும் உண்டாக்கும்.

கடுமையான உடற்பயிற்சி

எடையை வேகமாக குறைக்க கடுமையான உடற்பயிற்சிகளை செய்து வந்தால், அதனால் உடலில் மன அழுத்த ஹார்மோனான கார்டிசோல் அளவு அதிகரித்து, அதனால் உண்ணும் உணவுகளின் அளவை அதிகரித்துவிடும். இதன் காரணமாக உடல் எடை அதிகரிக்க ஆரம்பிக்கும்.

உணவில் குறைவாக உப்பு சேர்ப்பது

உணவில் உப்பை குறைவாக சேர்ப்பது நல்லது தான். ஆனால் உயர் இரத்த அழுத்தம் மற்றும் சிறுநீரக பிரச்சனைகள் இல்லாதவர்கள், ஒரு நாளைக்கு 1500 மிகி உப்பை ஒவ்வொருவரும் எடுக்க வேண்டியது அவசியம். ஏனெனில் உப்பு கலோரிகளை எரிக்கவும், செரிமானத்திற்கும், மன அழுத்த ஹார்மோன்களைத் தடுக்கவும் செய்யும்.

வெறும் தண்ணீரைக் குடிப்பது

எடையைக் குறைக்க நினைக்கும் போது குடிக்கும் நீரின் அளவை அதிகரிப்போம். ஆனால் அப்படி நீரை மட்டும் அளவுக்கு அதிகமாக குடித்தால், வயிறு நிறைந்து, உணவுகளை உண்ண முடியாமல் உடலுக்கு வேண்டிய அத்தியாவசிய சத்துக்கள் கிடைக்காமல் போகும்.

எனவே எடையைக் குறைக்கும் காலத்தில் ORS நீரைக் குடியுங்கள். இதனாடல் உடலுக்கு வேண்டிய கனிமச்சத்துக்கள், எலக்ட்ரோலைட்டுகள் போன்றவை கிடைத்து, உடலின் மெட்டபாலிச அளவும் அதிகரிக்கும்.

நல்ல கொழுப்புக்களைத் தவிர்ப்பது

எடையைக் குறைக்க டயட்டில் இருக்கும் போது, அனைத்து வகையான கொழுப்புக்கள் நிறைந்த உணவுகளையும் தவிர்ப்போம். ஆனால் நல்ல கொழுப்புக்கள் உடலுக்கு மிகவும் அவசியமானது மற்றும் அதுவும் உடலில் மெட்டபாலிச அளவை அதிகரித்து, உடல் எடையைக் குறைக்க உதவும்.

எனவே நல்ல கொழுப்புக்களான ஒமேகா-3 ஃபேட்டி ஆசிட் மற்றும் இதர அத்தியாவசிய ஃபேட்டி அமிலங்கள் நிறைந்த உணவுப் பொருட்களான ஆலிவ் ஆயில், மீன், நட்ஸ் போன்றவற்றை உணவில் சேர்க்க வேண்டும்.

இந்த தவறுகளால் தான் உங்கள் எடை குறையாமல் இருகின்றது தெரியுமா?







PLEASE CLICK THE ABOVE IMAGE TO WATCH THIS EPISODE HAPPY WATCHING

Free Watch Sun Tv Morning News At www.techsatish.net,Sun Tv Morning News -Cast,Titlesong,Mp3
Sun Tv Morning News Watch Online At www.techsatish.net
Sun Tv Morning News , Sun Tv Morning News Today,Sun Tv Morning News Wiki,Sun Tv Morning News ,Sun Tv Morning News Watch,Sun Tv Morning News Online,Watch Sun Tv Morning News Online,Sun Tv Morning News YouTube,Sun Tv Morning News,Sun Tv Morning News ,Sun Tv Morning News ,Sun Tv Morning News tamil News,Sun Tv Morning News

Sun Tv Evening News 08-02-2016

 
PLEASE CLICK THE ABOVE IMAGE TO WATCH THIS NEWS HAPPY WATCHING

Vaanga Pesalam 08-02-16 Sun Tv Shows